۱-یُوحنّا 3:12 - پنجابی نواں عہد نامہ نظرثانی شدہ چھپائی

¹² تے قائن وانگر نا بنِئے۔ جیہڑا شریر ولّوں سی تے جِس اپنے بھرا نُوں مار چھڈیا سی تے اوس کِس کر کے اوہنوں مار چھڈیا سی؟ پئی اوہدے اپنے ای کمّ بَھیڑے سن تے بھرا دے کمّ راستباز سن۔

۱-یُوحنّا 3:12 ပူးပေါင်းရင်းမြစ်များ

متّی 13:19

جد کوئی بادشاہی دا کلام سُندا اے تے سمجھدا نئیں تَد اوہدے مَن وِچوں جو کُجھ بِیجیا ہویا سی اوہ بُرا آ کے کھو لے جاندا اے۔ ایہہ اوہ اے جیہڑا راہ دے کنڈھے بِیجیا گیا سی۔

متّی 13:38

تے پَیلی دُنیا اے جیہڑا چَنگا بی اے اوہ بادشاہی دے پُتر نیں۔ تے کَوڑے بُوٹے بُرے دے پُتر نے۔

متّی 23:35

تاں جو نیکاں دا لہو جِنّاں زمین اُتّے وگایا گیا نیک ہابل دے لہو توں لے کے برکیاہ دے پُتر زکریاہ دے لہو تِیکر جِہنُوں تُساں ہیکل تے قُربان گاہ دے وِچکار مار دِتّا سی۔ سبھو تُہاڈے اُتّے آ جاوے۔

متّی 27:23

اوس آکھیا کیوں اوس کِیہ بُریائی کِیتی اے؟ پر اوہناں نیں ہور وی ڈنڈ پا کے آکھیا ایہنوں صلِیب دے؟

متّی 5:37

پر تُہاڈی گلّ ہاں دی ہاں تے ناں دی ناں ہوئے۔ تاں جو کُجھ ایہدے نالوں وَدّھ اے سو بُرے توں ہوندا اے۔

لُوقا 11:51

ہابل دے خُون توں لے کے زکریاہ دے خُون تِیکر جیہڑا قُربان گاہ تے ہیکل دے وِچکار ماریا گیا۔ مَیں تُہانوں سَچ آکھنا آں پئی ایسے زمانے توں پُچھ پرتیت کِیتی جائے گی۔

یُوحنّا 10:32

یِسُوع اوہناں نُوں جواب دِتّا پئی بتھیرے چنگے کمّ مَیں باپ ولّوں تُہانوں وکھائے۔ اوہناں وِچوں کیہڑے کمّ بدلے مَینُوں پتّھر مار دے ہو؟

یُوحنّا 8:40

پر ہُن میرے جیہے بندے نُوں مارنا چاہندے اوہ جِس تُہانوں ایہہ سَچّی گلّ دسی اے۔ جیہڑی مَیں خُدا کولوں سُنی۔ ابرہام اجیہا نئیں کِیتا۔

یُوحنّا 8:41

تُسی اپنے پئیو دے کمّ کر دے اوہ۔ اوہناں اوہنوں آکھیا اسی حرامدے نئیں جمّے۔ ساڈا اِک باپ اے یعنی خُدا۔

اعمال 7:52

نبیاں وِچوں تُہاڈے وڈّیاں کِنوں نئیں ستایا؟ ہاں اوہناں اوہناں نُوں مار وی چھڈیا جِنہاں اوس راستباز دے آؤن دی خبر اگّوں دِتّی۔ اوہدے ہُن تُسی پھڑان والے تے قتل کرن والے وی بنے ہو۔

۱-تھِسّلُنِیکوں 2:14

ایس لئی پئی تُسی بھراؤ خُدا دی اوہناں کلِیسیاواں دے نمونے اُتّے چَلّن والے بن گئے۔ جیہڑیاں یہُودیہ وِچ مسِیح یِسُوع وِچ نیں۔ کیوں جو تُساں وی اپنے مُلکی بھراواں توں ہو تکلیفاں سَہیاں جیہڑیاں اوہناں وی یہُودِیاں کولوں۔

عِبرانیوں 11:4

اِیمان دی راہِیں ہابل قائن نالوں چنگی قُربانی خُدا اگّے چاہڑی تے اوہدے سبّب اوہدے راستباز ہون دی گواہی ہوئی۔ کیوں جو خُدا اوہدیاں نذراں دی بابت گواہی دِتّی تے بھانویں اوہ مر گیا تَد وی اوسے دی راہِیں ہُن تِیکر گلّ کر دا اے۔

عِبرانیوں 12:24

تے نَوِیں عہد دے وچولے یِسُوع تے اوس چِھڑکے ہوئے لہو دے کول آئے ہو جیہڑا ہابل دے لہو نالوں چَنگیاں گلّاں کر دا اے۔

۱-پطرس 4:4

ایہدے اُتّے اوہ اچرج ہوندے نیں۔ پئی تُسی اوہناں دے نال ایڈی بدچلنی نئیں کر دے تے طعنے مِہنے دیندے نیں۔

۱-یُوحنّا 3:8

جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

یہُوداہ 1:11

اوہناں اُتّے افسوس اے پئی اوہ قائن دے راہ ٹُرے تے مزدُوری دے بدلے بڑے لالچ نال بِلعام وانگُوں بدراہ ہوگئے۔ تے قورح وانگُوں برخلاف ہو کے برباد ہوئے۔

مُکاشفہ 17:6

تے مَیں اوس زنانی نُوں پاک لوکاں دے لہو تے یِسُوع دیاں شہیداں دے لہو پِین توں مست ویکھیا تے اوہنوں ویکھ کے بڑا حَیران ہویا۔