۱-پطرس 1:19 - پنجابی نواں عہد نامہ نظرثانی شدہ چھپائی

¹⁹ سگوں اِک بے نُقص تے بے داغ لیلے دے قِیمتی لہو نال یعنی مسِیح دے لہو نال۔

۱-پطرس 1:19 ပူးပေါင်းရင်းမြစ်များ

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 26:28

کیوں جو عہد دا ایہہ میرا اوہ لہو اے۔ جیہڑا بتھیریاں دی خاطر گُناہاں دی مُعافی لئی وگایا جاندا اے۔

یُوحنّا 1:29

دُوجے دِن یُوحنّا یِسُوع نُوں اپنے ولّ آؤندیاں ویکھ کے آکھیا ویکھو خُدا دا برّہ جیہڑا دُنیا دا گُناہ چُک لے جاندا اے۔

یُوحنّا 1:36

تے اوس یِسُوع نُوں جاندِیاں ویکھ کے آکھیا ویکھو خُدا دا لیلا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

رُومِیوں 3:25

اوہنوں خُدا نے مُقرّر کِیتا۔ پئی اوہدے لہو اُتّے اِیمان لیاؤن نال کفّارہ ہوئے۔ تاں جو اوہدی راستبازی دِکھائی جاوے۔ کیوں جو خُدا صبر کر کے پِچّھلے گُناہاں نُوں چھڈ دِتّا۔

اِفسِیوں 1:7

اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

کُلُسِّیوں 1:14

جِہدے توں سانُوں رہائی یعنی گُناہ دی مُعافی مِلی۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-یُوحنّا 1:7

پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

۱-یُوحنّا 2:2

تے اوہ ساڈے گُناہاں دا کفّارہ اے۔ تے نِرے ساڈیاں دا ای نئیں سگوں ساری دُنیا دا وی۔

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 14:1

فیر مَیں دھیان کِیتا تے کِیہ ویکھنا آں پئی اوہ لیلا صِیُّون دے پہاڑ اُتّے کھلوتا اے تے اوہدے نال اِک لَکّھ چتالی ہزار بندے نیں جِنہاں دے متّھیاں اُتّے اوہدا تے اوہدے باپ دا ناں لِکھیا ہویا اے۔

مُکاشفہ 14:5

تے اوہناں دے مُنھ وِچوں جُھوٹھ نئیں سی لَبّھدا۔ تے اوہ بے عیب نیں۔

مُکاشفہ 5:6

تے مَیں اوس تخت تے چَوہاں جانداراں تے اوہناں بزُرگاں دے وِچکار جیویں حلال کِیتا ہویا لیلا کھلوتا ہوندا اے ویکھیا اوہدے سَتّ سِنگ تے سَتّ اَکھّیاں سن ایہہ خُدا دِیاں سَتّ رُوحاں نیں۔ جیہڑیاں ساری زمین اُتّے گھلّیاں ہویاں نیں۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔

مُکاشفہ 7:14

مَیں اوہنوں آکھیا اَے میرے خُداوند تُوں ای جاندا ایں۔ اوس مَینُوں آکھیا ایہہ اوہ نیں جیہڑے اوس وڈّی مُصِیبت وِچوں نِکل کے آئے ہوئے نیں ایہناں اپنے کپڑیاں نُوں لیلے دے لہو وِچ دھوکھے چٹیاں کِیتا ہویا اے۔