۱-پطرس 2:6 - پنجابی نواں عہد نامہ نظرثانی شدہ چھپائی

⁶ ایس واسطے پاک کتاب وِچ لِکھیا اے۔ پئی ویکھو مَیں صِیُّون وِچ نُکّر دے سِرے دا چُنیا ہویا تے قِیمتی پتّھر دھرنا آں۔ جیہڑا اوہدے اُتّے اِیمان لیاؤندا اے۔ اوہنوں کدی نموشی نا ہوئے گی۔

۱-پطرس 2:6 ပူးပေါင်းရင်းမြစ်များ

متّی 12:18

پئی ویکھو میرا بندہ جِہنُوں مَیں چُنیا۔ میرا پیارا جِہدے توں میرا جی خُوش اے مَیں اپنا رُوح اوہدے اُتّے رکھاں گا تے اوہ غیر قوماں نُوں نیاں دی خبر کرے گا۔

مرقس 12:10

تُساں ایہہ نوِشتہ وی نئیں پڑھیا۔ پئی جِس پتّھر نُوں راجاں نیں ناپسند کِیتا۔ اوہو ای گُٹّھ دا سِرا بنیا؟

لُوقا 20:17

تَد اوس اوہناں ولّ ویکھ کے آکھیا۔ فیر ایہہ کِیہ لِکھیا ہویا اے۔ پئی اوہ پتّھر جِہنُوں راجاں ناپسند کِیتا اوہی گُٹّھ دا سِرا ہوگیا؟

لُوقا 23:35

تے لوک کھلو کے پئے ویکھدے سن تے سردار وی مخَول کر کر کے آکھدے سن۔ پئی ہور ناں نُوں اوس بچایا۔ جے ایہہ خُدا دا مسِیح تے اوہدا چُنیا ہویا اے تے اپنے آپ نُوں بچاوے۔

یُوحنّا 7:38

اوہ جیہڑا میرے اُتّے اِیمان لیاؤندا اے جیہا کتابِ مُقدّس آکھدی اے اوہدے ڈِھڈ وِچوں جیون دے پانی دِیاں ندیاں وَگن گِیاں۔

اعمال 1:16

بھراؤ۔ ضرُور سی پئی اوہ نوِشتہ پُورا ہوئے۔ جیہڑا پاک رُوح پہلاں توں داؤد دی زبانی یہُوداہ دی بابت جیہڑا یِسُوع دے پھڑن والیاں دا آگُو بن گیا سی آکھیا۔

رُومِیوں 10:11

کیوں جو پاک کلام آکھدا اے پئی ”ہر کوئی جیہڑا اوہدے اُتّے اِیمان لیاؤندا اے۔ شرمندہ نئیں کِیتا جائے گا۔“

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 2:20

تے رسُولاں تے نبیاں دی نِینّھ اُتّے جِہدی گُٹّھ دا پتّھر آپی مسِیح یِسُوع اے اُسارے گئے اوہ۔

۲-تِیمُتِھیُس 3:16

ہر اِک کتاب جیہڑی خُدا دے اِلہام توں اے۔ اوہ تعلِیم تے الزام تے صلاح تے راستبازی دی تعلِیم واسطے فائدہ مند وی اے۔

۱-پطرس 2:4

اوہدے کول آ کے جیہڑا بندیاں دا ردّیا ہویا پر خُدا دا چُنیا تے قِیمتی جِیوندا پتّھر اے۔

۱-پطرس 2:8

تے ٹھیڈا لگّن دا پتّھر تے ٹھوکر کھان دی چٹان ہویا کیوں جو اوہ نافرمان ہو کے کلام توں ٹھیڈا کھاندے نیں۔ تے ایہدے لئی مُقرّر وی ہوئے سن۔

۲-پطرس 1:20

تے پہلاں ایہہ جان لو پئی پاک کتاب دی کِسے نبُوّت دا بیان کِسے دے ذاتی اختیار وِچ نئیں۔

۲-پطرس 3:16

تے اپنے ساریاں خطاں وِچ ایہناں گلّاں دا ذِکر کِیتا اے۔ جِنہاں وِچ کئی گلّاں اجیہاں نیں جِنہاں دا سمجھنا مُشکل اے تے جاہل تے ڈانواں ڈول لوک اوہناں دے مطلب نُوں وی ہورناں صحِیفیاں وانگر کھِچّ کھِچّ کے اپنے لئی ہلاکت پَیدا کر دے نیں۔