۱-پطرس 3:5 - پنجابی نواں عہد نامہ نظرثانی شدہ چھپائی

⁵ تے پِچّھلے زمانے وِچ وی خُدا اُتّے آس رکھن والِیاں پاک زنانِیاں اپنے آپ نُوں ایسے طرح سنگار دِیاں تے اپنے اپنے گھر والیاں دے حُکم وِچ رہندیاں سن۔

۱-پطرس 3:5 ပူးပေါင်းရင်းမြစ်များ

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

اعمال 1:14

ایہہ ساریاں دے سارے کئیاں زنانِیاں دے نال تے نالے یِسُوع دی ماں مریم تے اوہدے بھراواں دے نال اِک دِل ہو کے دُعا منگن وِچ لگے رہندے سن۔

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

۱-تِیمُتِھیُس 2:10

سگوں جیویں خُدا دِیاں مَنّن والیاں نُوں پھبدا اے پئی اپنے آپ نُوں چنگے کمّاں نال سنگارن۔

۱-تِیمُتِھیُس 2:15

پر اولاد جمّن دے سببّوں نجات پائے گی۔ جے اِیمان تے پیار تے پاکیزگی تے پرہیزگاری اُتّے قیم رہے۔

۱-تِیمُتِھیُس 5:10

تے چَنگیاں کمّاں وِچ مشہُور ہوئے۔ بچّیاں نُوں پا لیا ہوئے تے پردیسیاں دی سیوا کِیتی ہوئے تے پاک لوکاں دے پَیر دھوتے ہون۔ تے خستہ حال والیاں دی مدد کِیتی ہوئے تے سارے نیک کمّ کرن وِچ لگّی رہی ہوئے۔

۱-تِیمُتِھیُس 5:5

جیہڑی سَچّی مُچّی رَنڈی اے۔ تے اوہدا کوئی وی نئیں۔ اوہ خُدا اُتّے آس رکھدی اے۔ تے راتِیں دِنے بینتی تے دُعا وِچ لگّی رہندی اے۔

عِبرانیوں 11:11

اِیمان دی راہِیں آپے سارہ نُوں وی عُمر لنگھا کے پیٹ ہون دی طاقت لَبّھی ایس لئی پئی اوس وعدہ کرن والے نُوں سَچّا جانیا۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔