۱-پطرس 3:2 - پنجابی نواں عہد نامہ نظرثانی شدہ چھپائی

² ایس لئی پئی جے کوئی بندہ کلام نُوں نا وی مَنّے تَد وی زنانی دے پاک چال چَلّن نال تے خَوف نُوں ویکھ کے بِناں کلام دے کھِچّے جان۔

۱-پطرس 3:2 ပူးပေါင်းရင်းမြစ်များ

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

اِفسِیوں 6:5

نَوکرو۔ جیہڑے جِسم ولّوں تُہاڈے مالک نیں صاف دِلی نال ڈردے تے کمبدے ہوئے اوہناں دے اجیہے آکھے لگو۔ جیویں مسِیح دے۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

فِلِپّیوں 3:20

پر ساڈا وطن اسمان اے۔ تے اسی اِک نجات دین والے یعنی خُداوند یِسُوع مسِیح دے آؤن دی اُڈِیک وِچ آں۔

کُلُسِّیوں 3:22

نَوکرو جیہڑے جِسم ولّوں تُہاڈے مالک نیں سارِیاں گلّاں وِچ اوہناں دا آکھا مَنّو۔ بندیاں دے خُوش کرن والیاں وانگر وکھا لے لئی نئیں سگوں صاف دِلی تے خُدا دے خَوف نال۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

۱-پطرس 1:15

سگوں جیویں تُہاڈا سَدّن والا پاک اے اوسے طرح تُسی وی اپنے چال چَلّن وِچ پاک بنو۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-پطرس 3:1

زنانِیو! تُسی وی اپنے اپنے گھر والیاں دی تابعدار رہو۔

۱-پطرس 3:3

تے تُہاڈی سجاوٹ وکھالے دی نا ہوئے پئی سِر گُندنا تے سونے دے گہنے تے کپڑے۔

۲-پطرس 3:11

جد ایہہ سارِیاں شیواں ایس طرح پگھرن والِیاں نیں تے تُہانوں پاک چال چَلّن تے دِینداری وِچ کیہو جِہیا ہونا چاہیدا اے۔