۱-یُوحنّا 5:10 - پنجابی نواں عہد نامہ نظرثانی شدہ چھپائی

¹⁰ جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

۱-یُوحنّا 5:10 ပူးပေါင်းရင်းမြစ်များ

یُوحنّا 3:16

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

یُوحنّا 3:18

جیہڑا اوہدے اُتّے اِیمان لیاؤندا اے۔ عدالت وِچ نئیں آؤندا جیہڑا اِیمان نئیں لیاؤندا عدالت وِچ ہُنے آگیا اے کیوں جو خُدا دے اِکلَوتے پُتر دے ناں اُتّے اوہ اِیمان نئیں لِیائیا اے۔

یُوحنّا 3:33

جِس اوہدی گواہی مَنّی اے اوہنے اوس گلّ اُتّے مُہر کِیتی اے۔ پئی خُدا سَچّا اے۔

یُوحنّا 5:38

تے اوہدا کلام تُہاڈے وِچ نئیں رہندا کیوں جو جِہنُوں اوس گھلّیا تُسی اوہنوں نئیں مَن دے۔

اعمال 8:37

[تَد فِلپُّس آکھیا پئی جے توں دِل لا کے اِیمان لِیاویں تے بپتِسمہ لے سکدا ایں۔ اوس جواب دِتّا پئی مَیں اِیمان لیاؤنا پئی یِسُوع مسِیح خُدا دا پُتر ایہہ۔]

رُومِیوں 8:16

رُوح آپ ای ساڈے رُوح نال گواہی دیندا اے پئی اسی خُدا دے بچّے آں۔

گلتِیوں 4:1

میرا مطلب ایہہ اے پئی وارث جِچر تِیکر بال اے۔ بھانویں سبھ کُجھ اوسے دا ای اے۔ پر اوہدے وِچ تے غلام وِچ فرق نئیں۔

گلتِیوں 4:6

تے تُسی پُتر جو ہوئے ایس کر کے خُدا اپنے پُتر دا رُوح ساڈیاں دِلاں وِچ گھلّیا جیہڑا ابّا یعنی اَے باپ کر کے پُکار دا اے۔

کُلُسِّیوں 3:3

کیوں جو تُسی مر گئے تے تُہاڈی زِندگی مسِیح وِچ چُھپی ہوئی اے۔

عِبرانیوں 3:12

بھراؤ! خبردار تُہاڈے وِچوں کِسے دا اجیہا بَھیڑا تے بے اِیمان دِل نا ہوئے۔ جیہڑا جِیوندے خُدا توں پھر جاوے۔

۲-پطرس 1:19

تے ساڈے کول نبیاں دا اوہ کلام اے جیہڑا وَدّھ اعتبار والا اے۔ تے تُسی چَنگا کر دے ہو جو ایہہ سمجھ کے اوہدے اُتّے دھیان کر دے ہو پئی اوہ اِک دِیوا اے۔ جیہڑا ہنیرے تھاں وِچ چانن کر دا اے۔ جد تِیکر دِن نا چڑھے تے صُبح دا ستارہ تُہاڈے دِلاں وِچ نا چمکے۔

۱-یُوحنّا 1:10

جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔

مُکاشفہ 12:17

تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔

مُکاشفہ 2:17

جِہدے کنّ ہَین اوہ سُن لَئے پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں لُکے ہوئے مَن وِچوں دیاں گا۔ تے اِک چِٹّا پتّھر دیاں گا اوس پتّھر اُتّے اِک نواں ناں لِکھیا ہویا ہوئے گا جِہنُوں اوہدے لین والے دے سِوا کوئی نا جانے گا۔

مُکاشفہ 2:28

تے مَیں اوہنوں سویر دا تارا دیاں گا۔