۱-پطرس 4:7 - پنجابی نواں عہد نامہ نظرثانی شدہ چھپائی

⁷ سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۱-پطرس 4:7 ပူးပေါင်းရင်းမြစ်များ

متّی 24:42

ایس لئی جاگدے رہو پئی تُسی نئیں جان دے پئی تُہاڈا خُداوند کیہڑے دِن آؤندا اے۔

متّی 25:13

ایس لئی جاگدے رہو کیوں جو اوس دِن تے اوس گھڑی نُوں تُسی نئیں جان دے۔

لُوقا 21:34

پر ہُشیار رہو۔ کِتے تُہاڈے دِل بوہتا کھان پِین تے نشئی ہون تے زِندگی دی فِکراں نال بھارے نا ہو جان۔ تے اوہ دِہاڑا تُہاڈے اُتّے پھاہی وانگُوں جھٹ پَٹ آ پَوے۔

لُوقا 21:36

پر ہر ویلے جاگدے رہو تے دُعا منگو پئی تُسی ایہناں سارِیاں شیواں توں جیہڑیاں ہون والِیاں نیں بچ سکو۔ تے اِبنِ آدم دے اگّے کھلو سکو۔

لُوقا 22:46

تے اوہناں نُوں آکھیا تُسی کاہِنُوں سَوندے اوہ؟ اُٹھ کے دُعا منگو۔ پئی ازمایش وِچ نا پَوو۔

رُومِیوں 12:12

آس وِچ خُوش رہو۔ تنگی وِچ صبر کرو۔ دُعا منگن وِچ لگّے رہو۔

۱-کُرِنتھِیوں 15:24

ایہدے مگروں اوڑک اے۔ اوس ویلے اوہ ساری حکُومت تے سارا اختیار تے قُدرت دا ناس کر کے بادشاہی نُوں خُدا باپ دے حوالے کر دے گا۔

۱-کُرِنتھِیوں 7:29

پر بھراؤ! مَیں ایہہ آکھنا آں۔ پئی ویلا تنگ اے۔ سو اگّے نُوں چاہیدا اے۔ پئی وَوہٹِیاں والے اجیہے ہون۔ پئی اوہناں دِیاں وَوہٹِیاں نئیں۔

اِفسِیوں 6:18

تے ہر ویلے تے سبھنیں گلِّیں رُوح وِچ دُعا تے مِنّت کر دے رہو۔ تے ایسے مطلب واسطے جاگدے رہو پئی تُسی سارے پاک لوکاں لئی دُعا منگدے رہو۔

فِلِپّیوں 4:5

تُہاڈی نرم دِلی ساریاں اُتّے ظاہر ہوئے۔ خُداوند نیڑے اے۔

کُلُسِّیوں 4:2

دُعا منگن وِچ لگے رہو۔ تے شُکر نال اوہدے واسطے جاگدے رہو۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

طِطُس 2:12

تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

عِبرانیوں 10:25

تے اکٹّھے ہون توں نا مُڑیئے۔ جیویں کئیاں لوکاں دی عادت اے۔ سگوں آپو وِچ نصِیحت کریئے تے جِنّاں اوس دِن نُوں نیڑے ہوندیاں ویکھدے ہو۔ اوناں ای ایہہ گلّاں وَدّھ کریا کرو۔

عِبرانیوں 9:26

نئیں تے دُنیا دے شُروع توں لے کے اوہنوں بڑی واری دُکھ جھلنا پَیندا۔ پر ہُن اخِیری زمانے وِچ اِکّو وار ظاہر ہویا۔ تاں جو اپنے آپ نُوں قُربان کرن نال گُناہ نُوں دفع کر دے۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 3:7

گھر والیو! تُسی وی اپنیاں زنانِیاں نال عقل نال وسّیا کرو تے زنانی نُوں کمزور جان کے اوہدی عِزّت کرو تے ایسے طرح سمجھو پئی اسی دونویں زِندگی دی نِعمت دے وارث آں۔ تاں جو تُہاڈیاں دُعاواں رُک نا جان۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

مُکاشفہ 16:15

(ویکھو مَیں چور وانگر آؤناں آں دھنّ اوہ اے جیہڑا جاگدا اے تے اپنی پوشاک دی راکھی کر دا اے پئی ننگا نا پِھرے تے لوک اوہنوں بے لہنگا نا ویکھن۔)