۱-یُوحنّا 2:8 - پنجابی نواں عہد نامہ نظرثانی شدہ چھپائی

⁸ فیر تُہانوں اِک نواں حُکم لِکھناں آں۔ تے ایہہ گلّ اوہدے اُتّے تے تُہاڈے اُتّے ٹھیک آؤندی اے۔ کیوں جو ہنیرا ہَٹ دا جاندا اے تے سَچّا چانن چمکن لگ پیا اے۔

۱-یُوحنّا 2:8 ပူးပေါင်းရင်းမြစ်များ

متّی 4:16

اوہناں لوکاں جیہڑے ہنیرے وِچ بَیٹھے ہوئے سن بڑا چانن ویکھیا تے مَوت دے دیس تے چھاں وِچ بَیٹھیاں ہویاں اُتّے چانن چمکیا۔

لُوقا 1:79

تاں جو اوہناں نُوں چانن دیوے جیہڑے ہنیرے تے مَوت دے پر چھاویں وِچ بَیٹھے ہوئے نیں۔ تے ساڈے قدماں نُوں سلامتی دی راہ پائے۔

یُوحنّا 1:9

اصل چانن جیہڑا ہر اِک بندے نُوں چانن دیندا اے دُنیا وِچ آؤن والا سی۔

یُوحنّا 12:35

تَد یِسُوع اوہناں نُوں آکھیا۔ اجے تھوڑا چِر چانن تُہاڈے وِچ اے۔ جِنّاں چِر تُہاڈے وِچ چانن اے ٹُرو پِھرو اجیہا نا ہوئے پئی ہنیرا تُہانوں آگھیرے۔ تے ہنیرے وِچ ٹُرن والے نُوں پتا نئیں لگ دا پئی کِتّھے جاندا اے۔

یُوحنّا 12:46

مَیں دُنیا وِچ چانن ہو کے آیا آں تاں جو جیہڑا کوئی میرے اُتّے اِیمان لیاؤندا اے۔ ہنیرے وِچ نا رہے۔

یُوحنّا 13:34

مَیں تُہانوں اِک نواں حُکم دینا آں پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 17:30

خُدا تے ناواقفی دے ویلے وِچ خیال نا کر کے ہُن بندیاں نُوں حُکم دیندا اے پئی ساریاں دے سارے ہر تھاں تَوبہ کرن۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 13:12

رات بڑی لنگھ گئی دِن نیڑے آیا۔ سو ہنیرے دے کمّ چھڈ کے چانن دے ہتّھیار پا لیئے۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

اِفسِیوں 5:8

کیوں جو تُسی پہلاں ہنیرا سو۔ ہُن خُداوند وِچ چانن ہو۔ سو چانن دے بچّیاں وانگر چلّو۔

۲-تِیمُتِھیُس 1:10

پر ہُن ساڈے نجات دین والے مسِیح یِسُوع دے ظاہر ہون توں ظاہر ہویا۔ جِس مَوت نُوں برباد تے زِندگی تے بقا نُوں اوس خُوشخبری دی راہِیں چانن والا کر دِتّا۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-یُوحنّا 3:23

اوہدا حُکم ایہہ اے پئی اسی اوہدے پُتر یِسُوع مسِیح دے ناں اُتّے اِیمان لیاوے تے جِہیا اوس سانُوں حُکم دِتّا اے تہیا اِک دُوجے نال مُحبّت کریئے۔

۱-یُوحنّا 4:11

پیاریو۔ جد خُدا ساڈے نال اجیہی مُحبّت کِیتی۔ تے سانُوں وی اِک دُوجے نال مُحبّت کرنی چاہیدی اے۔

۱-یُوحنّا 4:21

تے سانُوں اوہدے ولّوں ایہہ حُکم مِلیا اے پئی جیہڑا خُدا نال مُحبّت رکھدا اے اوہ اپنے بھرا نال وی مُحبّت رکھّے۔