۱-پطرس 1:20 - پنجابی نواں عہد نامہ نظرثانی شدہ چھپائی

²⁰ تے خُدا نُوں دُنیا دے بنن توں پہلاں اوہدا عِلم سی پر تُہاڈی خاطر چھیکڑے ویلے ظاہر کِیتا گیا۔

۱-پطرس 1:20 ပူးပေါင်းရင်းမြစ်များ

متّی 25:34

تَد بادشاہ اپنے سَجّے پاسے والیاں نُوں آکھے گا اَے میرے باپ دے مُبارک لوکو آؤ۔ اوس بادشاہی دے وارث بنو جیہڑی دُنیا دے مُڈھوں ای تُہاڈے لئی تیار کِیتی گئی سی۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

رُومِیوں 3:25

اوہنوں خُدا نے مُقرّر کِیتا۔ پئی اوہدے لہو اُتّے اِیمان لیاؤن نال کفّارہ ہوئے۔ تاں جو اوہدی راستبازی دِکھائی جاوے۔ کیوں جو خُدا صبر کر کے پِچّھلے گُناہاں نُوں چھڈ دِتّا۔

رُومِیوں 8:29

کیوں جو جِنہاں نُوں اوس پہلے توں جانیا۔ اوہناں نُوں اگّے توں مُقرّر وی کِیتا پئی اوہدے پُتر دی شکل بنن۔ تاں جو اوہ بتھیرے بھراواں وِچ پلیٹھا ہوئے۔

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔

اِفسِیوں 1:10

تاں جو زمانیاں دے پُورا ہون دا اِنج بندوبست ہوئے۔ پئی مسِیح وِچ سارِیاں شیواں اکٹّھیاں ہو جان۔ بھانویں اسمان دِیاں ہون بھانویں زمین دِیاں۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 3:11

اوس ازلی اِرادے دے سببّوں جیہڑا اوس ساڈے خُداوند مسِیح یِسُوع وِچ کِیتا سی۔

اِفسِیوں 3:9

تے ساریاں نُوں اِک گلّ دس دیاں۔ پئی جیہڑا بھیت مُڈھوں سارِیاں شیواں دے پَیدا کرن والے خُدا وِچ چُھپیا رہیا۔ اوہدا کِیہ بندوبست اے۔

کُلُسِّیوں 1:26

یعنی اوس بھیت دی جیہڑا ساریاں زمانیاں تے پِیڑھیاں وِچ چُھپیا رہیا تے ہُن اوہدے ایہناں پاک لوکاں اُتّے ظاہر ہویا۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

عِبرانیوں 1:2

ایہناں اخِیری دِناں وِچ ساڈے نال پُتر دی راہِیں بولیا۔ جِہنُوں اوس سارِیاں شیواں دا وارث بنایا۔ تے اوہدی راہِیں اوہنے جہان وی بنائے۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

عِبرانیوں 9:26

نئیں تے دُنیا دے شُروع توں لے کے اوہنوں بڑی واری دُکھ جھلنا پَیندا۔ پر ہُن اخِیری زمانے وِچ اِکّو وار ظاہر ہویا۔ تاں جو اپنے آپ نُوں قُربان کرن نال گُناہ نُوں دفع کر دے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۱-یُوحنّا 1:2

(ایہہ زِندگی ظاہر ہوئی تے اساں اوہنوں ویکھیا۔ تے اوہدے اُتّے گواہی دینے آں۔ تے اوسے سدا دی زِندگی دی تُہانوں خبر دینے آں۔ جیہڑی باپ دے نال سی۔ تے ساڈے اُتّے ظاہر ہوئی۔)

۱-یُوحنّا 3:5

تے تُسی جان دے ہو۔ پئی اوہ ایس لئی ظاہر ہویا پئی گُناہ نُوں چُک لے جائے تے اوہدی ذات وِچ گُناہ نئیں۔

۱-یُوحنّا 3:8

جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔