۱-پطرس 1:13 - پنجابی نواں عہد نامہ نظرثانی شدہ چھپائی

¹³ ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 1:13 ပူးပေါင်းရင်းမြစ်များ

متّی 20:4

تے اوہناں نُوں آکھیا تُسی وی انگور دے باغ وِچ جاؤ تاں جو کُجھ حق ہوئے گا مَیں تُہانوں دیاں گا تے اوہ ٹُر پئے۔

لُوقا 12:35

تُہاڈے لکّ بَدّھے تے تُہاڈے دِیوے بَلدے رہن۔

لُوقا 17:30

جِس دِن اِبنِ آدم ظاہر کِیتا جاندا اے۔ ایسے طرح ہوئے گا۔

لُوقا 17:8

سگوں اوہنوں ایہہ نا آکھے گا۔ پئی میرے لئی پکا۔ تے جد تِیکر کھا پی نا لواں۔ لکّ بَنّھ کے میری سیوا کر۔ تے ایہہ کمّ مُکا کے مگروں تُوں وی کھا پی لَویں۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

۱-کُرِنتھِیوں 1:7

ایتھوں توڑی پئی تُسی کِسے نِعمت وِچ ہورناں نالوں گھٹ نئیں تے ساڈے خُداوند یِسُوع مسِیح دے ظاہر ہون دی اُڈِیک وِچ اوہ۔

۱-کُرِنتھِیوں 13:13

سو اِیمان اُمّید مُحبّت تِنّے سدا رہن والِیاں نیں پر اوہناں وِچوں وَدّھیا مُحبّت اے۔

اِفسِیوں 6:14

سو سچیائی دی پیٹی لکّ بَنّھ کے تے راستبازی دا بکتر پا کے۔

کُلُسِّیوں 3:4

جد مسِیح جیہڑا ساڈی زِندگی اے۔ ظاہر کِیتا جائے گا تے تُسی وی جلال وِچ اوہدے نال ظاہر کِیتے جاؤ گے۔

۲-تھِسّلُنِیکوں 1:7

تے تُہانوں دُکھ سہن والیاں نُوں ساڈے نال آرام دیوے۔ اوس ویلے جدوں خُداوند یِسُوع اپنیاں زوراور فرِشتیاں نال مُچّی ہوئی اَگ وِچ اسمانوں ظاہر ہوئے گا۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

عِبرانیوں 10:35

ایس لئی اپنی دلیری نُوں نا چھڈو جِہدا بڑا اَجر اے۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

عِبرانیوں 6:19

اوس شے دی آس ساڈی جان دا اجیہا لنگر اے۔ جیہڑا ثابت تے قیم رہندا اے۔ تے پردے دے اندر تِیکر اَپڑ جاندا اے۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

۱-پطرس 1:10

ایسے نجات دی بابت اوہناں نبیاں بڑی بھال تے چھان بِین کِیتی جِنہاں اوس فضل دی نبُوّت کِیتی جیہڑا تُہاڈے اُتّے ہون والا سی۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔

۱-پطرس 4:7

سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۱-پطرس 5:12

مَیں تُہانوں سِلوانُس دی راہِیں جیہڑا میری سمجھ وِچ اِیماندار بھرا اے تھوڑا جِہیا لِکھ کے تُہانوں نصِیحت کِیتی تے ایہہ گواہی دِتّی پئی خُدا دا سَچّا فضل ایہو ای اے۔ ایسے اُتّے قیم رہو۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۱-یُوحنّا 3:3

تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔