۱-یُوحنّا 2:20 - پنجابی نواں عہد نامہ نظرثانی شدہ چھپائی

²⁰ پر تُسی اوس قُدُّوس ولّوں مسَح کِیتے گئے ہو۔ تے تُسی سبھو کُجھ جان دے ہو۔

۱-یُوحنّا 2:20 ပူးပေါင်းရင်းမြစ်များ

متّی 13:11

اوس اوہناں نُوں جواب دِتّا تے آکھیا۔ اسمان دی بادشاہی دے بھیتاں نُوں جان لینا تُہانوں بخشیا گیا اے۔ پر ایہناں نُوں ایہہ بخشیا نئیں گیا۔

مرقس 1:24

اَے یِسُوع ناصری۔ تیرا ساڈے نال کِیہ لاگا اے؟ تُوں ساڈا ناس کرن آیا ایں۔ مَیں تینُوں جاننا آں۔ پئی تُوں کون ایں۔ خُدا دا قُدُّوس۔

لُوقا 4:18

خُداوند دا رُوح میرے اُتّے اے اوس ایس کر کے مَینُوں مسَح کِیتا پئی غرِیباں نُوں خُوشخبری دیاں اوس مَینُوں گھلّیا پئی قیدِیاں نُوں چُھٹکارے دی تے اَنھیاں نُوں سُجاکھا ہون دی خبر سُناواں۔ تے مارِیاں کُٹّیاں نُوں خلاصی دیاں۔

لُوقا 4:34

اَے یِسُوع ناصری ساڈا تیرا کِیہ لاگا۔ تُوں ساڈا ناس کرن آیا ایں؟ مَیں تینُوں جاننا آں پئی تُوں کون ایں۔ خُدا دا قُدُّوس۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 16:13

پر جد اوہ آوے گا جیہڑا سچیائی دا رُوح اے تَد اوہ تُہانوں ساری سچیائی دے راہ پائے گا کیوں جو اوہ اپنے ولّوں نئیں آکھے گا۔ پر جو کُجھ سُنے گا سو ای آکھے گا تے آؤن والِیاں گلّاں دی خبر تُہانوں دے گا۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 3:14

سگوں تُسی اوہدا جیہڑا قُدُّوس تے سَچّا سی اِنکار کِیتا۔ تے اِک خُونی بندے نُوں منگ لیا۔ پئی اوہ تُہاڈے لئی چھڈیا جاوے۔

۱-کُرِنتھِیوں 2:15

پر رُوحانی بندہ سارِیاں گلّاں نُوں پرکھ لَیندا اے۔ پر آپ کِسے توں پرکھیا نئیں جاندا۔

عِبرانیوں 1:9

تُوں راستی نال پیار کِیتا تے بدکاری نال وَیر رکھیا۔ ایسے سبّب خُدا یعنی تیرے خُدا خُوشی دے تیل نال تیرے شریکاں نالوں تینُوں بُہتا مسَح کِیتا۔

عِبرانیوں 8:11

تے اوہناں ساریاں نُوں اپنے اپنے وطنی تے اپنے اپنے بھرا نُوں ایہہ تعلِیم نا دینی پَوے گی۔ پئی تُوں خُداوند نُوں جان کیوں جو نِکّے توں لے کے وڈّے تِیکر سارے مَینُوں جانن گے۔

۱-یُوحنّا 2:27

تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔

۱-یُوحنّا 4:13

ایس گلّ توں پئی اوہ سانُوں اپنے رُوح وِچوں دیندا اے اسی جاننے آں۔ پئی اسی اوہدے وِچ رہنے آں تے اوہ ساڈے وِچ۔

یہُوداہ 1:5

بھانویں تُساں سارِیاں گلّاں اِکّو واری جان لَیاں تَد وی ایہہ گلّ تُہانوں یاد دوانی چاہناں آں۔ پئی خُداوند اِک اُمّت نُوں مِصر دے مُلک وِچوں چھڈایا تے مگروں اوہناں دا ناس کِیتا جِنہاں اِیمان نئیں سی لیاندا۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔

مُکاشفہ 4:8

ایہناں چَوہاں جانداراں دے چھ چھ پَر تے چَونہہ پاسے تے اندر اَکھّیاں ای اَکھّیاں نیں۔ تے دِنے راتِیں آرام نئیں کر دے۔ تے ایہو آکھدے رہندے نیں۔ پئی قُدُّوس قُدُّوس قُدُّوس خُداوند خُدا قادرِ مُطلق جیہڑا ہے سی تے جیہڑا ہے تے جیہڑا آؤن والا اے۔