۱-پطرس 2:1 - پنجابی نواں عہد نامہ نظرثانی شدہ چھپائی

¹ فیر ساری بدی تے سارے فریب تے مکّاری تے ساڑا تے بُرا آکھنا چھڈ کے۔

۱-پطرس 2:1 ပူးပေါင်းရင်းမြစ်များ

متّی 15:7

مکّارو! یسعیاہ تُہاڈے حق وِچ کنّی چنگی نبُوّت کِیتی۔

متّی 23:28

ایسے طرح تُسی وی باہروں تے لوکاں نُوں نیک جاپدے اوہ۔ پر اندروں مکر تے بے دِینی نال بھرے ہوئے اوہ۔

متّی 24:51

تے اوہنوں دو ٹوٹے کر دے گا۔ تے اوہدا حِصّہ مکّاراں نال ٹھیراوے گا اوتھے رونا تے کچیچیاں وٹنا ہوئے گا۔

متّی 7:5

اَے مکّارا۔ پہلاں ایس چھتیر نُوں اپنی اکھّوں کڈھ لے۔ تَد چنگی طرح ویکھ کے تُوں اپنے بھرا دی اکھّوں اوس ککھ نُوں کڈھ سکیں گا۔

مرقس 12:15

قَیصر نُوں جزیہ دینا چاہیدا اے یا نئیں؟ اسی دئیے یا نا دئیے؟ پر اوس اوہناں دا مکر جان کے اوہناں نُوں آکھیا۔ مَینُوں کیوں ازماؤندے اوہ؟ دینار میرے کول لیاؤ۔ پئی مَیں ویکھاں۔

لُوقا 11:44

تُہاڈے اُتّے افسوس۔ پئی تُسی اوہناں قبراں وانگر ہو جیہڑیاں دِسدیاں نئیں۔ تے لوک اوہناں دے اُتّے ٹُردے پِھردے بے خبر رہندے نیں۔

لُوقا 12:1

اینے وِچ جد ہزاراں بندیاں دی بِھیڑ جمع ہوگئی۔ ایتھوں تِیکر پئی اِک دُوجے اُتّے ڈِگّدے پئے سن۔ تَد اوس ساریاں توں پہلاں اپنے شاگِرداں نُوں ایہہ آکھنا شُروع کِیتا پئی فرِیسیاں دے خمیر توں جیہڑا مکر اے ہُشیار رہو۔

لُوقا 6:42

یا تُوں کِیویں اپنے بھرا نُوں آکھ سکنا ایں بھراوا ککھ نُوں جیہڑا تیری اَکھ وِچ اے مَینُوں کڈھن دے۔ پر آپ اوس چھتیر نُوں جیہڑی تیری اَکھ وِچ اے نئیں ویکھدا؟ اَے مکّارا پہلاں چھتیر نُوں اپنی اَکھ وِچوں کڈھ۔ تَد ککھ نُوں اپنے بھرا دی اَکھ وِچوں تُوں چنگی طرح ویکھ کے کڈھ سکیں گا۔

یُوحنّا 1:47

یِسُوع نتنی ایل نُوں اپنے ولّ آؤندیاں ویکھ کے اوہدی بابت آکھیا۔ ویکھو ایہہ اصل اِسرائیلی اے جِہدے وِچ مکر نئیں۔

رُومِیوں 1:29

اوہ ساری بے انصافی۔ بُریائی۔ حرص۔ وَیر نال بھر گئے۔ تے ساڑے۔ خُون۔ جھگڑے۔ دغے تے دُشمنی نال بھرے ہوئے چُغلی کرن والے۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

۱-کُرِنتھِیوں 5:8

سو آؤ اسی عید کریئے نا پرانے خمیر نال تے نا بُرائی تے شرارت دے خمیر نال۔ سگوں صاف دِلی تے سچیائی دی بے خمیری روٹی نال۔

۲-کُرِنتھِیوں 12:20

کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

اِفسِیوں 4:31

ہر اِک طرح دی کَوڑ تے کرودھ تے دھُروہ تے رَولا تے بھنڈی ساری کِڑ سَنے دُراڈے کرو۔

۱-تھِسّلُنِیکوں 2:3

کیوں جو ساڈی نصِیحت نا بدراہی نال نا ناپاکی نال نا دھوکھے بازی نال اے۔

۱-تِیمُتِھیُس 3:11

ایسے طرح زنانِیاں وی سنجیدہ ہونیاں چاہیدیاں نیں۔ اُوج لان والِیاں نا ہون سگوں پرہیزگار تے سارِیاں گلّاں وِچ اِیمان دار ہون۔

طِطُس 2:3

ایسے طرح بُڈِّھیاں زنانِیاں دی چال ڈھال ادب والی ہوئے۔ چُغلی کرن والِیاں تے شرابی نا ہون پر ٹھیک گلّاں دسن والِیاں ہون۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔

یعقُوب 1:21

ایس لئی ساری پلِیتی تے وَدھن والی بُرائی نُوں چھڈ کے اوس کلام نُوں حلِیمی نال مَن لوؤ جیہڑا دِل وِچ بِیجیا گیا اے۔ تے تُہاڈیاں رُوحاں نُوں نجات دے سکدا اے۔

یعقُوب 3:14

پر جے تُسی اپنے دِلاں وِچ ڈاہڈا ساڑا تے جُدائِیاں رکھدے ہو۔ تے سچیائی دے برخلاف نا شیخی مارو نا جُھوٹھ بولو۔

یعقُوب 4:11

بھراؤ! اِک دُوجے دی بدگوئی نا کرو۔ جیہڑا اپنے بھرا دی بدگوئی کر دا اے یا الزام لاندا اے اوہ شریعت دی بدگوئی کر دا اے تے شریعت اُتّے الزام لاندا اے۔ جے تُوں شریعت اُتّے الزام لانا ایں تے تُوں شریعت اُتّے عمل نئیں کِیتا۔ سگوں اوہدے اُتّے حاکم بنیا۔

یعقُوب 4:5

تُسی ایہہ سمجھدے ہو پئی پاک کتاب ایویں آکھدی اے؟ پئی رُوح جیہڑا ساڈے وِچ اوس وسایا اے اوہ غیرت نال چاہ کر دا اے؟

یعقُوب 5:9

بھراؤ! اِک دُوجے دی چُغلی نا کرو۔ تاں جو سزا نا پاؤ۔ ویکھو مُنصف بُوہے اُتّے کھلوتا اے۔

۱-پطرس 2:16

تے اپنے آپ نُوں اَزاد سمجھو۔ پر ایس اَزادی نُوں بدی دا پردہ نا بناؤ۔ سگوں اپنے آپ نُوں خُدا دے غلام سمجھو۔

۱-پطرس 2:22

نا اوس گُناہ کِیتا۔ تے نا ای اوہدے مُنھ توں مکر دی کوئی گلّ نِکلی۔

۱-پطرس 3:10

جیہڑا زِندگی توں خُوش ہونا تے چنگے دِن ویکھنے چاہندا اے اوہ زبان نُوں بدی توں تے مُنھ نُوں مکر دی گلّ آکھن توں موڑے۔

۱-پطرس 4:2

تاں جو تُسی اگّے نُوں باقی عُمر جِسم دِیاں خواہشاں وِچ نئیں سگوں خُدا دی مرضی نال کٹّو۔

۱-پطرس 4:4

ایہدے اُتّے اوہ اچرج ہوندے نیں۔ پئی تُسی اوہناں دے نال ایڈی بدچلنی نئیں کر دے تے طعنے مِہنے دیندے نیں۔

مُکاشفہ 14:5

تے اوہناں دے مُنھ وِچوں جُھوٹھ نئیں سی لَبّھدا۔ تے اوہ بے عیب نیں۔