۱-پطرس 4:14 - پنجابی نواں عہد نامہ نظرثانی شدہ چھپائی

¹⁴ جے مسِیح دے ناں دے سببّوں تُہانوں طعنے مِہنے مِلدے نیں تے تُسی مُبارک ہو۔ کیوں جو جلال دا یعنی خُدا دا رُوح تُہاڈے اُتّے رہندا اے۔

۱-پطرس 4:14 ပူးပေါင်းရင်းမြစ်များ

متّی 5:11

دھنّ ہو تُسی جد میری خاطر تُہانوں ملامت کرن گے تے ستان گے تے جُھوٹھ مُوٹھ ہر طرح دِیاں بُریائِیاں تُہاڈے اُتّے بکن گے۔

متّی 5:16

ایسے طرح تُہاڈا چانن بندیاں دے سامھنے چمکے۔ تاں جو اوہ تُہاڈے بھلے کمّاں نُوں ویکھن تے تُہاڈے باپ دی جیہڑا اسمان وِچ اے وڈیائی کرن۔

لُوقا 6:22

دھنّ ہو تُسی جد اِبنِ آدم دے سبّب بندے تُہاڈے نال وَیر رکھن گے تے تُہانوں باہر کڈھ دین گے تے ملامت کرن گے تے تُہاڈا ناں بُرا جانن گے۔

یُوحنّا 15:21

پر ایہہ سبھ کُجھ میرے ناں کر کے تُہاڈے نال کرن گے ایس لئی پئی اوہ اوہنوں نئیں جان دے جِس مَینُوں گھلّیا اے۔

یُوحنّا 8:48

یہُودِیاں نیں جواب دِتّا اساں ٹھیک نئیں آکھیا پئی تُوں سامری ایں تے تینُوں بد رُوح چمبڑی ہوئی اے؟

یُوحنّا 9:28

تَد اوہناں اوہنوں پھٹکاریا تے آکھیا۔ تُوں ای اوہدا شاگِرد ایں پر اسی تے مُوسیٰ دے شاگِرد آں۔

یُوحنّا 9:34

اوہناں اوہنوں جواب وِچ آکھیا تُوں تے گُناہاں وِچ جمّیا سائیں تے سانُوں سکھانا ایں؟ تے اوہنوں باہر کڈھ دِتّا۔

اعمال 13:45

پر یہُودی لوک بِھیڑ نُوں ویکھ کے ساڑے نال بھر گئے۔ تے پَولُس دِیاں گلّاں دی مخالفت کر دے تے کُفر بَکدے سن۔

اعمال 18:6

تے جد اوہ مخالفت کرن تے کُفر بکن لگّے۔ تے اوس اپنے کپڑے پھاڑ کے اوہناں نُوں آکھیا۔ تُہاڈا خُون تُہاڈے سِر اُتّے ہوئے میرے ذِمّے نئیں رہیا۔ ایدوں اگّے غیر قوماں ولّ جاواں گا۔

اعمال 28:22

پر اسی چاہنے آں پئی تیرے کولوں سُنیے۔ پئی تیرے کِیہ خیال نیں۔ کیوں جو ایس فِرقے دی بابت اسی جاننے آں۔ پئی سبھنیں تھائِیں اوہنوں بُرا آکھدے نیں۔

اعمال 5:41

سو اوہ صدرِ مجلس دے اگّوں خُوش ہو کے ٹُر گئے پئی اسی ایس ناں دی خاطر بے عِزّت ہون دے لائق تاں سمجھے گئے۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-کُرِنتھِیوں 4:10

اسی ہر ویلے اپنے جِسم وِچ یِسُوع دی مَوت لئی پِھرنے آں۔ تاں جو یِسُوع دی زِندگی ساڈے بدن وِچ ظاہر ہوئے۔

۲-کُرِنتھِیوں 4:16

ایس لئی اسی ہِمّت نئیں ہار دے سگوں بھانویں ساڈی ظاہری اِنسانِیّت برباد ہوندی اے۔ فیر وی ساڈی اندرلی اِنسانِیّت دِنوں دِن نَوِیں ہوندی جاندی اے۔

گلتِیوں 1:24

تے اوہ میرے صدقہ خُدا دی وڈیائی کر دیاں سن۔

عِبرانیوں 11:26

تے مسِیح لئی طعنے مِہنے جِرنا مِصر دے خزانیاں نالوں وڈّی دَولت جانیا کیوں جو اوہنوں اَجر دا خیال سی۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

یعقُوب 5:11

ویکھو صبر کرن والیاں نُوں اسی دھنّ آکھنے آں۔ تُساں ایُّوب دے صبر دا حال تے سُنیا ای اے تے خُداوند ولّوں جیہڑا اوہدا انت ہویا اوہنوں وی معلُوم کر لیا۔ جِہدے توں خُداوند دا بڑا ترس تے رَحم ظاہر ہوندا اے۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-پطرس 3:14

تے جے راستبازی دی خاطر دُکھ سَہو تے تُسی مُبارک ہو۔ نا اوہناں دے ڈران توں ڈرو تے نا گھابرو۔

۱-پطرس 3:16

تے نِیّت وی نیک رکھو۔ تاں جو جِنہاں گلّاں وِچ تُہاڈے اُتّے عیب لایا جاندا اے۔ اوہناں وِچ اوہ لوک شرمندے ہون جیہڑے تُہاڈے مسِیح وِچ نیک روَئیے اُتّے طعنے دیندے نیں۔

۱-پطرس 4:16

پر جے مسِیحی ہون دے سببّوں کوئی بندہ دُکھ پائے۔ تے نا شرمائے۔ سگوں ایس ناں دے سببّوں خُدا دی وڈیائی کرے۔

۲-پطرس 2:2

تے بتھیرے اوہناں دے لُچ پُنے مگر ٹُرن گے جِنہاں دے سبّب سچیائی دے راہ دی بدنامی ہوئے گی۔