۱-پطرس 2:11 - پنجابی نواں عہد نامہ نظرثانی شدہ چھپائی

¹¹ پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۱-پطرس 2:11 ပူးပေါင်းရင်းမြစ်များ

لُوقا 21:34

پر ہُشیار رہو۔ کِتے تُہاڈے دِل بوہتا کھان پِین تے نشئی ہون تے زِندگی دی فِکراں نال بھارے نا ہو جان۔ تے اوہ دِہاڑا تُہاڈے اُتّے پھاہی وانگُوں جھٹ پَٹ آ پَوے۔

اعمال 15:20

پر اوہناں نُوں لِکھئے۔ پئی بُتاں دِیاں پلِیتیاں توں تے حرامکاری توں تے گل گُھٹّیاں ہویاں شیواں توں تے لہو توں بچے رہن۔

اعمال 15:29

پئی تُسی بُتاں دے چڑھاویاں توں۔ تے لہو توں۔ تے گل گُھٹّیاں ہویاں شیواں توں۔ تے حرامکاری توں بچے رہو۔ جے تُسی ایہناں شیواں توں اپنے آپ نُوں بچائے رکھو گے۔ تاں چَنگا کرو گے۔ سلامت رہو۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 7:23

پر دُوجی شریعت مَیں اپنے انگاں وِچ ویکھنا آں۔ جیہڑی میری عقل دی شریعت نال لڑائی کر کے مَینُوں گُناہ دی اوس شریعت دے ہتّھ جیہڑی میرے انگاں وِچ اے قید کر کے پھڑاؤندی اے۔

رُومِیوں 8:13

کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

۲-کُرِنتھِیوں 5:20

سو اسی مسِیح دے ایلچی آں۔ جیویں خُدا ساڈی راہِیں مِنّت کر دا اے اسی مسِیح ولّوں مِنّت کرنے آں پئی خُدا نال میل کرو۔

۲-کُرِنتھِیوں 6:1

تے اسی جیہڑے اوہدے نال کمّ وِچ سِیری آں ایہہ عرض وی کرنے آں۔ پئی خُدا دا فضل جیہڑا تُہاڈے اُتّے ہویا بے فائدہ نا رہن دیو۔

۲-کُرِنتھِیوں 7:1

سو اَے عزِیزو! ایس کر کے پئی ساڈے نال اجیہے وعدے کِیتے گئے۔ تے آؤ اپنے آپ نُوں ہر طرح دی جِسمانی تے رُوحانی گندگی توں پاک کریئے تے خُدا دے خَوف نال پاکیزگی نُوں کمال تِیکر پُچایئے۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 2:19

سو ہُن تُسی پردیسی تے راہی نئیں۔ سگوں پاک لوکاں دے وطنی تے خُدا دے ٹبّر دے اوہ۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

۲-تِیمُتِھیُس 2:22

جوانی دِیاں خواہشاں توں بچ۔ جیہڑے صاف دِلی نال خُداوند توں دُعا منگدے نیں۔ اوہناں دے نال راستبازی تے اِیمان تے پیار تے صُلح دا لَبّھن والا ہو۔

عِبرانیوں 11:13

ایہہ سارے اِیمان وِچ مر گئے تے وعدے دِیاں شیواں نئیں ساں لَیاں سگوں دُوروں ای ویکھ کے اوہناں نُوں چاء چڑھیا تے مَن لیا پئی اسی دُنیا اُتّے پردیسی تے راہی آں۔

عِبرانیوں 6:9

پر پیاریو! بھانویں اسی ایہہ گلّاں آکھنے آں پر تَد وی اسی تُہاڈے کولوں اوہناں توں چَنگیاں تے نجات والیاں گلّاں دا یقِین کرنے آں۔

یعقُوب 4:1

تُہاڈے وِچ لڑائِیاں تے جھگڑے کِتّھوں آ گئے نیں ایہہ اوہناں خواہشاں توں نئیں جیہڑیاں تُہاڈے انگاں وِچ فساد کر دِیاں نیں؟

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۱-پطرس 1:17

تے جد تُسی باپ کر کے اوہدے کولوں دُعا منگدے ہو۔ جیہڑا ہر اِک دے کمّ دے سببّوں رَئی بِناں عدالت کر دا اے۔ تے اپنی مُسافری دا ویلا خَوف نال کٹّو۔

۱-پطرس 4:12

پیاریو! جیہڑی مُصِیبت دی اَگ تُہاڈی ازمایش دے لئی تُہاڈے وِچ بھکھی ہوئی اے۔ ایہہ سمجھ کے اچرج نا ہوؤ پئی ایہہ کوئی انوکھی گلّ ساڈے اُتّے ہوئی اے۔

۱-پطرس 4:2

تاں جو تُسی اگّے نُوں باقی عُمر جِسم دِیاں خواہشاں وِچ نئیں سگوں خُدا دی مرضی نال کٹّو۔

۲-پطرس 3:1

پیاریو! ہُن مَیں ایہہ دُوجا خط تُہانوں لِکھنا آں تے یاد دوان لئی دوہاں خطاں توں تُہاڈے صاف دِلاں نُوں جوش دوانا آں۔