۱-پطرس 4:17 - پنجابی نواں عہد نامہ نظرثانی شدہ چھپائی

¹⁷ کیوں جو اوہ ویلا آ پُجیا اے پئی خُدا دے گھروں عدالت شُروع ہوئے۔ تے جد ساتھوں ای شُروع ہوئے گی تے اوہناں دا کِیہ اوڑک ہوئے گا جیہڑے خُدا دی خُوشخبری نُوں نئیں مَن دے۔

۱-پطرس 4:17 ပူးပေါင်းရင်းမြစ်များ

لُوقا 23:31

کیوں جو جدوں ہرے رُکھّ نال اِنج کر دے نیں تے سُکّے نال ضرُور ای کرن گے۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 2:9

ہر اِک بندے دی جان اُتّے جیہڑا بُریائی کر دا اے۔ بِپتا تے تنگی ہوئے گی۔ پہلاں یہُودی تے فیر یُونانی اُتّے۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

گلتِیوں 5:7

تُسی تے چنگی طرح پئے دَوڑ دے سو۔ کِس تُہانوں سچیائی دے مَنّن توں ڈکیا؟

گلتِیوں 6:10

سو جدوں موقع مِلے۔ ساریاں نال نیکی کریئے۔ خاص کر اِیمانداراں نال۔

۲-تھِسّلُنِیکوں 1:8

تے جیہڑے خُدا نُوں نئیں پچھاندے تے ساڈے خُداوند یِسُوع دی اِنجِیل نُوں نئیں مَن دے۔ اوہناں نُوں بدلہ دے گا۔

۱-تِیمُتِھیُس 3:15

تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

عِبرانیوں 11:8

اِیمان دی راہِیں ابرہام جد سدّیا گیا حُکم مَن کے اوس تھاں ٹُر گیا۔ جیہڑا وِرثے وِچ اوہنوں مِلن والا سی تے بھانویں اوہ نئیں سی جان دا پئی مَیں کِتّھے لگا جانا آں تَد وی ٹُرپیا۔

عِبرانیوں 2:2

کیوں جو جد اوہ کلام جیہڑا فرِشتیاں دی راہِیں کِیتا گیا سی قیم رہیا تے ہر قصور تے نافرمانی دا ٹھیک ٹھیک بدلہ مِلیا۔

عِبرانیوں 2:4

تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

عِبرانیوں 5:9

تے کامِل بن کے اوہناں لئی جیہڑے اوہدے آکھے لگدے نیں سدا دی نجات دا سبّب ہویا۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 2:8

تے ٹھیڈا لگّن دا پتّھر تے ٹھوکر کھان دی چٹان ہویا کیوں جو اوہ نافرمان ہو کے کلام توں ٹھیڈا کھاندے نیں۔ تے ایہدے لئی مُقرّر وی ہوئے سن۔