۱-پطرس 1:7 - پنجابی نواں عہد نامہ نظرثانی شدہ چھپائی

⁷ تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

۱-پطرس 1:7 ပူးပေါင်းရင်းမြစ်များ

متّی 19:28

یِسُوع اوہناں نُوں آکھیا مَیں تُہانوں سَچ آکھنا آں پئی جد اِبنِ آدم نَوِیں پَیدایش وِچ اپنے جلال دے تخت اُتّے بَہے گا تُسی وی جیہڑے میرے مگر ٹُر پئے ہو باراں تختاں اُتّے بَہو گے تے اِسرائیل دے باراں گھرانیاں دی عدالت کرو گے۔

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 25:23

اوہدے مالک اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیوں۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

لُوقا 12:33

اپنا مال ویچ کے خَیرات کرو تے اپنے لئی اوہ بٹوے بناؤ جیہڑے پرانے نئیں ہوندے۔ تے اوہ خزانہ جیہڑا تُھڑدا نئیں مطلب اسماناں دے وِچ جِتّھے چور نیڑے نئیں آؤندا تے نا کِیڑا خراب کر دا اے۔

لُوقا 17:30

جِس دِن اِبنِ آدم ظاہر کِیتا جاندا اے۔ ایسے طرح ہوئے گا۔

یُوحنّا 12:26

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

یُوحنّا 5:44

تُسی کِیویں اِیمان لیا سکدے ہو جیہڑے اِک دُوجے توں وڈیائی لَیندے ہو تے اوس وڈیائی نُوں جیہڑی اکلّے خُدا ولّوں آؤندی اے نئیں لبّھدے۔

اعمال 8:20

پر پطرس اوہنوں آکھیا جا تیرے رُپئے تیرے نال ای برباد ہون کیوں جو تُوں خیال کِیتا پئی خُدا دی بخشِش رُپئیاں نال مِل جائے۔

رُومِیوں 2:10

پر وڈیائی تے عِزّت تے سلامتی ہر اِک نُوں جیہڑا نیک کمّ کر دا اے۔ پہلے یہُودی نُوں تے فیر یُونانی نُوں مِلے گی۔

رُومِیوں 2:29

سگوں ٹھیک یہُودی اوہو اے۔ جیہڑا اندروں اے تے سُنتی بہنا اوہو اے۔ جیہڑا دِل دا اے رسمی نا ہوئے پر رُوحانی ہوئے۔ اجیہے دی وڈیائی بندیاں ولّوں نئیں پر خُدا ولّوں اے۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

۱-کُرِنتھِیوں 3:13

تے ہر کِسے دا کمّ دِس پووے گا۔ کیوں جو جیہڑا دِن اَگ نال ظاہر ہوئے گا۔ اوہ اوس کمّ نُوں دس دے گا۔ تے اوہ اَگ ہر اِک دا کمّ آپی پرکھ لَئے گی۔ پئی کیہو جِہیا اے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 1:5

سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)

۱-پطرس 2:4

اوہدے کول آ کے جیہڑا بندیاں دا ردّیا ہویا پر خُدا دا چُنیا تے قِیمتی جِیوندا پتّھر اے۔

۱-پطرس 2:7

سو تُہاڈے اِیمان لیاؤن والیاں لئی تے اوہ قِیمتی اے۔ پر نا مَنّن والیاں لئی اوہ پتّھر جِہنُوں راجاں نیں رَدّ کِیتا اوہ ای نُکّر دے سِرے دا پتّھر ہوگیا۔

۱-پطرس 4:12

پیاریو! جیہڑی مُصِیبت دی اَگ تُہاڈی ازمایش دے لئی تُہاڈے وِچ بھکھی ہوئی اے۔ ایہہ سمجھ کے اچرج نا ہوؤ پئی ایہہ کوئی انوکھی گلّ ساڈے اُتّے ہوئی اے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۲-پطرس 1:4

تے اوہناں دی راہِیں اوس ساڈے نال قِیمتی تے بتھیرے وڈّے وعدے کِیتے۔ تاں جو اوہناں دی راہِیں تُسی اوس خرابی توں چُھٹ کے جیہڑی دُنیا وِچ بُری خواہش دے سببّوں اے۔ اوہناں دی راہِیں ذاتِ اِلہٰی وِچ سنگی ہو جاؤ۔

۲-پطرس 3:14

سو پیاریو! ایس کر کے پئی تُسی ایہناں گلّاں دی اوڈِیک وِچ ہو اوہدے اگّے تسلّی دی حالت وِچ بِناں داغ تے بے عیب ہون دی کوشش کرو۔

یہُوداہ 1:24

ہُن جیہڑا تُہانوں ٹھوکر کھان توں بچا سکدا اے۔ تے اپنی جلالی حضُوری وِچ پُوری خُوشی نال بے عیب کر کے کھلھار سکدا اے۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 3:18

مَیں تینُوں صلاح دینا آں۔ پئی مَیتھوں اَگ وِچ تایا ہویا سونا مُل لے لے۔ پئی تُوں دَھنی ہو جائیں۔ تے چِٹّے کپڑے پا لے پئی اوہناں نُوں پا کے تُوں ننگے پن دی بے لہنگی توں بچیں۔ تے اَکھّیاں وِچ پان لئی سُرمہ لے پئی فیر سُجاکھا ہو جاویں۔