۱-پطرس 1:5 - پنجابی نواں عہد نامہ نظرثانی شدہ چھپائی

⁵ سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)

۱-پطرس 1:5 ပူးပေါင်းရင်းမြစ်များ

یُوحنّا 12:48

اوہ جیہڑا مَینُوں رَدّ کر کے میرِیاں گلّاں نُوں نئیں قبولدا اوہدا اِک عدالت کرن والا تے اے۔ کلام جیہڑا مَیں آکھیا۔ اوہ ای اوڑک دے دِن اوہدی عدالت کرے گا۔

یُوحنّا 17:15

میری ایہہ درخواست نئیں اے پئی تُوں اوہناں نُوں دُنیا وِچوں چُک لَویں پر ایہہ پئی تُوں اوس شریر توں اوہناں دی راکھی کر۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

رُومِیوں 11:20

ہَچھّا اوہ تے بے اِیمانی دے سبّب بَھن کے سُٹِّیاں گِئیاں۔ تے تُوں اپنے اِیمان دے سبّب کھلوتا ایں۔ مغرُور نا بن سگوں ڈر۔

رُومِیوں 8:18

کیوں جو میری سمجھ وِچ ایس ویلے دے دُکھ دَرد اوس جلال دے اگّے کُجھ وی نئیں جیہڑا ساڈے اُتّے ظاہر ہوئے گا۔

۱-کُرِنتھِیوں 1:21

ایس لئی پئی جد خُدا دی دنائی دے سببّوں دُنیا اپنی دنائی نال خُدا نُوں نا سہاتا۔ تَد خُدا نُوں ایہہ چَنگا لگّا۔ پئی ایس منادی دی مُورکھ دی راہِیں اِیمان لیاؤن والیاں نُوں نجات دیوے۔

۲-کُرِنتھِیوں 1:24

ایہہ نئیں پئی اسی اِیمان ولّوں تُہاڈے اُتّے حکُومت کرنے آں سگوں خُوشی وِچ تُہاڈے مددگار ہاں کیوں جو تُسی اِیمان ای نال قیم رہندے ہو۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

اِفسِیوں 2:8

کیوں جو تُہانوں اِیمان دی راہِیں فضل نال ای نجات مِلی اے۔ تے ایہہ ساڈے ولّوں نئیں پر خُدا دی بخشِش اے۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

فِلِپّیوں 1:6

تے مَینُوں یقِین اے پئی جِس تُہاڈے وِچ نیک کمّ شُروع کِیتا اے۔ اوہ اوہنوں یِسُوع مسِیح دے دِن تِیکر پُورا کر دے گا۔

فِلِپّیوں 4:7

تے خُدا دی تسلّی جیہڑی سمجھ توں بالکل باہر اے۔ تُہاڈے دِلاں تے خیالاں دی مسِیح یِسُوع وِچ رکھوالی کرے گی۔

۲-تِیمُتِھیُس 3:15

تے ایہہ وی پئی شُروع توں اوہناں پاک کِتاباں توں تُوں واقف سَیں جیہڑیاں تینُوں مسِیح یِسُوع اُتّے اِیمان لیاؤن نال نجات حاصِل کرن دے لئی دانائی دے سکدِیاں نیں۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 6:12

تاں جو تُسی ڈِھلّے نا ہو جاؤ۔ سگوں اوہناں وانگر ہو۔ جیہڑے اِیمان تے صبر دی راہِیں وعدے دے وارث بن دے نیں۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

۲-پطرس 1:3

کیوں جو اوہدی اِلہٰی قُدرت نے اوہ سارِیاں شیواں جیہڑیاں زِندگی تے دِینداری دِیاں ہوندیاں نیں سانُوں اوہدی پہچان دی راہِیں دِتّیاں۔ جِس سانُوں اپنے خاص جلال تے نیکی دی راہِیں سدّیا۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔

یہُوداہ 1:24

ہُن جیہڑا تُہانوں ٹھوکر کھان توں بچا سکدا اے۔ تے اپنی جلالی حضُوری وِچ پُوری خُوشی نال بے عیب کر کے کھلھار سکدا اے۔