۱-پطرس 4:5 - پنجابی نواں عہد نامہ نظرثانی شدہ چھپائی

⁵ اوہ اوسے نُوں لیکھا دین گے۔ جیہڑا جِیوندیاں تے مُردیاں دی عدالت کرن نُوں تیار اے۔

۱-پطرس 4:5 ပူးပေါင်းရင်းမြစ်များ

متّی 12:36

پر مَیں تُہانوں آکھنا آں پئی ہر اِک وادھی گلّ جیہڑی لوکی بولن گے عدالت دے دِن اوہ اوہدا حِساب دین گے۔

لُوقا 16:2

تَد اوس اوہنوں سَدّ کے آکھیا۔ ایہہ کِیہ اے۔ جو مَیں تیرے حق وِچ سُننا آں؟ اپنی مُختیاری دا حِساب دے۔ کیوں جو تُوں اگّے نُوں مُختِیار نئیں رہ سکدا۔

اعمال 10:42

تے اوس سانُوں حُکم دِتّا پئی لوکاں نُوں منادی کرو۔ تے گواہی دیو پئی ایہہ اوہو اے جیہڑا خُدا ولّوں مُقرّر ہویا پئی جِیوندیاں تے مُردیاں دا انصاف کرن والا ہوئے۔

اعمال 17:31

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

رُومِیوں 14:9

کیوں جو ایسے واسطے مسِیح مویا تے جِیو پیا۔ پئی مُردیاں تے جِیوندیاں دا وی خُداوند ہوئے۔

۲-تِیمُتِھیُس 4:1

خُدا تے مسِیح یِسُوع نُوں جیہڑا جِیوندیاں تے مویاں ہویاں دی عدالت کرے گا۔ گواہ کر کے تے اوہدے ظاہر ہون توں بادشاہی نُوں یاد دوا کے مَیں تینُوں آکھنا آں۔

یعقُوب 5:9

بھراؤ! اِک دُوجے دی چُغلی نا کرو۔ تاں جو سزا نا پاؤ۔ ویکھو مُنصف بُوہے اُتّے کھلوتا اے۔