۱-پطرس 1:17 - پنجابی نواں عہد نامہ نظرثانی شدہ چھپائی

¹⁷ تے جد تُسی باپ کر کے اوہدے کولوں دُعا منگدے ہو۔ جیہڑا ہر اِک دے کمّ دے سببّوں رَئی بِناں عدالت کر دا اے۔ تے اپنی مُسافری دا ویلا خَوف نال کٹّو۔

۱-پطرس 1:17 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

متّی 22:16

تے اوہناں اپنیاں شاگِرداں نُوں ہیرودیاں سَنے اوہدے کول گھلّیا پئی اوہنوں آکھن اَے اُستاد سانُوں معلُوم اے۔ پئی تُوں سَچّا ایں تے سچیائی نال خُدا دا راہ دسنا ایں تے تینُوں کِسے دی پرواہ نئیں کیوں جو تُوں بندیاں دے مُنھ دا لحاظ نئیں کر دا۔

متّی 6:9

سو تُسی ایس طرح دُعا منگو۔ اے ساڈے باپ جو اسماناں اُتّے ایں۔ تیرا ناں پاک مَنّیا جائے۔

رُومِیوں 11:20

ہَچھّا اوہ تے بے اِیمانی دے سبّب بَھن کے سُٹِّیاں گِئیاں۔ تے تُوں اپنے اِیمان دے سبّب کھلوتا ایں۔ مغرُور نا بن سگوں ڈر۔

۲-کُرِنتھِیوں 1:2

ساڈے باپ خُدا تے خُداوند یِسُوع مسِیح ولّوں تُہانوں فضل تے تسلّی مِلدی رہے۔

۲-کُرِنتھِیوں 5:6

سو ساڈی ہمیش ای خاطرجمع رہندی اے۔ تے ایہہ جاننے آں پئی جدوں تِیکر اسی بدن دے وطن وِچ آں۔ خُداوند دے دیسوں دُراڈے آں۔

۲-کُرِنتھِیوں 7:1

سو اَے عزِیزو! ایس کر کے پئی ساڈے نال اجیہے وعدے کِیتے گئے۔ تے آؤ اپنے آپ نُوں ہر طرح دی جِسمانی تے رُوحانی گندگی توں پاک کریئے تے خُدا دے خَوف نال پاکیزگی نُوں کمال تِیکر پُچایئے۔

۲-کُرِنتھِیوں 7:11

سو ویکھو ایس گلّ نے پئی تُسی خُدا پرستی دے نال اُداس ہوئے تُہاڈے وِچ کِنی کُو سرگرمی تے عُذر تے خفگی تے خَوف تے شَوق تے جوش تے بدلے دا خیال پَیدا کر دِتّا۔ تُساں ہر طرح نال ثابت کر وکھایا۔ پئی تُسی ایس گلّ وِچ بَری اوہ۔

گلتِیوں 2:6

تے جیہڑے لوک کِسے گنتری وِچ سن (بھانویں کیویں وی سن۔) مَینُوں ایس گلّ نال کِیہ۔ خُدا کِسے بندے دی رَئی نئیں کر دا۔ اوہناں لوکاں جیہڑے کِسے گنتری وِچ سن مَینُوں کوئی صلاح نا دِتّی۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 3:14

ایس لئی مَیں باپ اگّے گوڈے نِیؤنا آں۔

اِفسِیوں 6:9

تے اے مالِکو! تُسی جِھڑکاں چھڈ کے اوہناں نال ایہو جیہا سلُوک کرو کیوں جو تُسی جان دے اوہ۔ پئی اوہناں دا تے تُہاڈا دوہاں دا مالک اسمان اُتّے اے۔ تے اوہ کِسے دی رَئی نئیں کر دا۔

فِلِپّیوں 2:12

سو میرے پیاریو۔ جیویں مُڈھوں ای تُسی تابعداری کر دے رہے ہو اوسے طرح ہُن وی نا نِرے میرے ہوندیاں سگوں ایہدے نالوں وَدّھ میرے نا ہوندیاں ڈردے تے کمبدے ہوئے اپنی نجات دا کمّ کر دے جاؤ۔

کُلُسِّیوں 3:25

کیوں جو جیہڑا بُرا کر دا اے۔ اوہ اپنی بُریائی دا بدلہ پائے گا۔ اوتھے کِسے دی رَئی نئیں ہوندی۔

عِبرانیوں 12:28

تَد اسی اوہ بادشاہی لے کے جیہڑی ہِلن والی نئیں اوس فضل نُوں نا چھڈئیے۔ جِہدے پاروں اسی ادب تے ڈر نال خُدا دی اوہ بندگی کریئے جیہڑی اوہنوں چنگی لگّے۔

عِبرانیوں 4:1

فیر جد اوہدے آرام وِچ وڑن دا وعدہ باقی اے۔ تے سانُوں ڈرنا چاہیدا اے۔ پئی تُہاڈے وِچوں کوئی پِچّھے رہیا ہویا معلُوم نا ہوئے۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔