۱-یُوحنّا 4:7 - پنجابی نواں عہد نامہ نظرثانی شدہ چھپائی

⁷ پیاریو! اسی اِک دُوجے نُوں مُحبّت کریئے۔ کیوں جو مُحبّت خُدا ولّوں اے تے جیہڑا مُحبّت کر دا اے اوہ خُدا توں جمّیا اے تے خُدا نُوں جان دا اے۔

۱-یُوحنّا 4:7 ပူးပေါင်းရင်းမြစ်များ

یُوحنّا 13:34

مَیں تُہانوں اِک نواں حُکم دینا آں پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

۱-کُرِنتھِیوں 8:3

پر جیہڑا خُدا نال مُحبّت رکھدا اے خُدا اوہنوں پچھاندا اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 4:9

پر ہُن جو تُساں خُدا نُوں پِچھانیا۔ سگوں خُدا تُہانوں پِچھانیا تے اوہناں کمزوراں تے نکمّیاں مُڈھ والِیاں گلّاں ولّ کیوں پِھردے ہو۔ جِنہاں دی دُوجی وار غلامی کرنی چاہندے ہو۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

۲-تِیمُتِھیُس 1:7

کیوں جو خُدا سانُوں ڈرن والی رُوح نئیں سگوں طاقت تے پیار تے سُرت دی رُوح دِتّی اے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-یُوحنّا 2:10

تے جیہڑا اپنے بھرا نال مُحبّت رکھدا اے اوہ چانن وِچ رہندا اے تے اوہدے وِچ تے اوہنوں ٹھیڈا نئیں لگدا۔

۱-یُوحنّا 2:29

جے تُسی ایہہ جان دے ہو۔ پئی اوہ راستباز اے تے ایہہ وی جان دے ہو۔ پئی جیہڑا راستبازی کر دا اے۔ اوہ اوہدے توں جمّیا اے۔

۱-یُوحنّا 2:3

جے اسی اوہدے حُکماں نُوں منیئے تے سانُوں پتا لگدا اے۔ پئی اسی اوہنوں جاننے آں۔

۱-یُوحنّا 2:4

جیہڑا ایہہ آکھدا اے پئی مَیں اوہنوں جاننا آں تے اوہدے حُکماں نُوں نئیں مَندا اوہ جُھوٹھا اے تے اوہدے وِچ سچیائی نئیں۔

۱-یُوحنّا 2:7

پیاریو۔ مَیں تُہانوں کوئی نواں حُکم نئیں لِکھدا۔ سگوں اوہ ای پرانا حُکم جیہڑا مُڈھوں تُہانوں مِلیا سی۔ ایہہ پرانا حُکم اوہ ای کلام اے جیہڑا تُساں سُنیا سی۔

۱-یُوحنّا 3:9

جیہڑا خُدا توں جمّیا اے۔ اوہ گُناہ نئیں کر دا۔ کیوں جو اوہدا بی اوہدے وِچ رہندا اے سگوں اوہ گُناہ کر ای نئیں سکدا کیوں جو اوہ خُدا توں جمّیا ہویا اے۔

۱-یُوحنّا 4:11

پیاریو۔ جد خُدا ساڈے نال اجیہی مُحبّت کِیتی۔ تے سانُوں وی اِک دُوجے نال مُحبّت کرنی چاہیدی اے۔

۱-یُوحنّا 4:12

خُدا نُوں کَدے کِسے نئیں ویکھیا۔ جے اسی اِک دُوجے نُوں مُحبّت کرنے آں۔ تے خُدا ساڈے وِچ رہندا اے۔ تے اوہدی مُحبّت ساڈیاں دِلاں وِچ پُوری ہوندی اے۔

۱-یُوحنّا 4:16

جیہڑی مُحبّت خُدا دی ساڈے نال اے اوہنوں اساں جانیا اے تے اوہدے اُتّے ساڈا اِیمان اے۔ خُدا مُحبّت اے۔ تے جیہڑا مُحبّت وِچ رہندا اے اوہ خُدا وِچ رہندا اے۔ تے خُدا اوہدے وِچ رہندا اے۔

۱-یُوحنّا 4:20

جے کوئی آکھے پئی مَیں خُدا نال مُحبّت کرنا آں تے اوہ اپنے بھرا نال وَیر رکھّے اوہ جُھوٹھا اے کیوں جو جیہڑا اپنے بھرا نال جِہنُوں اوس ویکھیا اے مُحبّت نئیں کر دا اوہ خُدا نال وی جِہنُوں اوس نئیں ویکھیا مُحبّت نئیں کر سکدا۔

۱-یُوحنّا 4:8

جیہڑا مُحبّت نئیں کر دا اوہ خُدا نُوں نئیں جان دا کیوں جو خُدا مُحبّت اے۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔

۲یُوحنّا 1:5

ہُن بی بی مَیں تینُوں کوئی نواں حُکم نئیں سگوں اوہ ای جیہڑا مُڈھوں ساڈے کول اے لِکھنا آں تے تیری مِنّت کرنا آں۔ پئی اسی اِک دُوجے دے نال مُحبّت کریئے۔