۱-پطرس 3:4 - پنجابی نواں عہد نامہ نظرثانی شدہ چھپائی

⁴ سگوں تُہاڈے دِل دی چُھپی ہوئی اِنسانِیّت نرمی تے حلِیمی دی نا ناس ہون والی سجاوٹ نال سَجی رہے۔ کیوں جو خُدا دے کول ایہدی بتھیری قدر اے۔

۱-پطرس 3:4 ပူးပေါင်းရင်းမြစ်များ

متّی 11:29

میری پنجالی اپنے اُتّے رکھ لوؤ تے میرے توں سِکھّو کیوں جو مَیں حلِیم تے دِل دا غرِیب آں تے تُسی اپنیاں جِیاں وِچ آرام پاؤ گے۔

متّی 21:5

صِیُّون دی دِھی نُوں آکھو۔ ویکھ تیرا بادشاہ تیرے کول آؤندا اے اوہ حلِیم اے تے کھوتے اُتّے چڑھیا سگوں کھوتی دے بچّے اُتّے۔

متّی 23:26

اَے اَنھے فریسی پہلاں کٹورے تے تھالی دا اندر صاف کر تاں جو اوہ باہروں وی صاف ہو جاوے۔

متّی 5:5

دھنّ نیں اوہ جیہڑے حلِیم نیں کیوں جو اوہ زمین دے وارث ہون گے۔

لُوقا 11:40

نادانوں جِس باہر نُوں بنایا اوس اندر نُوں وی نئیں بنایا؟

لُوقا 16:15

تَد اوس اوہناں نُوں آکھیا تُسی اوہ لوک ہو۔ جیہڑے بندیاں اگّے اپنے آپ نُوں نیک بناندے ہو۔ پر خُدا تُہاڈے دِلاں دِیاں جان دا اے۔ کیوں جو جیہڑی شے بندیاں دی سمجھ وِچ قدر والی اے۔ سو خُدا دے اگّے کرہتی اے۔

رُومِیوں 1:23

تے نا فنا ہون والے خُدا دے جلال نُوں فانی بندیاں تے پکھیرُواں تے چَوپایاں تے کِیڑے مکوڑیاں دی صُورت بنا دِتّی۔

رُومِیوں 2:29

سگوں ٹھیک یہُودی اوہو اے۔ جیہڑا اندروں اے تے سُنتی بہنا اوہو اے۔ جیہڑا دِل دا اے رسمی نا ہوئے پر رُوحانی ہوئے۔ اجیہے دی وڈیائی بندیاں ولّوں نئیں پر خُدا ولّوں اے۔

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 7:22

کیوں جو مَیں تے دِلوں خُدا دی شریعت توں خُوش آں۔

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 4:16

ایس لئی اسی ہِمّت نئیں ہار دے سگوں بھانویں ساڈی ظاہری اِنسانِیّت برباد ہوندی اے۔ فیر وی ساڈی اندرلی اِنسانِیّت دِنوں دِن نَوِیں ہوندی جاندی اے۔

گلتِیوں 5:23

حلِیمی پرہیزگاری اے۔ اجیہاں کمّاں دے برخلاف کوئی شریعت نئیں۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

کُلُسِّیوں 3:3

کیوں جو تُسی مر گئے تے تُہاڈی زِندگی مسِیح وِچ چُھپی ہوئی اے۔

۱-تھِسّلُنِیکوں 4:11

تے جیویں اساں تُہانوں حُکم دِتّا تُسی ہِمّت کر کے چُپ چاپ رہو تے اپنا کمّ دھندا کرو تے اپنے ہتّھاں نال محنت کرو۔

۲-تھِسّلُنِیکوں 3:12

ہُن اجیہاں نُوں اسی خُداوند یِسُوع مسِیح وِچ حُکم دیندے تے نصِیحت کرنے آں۔ پئی چُپ چاپ کمّ کر کے اپنی ای روٹی کھاؤ۔

۱-تِیمُتِھیُس 2:2

بادشاہاں تے اُچّے رُتبے والیاں واسطے ایس لئی کِیتے جان۔ پئی اسی پُوری دِینداری تے حلِیمی تے امن تے ارمان نال زِندگی کِٹئے۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

طِطُس 3:2

کِسے نُوں بُرا بھلا نا آکھن۔ جھگڑالو نا ہون پر نرم طبیعت ہون تے سارے بندیاں نال حلِیمی دا سلُوک کرن۔

یعقُوب 1:21

ایس لئی ساری پلِیتی تے وَدھن والی بُرائی نُوں چھڈ کے اوس کلام نُوں حلِیمی نال مَن لوؤ جیہڑا دِل وِچ بِیجیا گیا اے۔ تے تُہاڈیاں رُوحاں نُوں نجات دے سکدا اے۔

۱-پطرس 1:23

کیوں جو تُسی جِسمانی تُخم توں نئیں۔ سگوں رُوحانی توں۔ خُدا دے کلام دی راہِیں جیہڑا جِیوندا تے قیم اے نَوِیں سِریوں جمّے ہو۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔