۱-یُوحنّا 3:17 - پنجابی نواں عہد نامہ نظرثانی شدہ چھپائی

¹⁷ پر جِہدے کول دُنیا دا مال اے تے اوہ اپنے بھرا نُوں کنگال ویکھ کے اوہدے اُتّے ترس نئیں کر دا۔ تے اوہدے وِچ خُدا دی مُحبّت کِتّھے رہندی اے؟

۱-یُوحنّا 3:17 ပူးပေါင်းရင်းမြစ်များ

لُوقا 3:11

اوس اوہناں نُوں جواب دِتّا پئی جِہدے کول دو جَھگّے ہون اوہ اوہنوں دے دیوے جِہدے کول نئیں اے۔ تے جِہدے کول کھان نُوں ہوئے اوہ وی اینج ای کرے۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

عِبرانیوں 13:16

تے بھلا کرنا تے سخی ہونا ہونا نا بُھلو۔ ایس لئی پئی خُدا اجیہاں قُربانِیاں توں خُوش ہوندا اے۔

یعقُوب 2:15

جے کوئی بھرا بھین ننگے ہون تے اوہناں نُوں روز دی روٹی دا گھاٹا ہوئے۔

یعقُوب 2:16

تے تُہاڈے وِچوں کوئی اوہناں نُوں آکھے پئی خَیر نال جاؤ تے نِگہے ہو تے رجّے رہو۔ پر جیہڑیاں شیواں جِسم نُوں لوڑ دِیاں نیں اوہناں نُوں نا دیو تے کِیہ فائدہ اے؟

۱-یُوحنّا 4:20

جے کوئی آکھے پئی مَیں خُدا نال مُحبّت کرنا آں تے اوہ اپنے بھرا نال وَیر رکھّے اوہ جُھوٹھا اے کیوں جو جیہڑا اپنے بھرا نال جِہنُوں اوس ویکھیا اے مُحبّت نئیں کر دا اوہ خُدا نال وی جِہنُوں اوس نئیں ویکھیا مُحبّت نئیں کر سکدا۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔