۱-یُوحنّا 3:21 - پنجابی نواں عہد نامہ نظرثانی شدہ چھپائی

²¹ پیاریو۔ جے ساڈا دِل ساڈے اُتّے الزام نئیں لاندا تے سانُوں خُدا اگّے حَوصلہ ہو جاندا اے۔

۱-یُوحنّا 3:21 ပူးပေါင်းရင်းမြစ်များ

رُومِیوں 14:22

جیہڑا تُوں اِیمان رکھنا ایں۔ اپنے لئی خُدا دے اگّے رکھ۔ دھنّ اے اوہ بندہ جِہدا دِل اپنے آپ نُوں اوس گلّ اُتّے جِہنُوں اوہ کھری سمجھدا اے۔ عَیبی نا ٹھہراوے۔

۱-کُرِنتھِیوں 4:4

کیوں جو میرا دِل تے مَینُوں ملامت نئیں کر دا پر اوہدے توں مَیں راستباز نئیں ٹھہردا۔ سگوں میرا پرکھن والا خُداوند اے۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

اِفسِیوں 3:12

جِہدے وِچ سانُوں اوہدے اُتّے اِیمان رکھن نال دلیری تے بھروسے نال ڈھوئی اے۔

۱-تِیمُتِھیُس 2:8

ایس لئی مَیں چاہناں آں پئی مرد سبھنیں تھائِیں غُصیّوں تے جھگڑے بِناں پاک ہتّھ چُک کے دُعا منگیا کرن۔

عِبرانیوں 10:22

تے فیر اسی سَچّے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔

عِبرانیوں 4:16

سو اسی فضل دے تخت کول دلیری نال چلّئے۔ تاں جو ساڈے اُتّے رَحم ہوئے تے اوہ فضل پایئے جیہڑا لوڑ دے ویلے ساڈی مدد کرے۔

۱-یُوحنّا 2:28

سو بچّیو! اوہدے وِچ قیم رہو۔ تاں جو اوہدے ظاہر ہون دے ویلے سانُوں دلیری ہوئے۔ تے اوہدے آؤن دے ویلے اوہدے اگّے سانُوں نموشی نا ہوئے۔

۱-یُوحنّا 2:7

پیاریو۔ مَیں تُہانوں کوئی نواں حُکم نئیں لِکھدا۔ سگوں اوہ ای پرانا حُکم جیہڑا مُڈھوں تُہانوں مِلیا سی۔ ایہہ پرانا حُکم اوہ ای کلام اے جیہڑا تُساں سُنیا سی۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

۱-یُوحنّا 3:20

کیوں جو خُدا ساڈے دِل نالوں وَڈا اے۔ تے سبھو کُجھ جان دا اے۔

۱-یُوحنّا 4:17

ایس کر کے مُحبّت ساڈے وِچ پُوری ہوندی اے۔ پئی سانُوں عدالت دے دِن حَوصلہ ہوئے۔ کیوں جو جِہیا اوہ اے۔ تہے دُنیا وِچ اسی وی آں۔

۱-یُوحنّا 5:14

تے اوہدے اگّے ساڈا ایہو ای حَوصلہ اے۔ پئی جے اوہدی مرضی دے سببّوں کُجھ منگِئے اوہ ساڈی سُندا اے۔