۱-پطرس 2:21 - پنجابی نواں عہد نامہ نظرثانی شدہ چھپائی

²¹ تے تُسی ایسے لئی سَدّے گئے سو۔ کیوں جو مسِیح وی تُہاڈے لئی دُکھ پا کے تُہانوں اِک نمونہ دے گیا تاں جو اوہدے کُھرے اُتّے ٹُرو۔

۱-پطرس 2:21 ပူးပေါင်းရင်းမြစ်များ

متّی 10:38

تے جیہڑا اپنی صلِیب چُک کے میرے مگر نئیں آؤندا اوہ میرے لائق نئیں اے۔

متّی 11:29

میری پنجالی اپنے اُتّے رکھ لوؤ تے میرے توں سِکھّو کیوں جو مَیں حلِیم تے دِل دا غرِیب آں تے تُسی اپنیاں جِیاں وِچ آرام پاؤ گے۔

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

لُوقا 24:26

ایہہ گلّ ضرُوری نئیں سی پئی مسِیح ایہناں ساریاں دُکھاں نُوں سہہ کے اپنے جلال وِچ داخل ہوئے؟

یُوحنّا 13:15

کیوں جو مَیں تُہانوں نمونہ دِتّا اے پئی جیویں مَیں تُہاڈے نال کِیتا تُسی وی کریا کرو۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

اعمال 17:3

تے اَنترے کڈھ کے اوہ ثابت کر دا رہیا پئی مسِیح دا دُکھ اُٹھانا تے مُردیاں وِچوں جی اُٹھنا ضرُور سی۔ تے ایہو یِسُوع جِہدی خبر مَیں تُہانوں دینا آں اوہو مسِیح اے۔

اعمال 9:16

کیوں جو مَیں اوہنوں دس دیاں گا۔ پئی میرے ناں دے بدلے اوہنوں کیڈے کیڈے دُکھ جَھلّنے پَین گے۔

رُومِیوں 8:29

کیوں جو جِنہاں نُوں اوس پہلے توں جانیا۔ اوہناں نُوں اگّے توں مُقرّر وی کِیتا پئی اوہدے پُتر دی شکل بنن۔ تاں جو اوہ بتھیرے بھراواں وِچ پلیٹھا ہوئے۔

۱-کُرِنتھِیوں 11:1

تُسی میرے وانگر بنو جیویں مَیں مسِیح وانگر بنیا آں۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

فِلِپّیوں 2:5

سو اوہو جیہا ای سبھا رکھو جیہا یِسُوع مسِیح دا سی۔

۱-تھِسّلُنِیکوں 3:3

پئی کوئی بندہ ایہناں مُصِیبتاں توں گھابر نا جائے۔ کیوں جو تُسی آپ جان دے اوہ۔ پئی اسی ایہناں ای لئی مُقرّر ہوئے آں۔

۱-تھِسّلُنِیکوں 4:2

کیوں جو تُسی جان دے ہو پئی اساں تُہانوں خُداوند یِسُوع ولّوں کِیہ کِیہ حُکم سُنایا۔

۲-تِیمُتِھیُس 3:12

سگوں جِنّے مسِیح یِسُوع وِچ دِینداری دے نال زِندگی کٹنی چاہندے نیں۔ اوہ سارے ستائے جان گے۔

عِبرانیوں 2:10

کیوں جو جِہدے لئی سارِیاں شیواں نیں تے جِہدی راہِیں سارِیاں شیواں نیں اوہنوں ایہہ پھبدا سی پئی جد بُہت ساریاں پُتراں نُوں جلال وِچ لے آوے تے اوہناں دی نجات دے بانی نُوں دُکھاں دے سبّب کامِل بنائے۔

۱-پطرس 1:20

تے خُدا نُوں دُنیا دے بنن توں پہلاں اوہدا عِلم سی پر تُہاڈی خاطر چھیکڑے ویلے ظاہر کِیتا گیا۔

۱-پطرس 2:24

اوہ آپ ساڈے گُناہ نُوں اپنے بدن اُتّے چُک کے صلِیب اُتّے چڑھ گیا۔ تاں جو اسی گُناہ ولّوں مر کے راستبازی ولّوں جِیوئیے۔ تے اوہدے مار کھان نال تُسی چنگے کِیتے گئے۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-پطرس 3:9

بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

۱-پطرس 4:1

جد مسِیح ساڈے واسطے جِسم دا دُکھ چُکیا۔ تے تُسی وی اوسے طبیعت دے ہتّھیار بنو۔ کیوں جو جِس جِسم دا دُکھ چُکیا اوس گُناہ توں خلاصی پائی اے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-یُوحنّا 2:6

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔