۱-یُوحنّا 2:18 - پنجابی نواں عہد نامہ نظرثانی شدہ چھپائی

¹⁸ مُنڈیو۔ ایہہ چھیکڑلا ویلا اے تے جِہیا تُساں سُنیا اے۔ پئی مسِیح دا وَیری آؤن والا اے سو ہُن وی مسِیح دے بتھیرے وَیری اُٹھ کھلوتے نیں۔ ایس توں اسی جاننے آں پئی ایہہ اخِیری ویلا اے۔

۱-یُوحنّا 2:18 ပူးပေါင်းရင်းမြစ်များ

متّی 24:11

تے بُہت جُھوٹھے نبی اُٹھن گے تے بتھیریاں نُوں بد راہ کر دین گے۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 24:5

کیوں جو بتھیرے میرے ناں اُتّے ایہہ آکھدے ہوئے آؤن گے پئی ”مَیں مسِیح آں۔“ تے بتھیریاں نُوں گُمراہ کر دین گے۔

مرقس 13:6

بتھیرے میرے ناں اُتّے ایہہ آکھدے آؤن گے۔ پئی مَیں اوہو ای آں۔ تے بتھیریاں نُوں بُھلان گے۔

یُوحنّا 21:5

تَد یِسُوع اوہناں نُوں آکھیا اَے بچّیو! تُہاڈے کول کُجھ کھان نُوں اے؟ اوہناں اوہنوں جواب دِتّا پئی نئیں۔

رُومِیوں 13:11

تے زمانے نُوں جان کے پئی ہُنے ای نِیندر توں تُہاڈے جاگن دا ویلا اے۔ ایس طرح کریا کرو۔ کیوں جو اوس ویلے نالوں جدوں اساں اِیمان لیاندا ہُن ساڈی نجات نیڑے آئی۔

رُومِیوں 13:12

رات بڑی لنگھ گئی دِن نیڑے آیا۔ سو ہنیرے دے کمّ چھڈ کے چانن دے ہتّھیار پا لیئے۔

عِبرانیوں 1:2

ایہناں اخِیری دِناں وِچ ساڈے نال پُتر دی راہِیں بولیا۔ جِہنُوں اوس سارِیاں شیواں دا وارث بنایا۔ تے اوہدی راہِیں اوہنے جہان وی بنائے۔

۱-پطرس 1:20

تے خُدا نُوں دُنیا دے بنن توں پہلاں اوہدا عِلم سی پر تُہاڈی خاطر چھیکڑے ویلے ظاہر کِیتا گیا۔

۱-پطرس 1:5

سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)

۱-پطرس 4:7

سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۲-پطرس 2:1

تے جیویں اوس اُمّت وِچ جُھوٹھے نبی اُٹھے سن ایسے طرح تُہاڈے وِچ وی جُھوٹھے اُستاد ہون گے جیہڑے لُک چُھپ کے ہلاک کرن والِیاں بِدعتاں کڈھن گے۔ تے اوس مالک دا اِنکار کرن گے جِس اوہناں نُوں مُل لیا سی تے اپنے آپ نُوں شتابی ہلاکت وِچ سُٹّن گے۔

۲-پطرس 3:3

تے ایہہ پہلاں جان لوؤ پئی اخِیری دِناں وِچ اجیہے مخَولئے آؤن گے۔ جیہڑے اپنیاں خواہشاں دے سببّوں ٹُرن گے۔

۱-یُوحنّا 2:22

جیہڑا یِسُوع دے مسِیح ہون توں مُکّر دا اے۔ اوہدے سِوا ہور کون جُھوٹھا اے؟ مسِیح دا وَیری اوہو ای اے۔ جیہڑا باپ تے پُتر توں مُکّر دا اے۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

۱-یُوحنّا 4:3

تے جیہڑی رُوح یِسُوع دا اِقرار نا کرے اوہ خُدا ولّوں نئیں۔ تے ایہو ای مسِیح دے وَیری دی رُوح اے۔ جِہدی خبر تُساں سُن لئی اے۔ پئی آؤن والی اے۔ سگوں ہُن وی دُنیا وِچ اے۔

۲یُوحنّا 1:7

کیوں جو کئی بدراہ کرن والے دُنیا وِچ آگئے نیں جیہڑے یِسُوع مسِیح دے اوتاری ہو کے آؤناں نئیں مَن دے۔ دھوکھا دین والا تے مسِیح دا وَیری ایہو ای اے۔

یہُوداہ 1:18

اوہ تُہانوں آکھدے ہوندے سن پئی چھیکڑ دے ویلے اجیہے مخَول کرن والے ہون گے۔ جیہڑے اپنی بے دِینی دِیاں حِرصاں اُتّے ٹُرن گے۔