۱-پطرس 1:25 - پنجابی نواں عہد نامہ نظرثانی شدہ چھپائی

²⁵ پر خُداوند دا کلام سدا تِیکر قیم رہے گا۔ ایہہ اوہ ای خُوشخبری دا کلام اے۔ جیہڑا تُہانوں سُنایا گیا سی۔

۱-پطرس 1:25 ပူးပေါင်းရင်းမြစ်များ

متّی 5:18

کیوں جو مَیں تُہانوں سَچ آکھنا آں پئی جِچر اسمان تے زمین ٹل نا جان توریت دا اِک نُقطہ یا اِک شوشہ کدی نا ٹلے گا جد تِیکر سبھ کُجھ پُورا نا ہوئے۔

لُوقا 16:17

پر اسمان تے زمین دا ٹل جانا توریت دے اِک شوشے دے مِٹ جان نالوں سوکھا اے۔

یُوحنّا 1:1

مُڈھوں کلام سی تے کلام خُدا دے نال سی تے کلام خُدا سی۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

۱-کُرِنتھِیوں 2:2

کیوں جو مَیں ایہہ اِرادہ کر لیا سی پئی تُہاڈے وِچ یِسُوع مسِیح سگوں صلِیب دِتّے ہوئے مسِیح دے بِناں ہور کُجھ نا جاناں گا۔

اِفسِیوں 2:17

تے اوس آ کے خُوشخبری دِتّی۔ تُہاڈے لئی جیہڑے دُراڈے سو صُلح تے اوہناں لئی وی جیہڑے نیڑے سن صُلح دی خُوشخبری دِتّی۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

طِطُس 1:3

پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

عِبرانیوں 6:5

تے خُدا دے چنگے کلام تے اگلے جہان دِیاں قُدرتاں دا سواد لیا۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-پطرس 1:23

کیوں جو تُسی جِسمانی تُخم توں نئیں۔ سگوں رُوحانی توں۔ خُدا دے کلام دی راہِیں جیہڑا جِیوندا تے قیم اے نَوِیں سِریوں جمّے ہو۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

۲-پطرس 1:19

تے ساڈے کول نبیاں دا اوہ کلام اے جیہڑا وَدّھ اعتبار والا اے۔ تے تُسی چَنگا کر دے ہو جو ایہہ سمجھ کے اوہدے اُتّے دھیان کر دے ہو پئی اوہ اِک دِیوا اے۔ جیہڑا ہنیرے تھاں وِچ چانن کر دا اے۔ جد تِیکر دِن نا چڑھے تے صُبح دا ستارہ تُہاڈے دِلاں وِچ نا چمکے۔

۱-یُوحنّا 1:1

اوس زِندگی دے کلام دی بابت جیہڑا مُڈھوں سی۔ تے جِہنُوں اساں سُنیا تے اپنیاں اَکھّیاں نال ویکھیا۔ سگوں چنگی طرح ویکھیا۔ تے اپنیاں ہتّھاں نال چُھوئیا۔

۱-یُوحنّا 1:3

جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

مُکاشفہ 14:6

فیر مَیں اِک ہور فرِشتے نُوں اسمان دے وِچ اُڈدیاں ہویاں ویکھیا جِہدے کول زمین دے رہن والیاں دی ہر اِک قوم تے گھرانے تے اہلِ زبان تے اُمّت دے سُنان لئی ہمیشہ دی خُوشخبری سی۔