۱-پطرس 2:23 - پنجابی نواں عہد نامہ نظرثانی شدہ چھپائی

²³ نا اوہ گالاں لے کے گالاں دیندا سی۔ نا ای دُکھ پا کے کِسے نُوں جِھڑکدا سی۔ سگوں اپنے آپ نُوں سَچّے مُنصف دے ہتّھ سونپدا سی۔

۱-پطرس 2:23 ပူးပေါင်းရင်းမြစ်များ

لُوقا 23:41

تے سانُوں ایہہ انصاف نال مِلیا اے۔ کیوں جو اسی اپنی کرنی دا پَھل پانے آں پر ایس کوئی بُرا کمّ نئیں کِتیا۔

لُوقا 23:46

تے یِسُوع بڑی اواز نال پُکار کے آکھیا۔ اَے باپ مَیں اپنے رُوح نُوں تیرے ہتّھِیں سونپنا آں تے ایہہ آکھ کے دَم چھڈ دِتّا۔

لُوقا 23:9

تے اوس اوہدے توں بتھیریاں گلّاں پُچھیاں۔ پر اوس اوہنوں کُجھ جواب نا دِتّا۔

اعمال 17:31

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

اعمال 4:29

تے ہُن اَے خُداوند ایہناں دِیاں دھمکیاں نُوں ویکھ تے اپنے بندیاں نُوں ایہہ ہِمّت دے پئی بڑی دلیری نال تیرا کلام سُناؤن۔

اعمال 7:59

تے ایہہ تاں ستِفنُس نُوں روڑے مار دے رہے تے اوہ ایہہ آکھ کے دُعا پیا منگدا سی۔ پئی اَے خُداوند یِسُوع میری رُوح نُوں قبول کر۔

اعمال 9:1

تے ساؤُل جیہڑا خُداوند دے شاگِرداں نُوں دھمکان تے قتل کرن پیچھے پیا سی۔ سردار کاہِن دے کول جا کے۔

رُومِیوں 2:5

سگوں تُوں اپنے ڈاہڈے تے نا تَوبہ کرن والے دِل دے سببّوں اوس دِن لئی جِہدے وِچ قَہر تے خُدا دی سَچّی عدالت ظاہر ہوئے گی۔ اپنے لئی قَہر اکٹّھا کرنا ایں۔

اِفسِیوں 6:9

تے اے مالِکو! تُسی جِھڑکاں چھڈ کے اوہناں نال ایہو جیہا سلُوک کرو کیوں جو تُسی جان دے اوہ۔ پئی اوہناں دا تے تُہاڈا دوہاں دا مالک اسمان اُتّے اے۔ تے اوہ کِسے دی رَئی نئیں کر دا۔

۲-تھِسّلُنِیکوں 1:5

ایہہ خُدا دی سَچّی عدالت دی صاف نشانی اے۔ تاں جو تُسی خُدا دی بادشاہی دے قابل ٹھیرو۔ جِہدے لئی تُسی دُکھ وی سَہندے ہو۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

عِبرانیوں 12:3

تے اوہدے ولّ دھیان کرو۔ جِس اوہدے اپنے نال مَندا کرن والیاں گُنہگاراں دی ایڈی لاگت بازی دا صبر کِیتا۔ پئی تُسی بے دِل ہو کے ہِمّت نا ہارو۔

۱-پطرس 3:9

بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

۱-پطرس 4:19

سو جیہڑے خُدا دی مرضی دے سببّوں دُکھ پاندے نیں اوہ راستبازی نال اپنیاں جاناں وفادار خالق نُوں سونپ دین۔

مُکاشفہ 19:11

فیر مَیں اسمان نُوں کُھلا ہویا ویکھیا۔ تے کِیہ ویکھنا آں پئی اِک چِٹّا گھوڑا اے۔ تے اوہدے اُتّے اِک سوار اے جیہڑا سَچّا تے برحق اکھواؤندا اے۔ تے اوہ راستی دے نال انصاف تے لڑائی کر دا اے۔