۱-یُوحنّا 2:15 - پنجابی نواں عہد نامہ نظرثانی شدہ چھپائی

¹⁵ نا دُنیا نال مُحبّت رکھو۔ نا اوہناں شیواں نال جیہڑیاں دُنیا وِچ نیں۔ جیہڑا دُنیا نال مُحبّت رکھدا اے۔ اوہدے وِچ باپ دی مُحبّت نئیں۔

۱-یُوحنّا 2:15 ပူးပေါင်းရင်းမြစ်များ

متّی 4:8

فیر ابلیس اِک بڑے اُچّے پہاڑ اُتّے اوہنوں لے گیا تے دُنیا دِیاں سارِیاں بادشاہیاں تے اوہناں دی شان شوکت اوہنوں وکھائی۔

متّی 6:24

کوئی بندہ دو مالکاں دی سیوا نئیں کر سکدا ایس لئی پئی یا اِک نال وَیر رکھّے گا تے دُوجے نال پیار یا اِک نال مِلیا رہے گا تے دُوجے نُوں کُجھ نا سمجھے گا۔ تُسی خُدا تے دَولت دو آں دی سیوا نئیں کر سکدے۔

لُوقا 16:13

کوئی نوکر دو مالکاں دی خِدمت نئیں کر سکدا۔ ایس لئی پئی اوہ اِک نال وَیر رکھّے گا تے دُوجے نال مُحبّت یا اِک نال مِلیا رہے گا۔ تے دُوجے نُوں کُجھ نا سمجھے گا تُسی خُدا دی تے دَولت دوہاں دی خِدمت نئیں کر سکدے ہو۔

یُوحنّا 15:19

جے تُسی دُنیا دے ہوندے تے دُنیا اپنیاں نُوں پیار کر دی۔ پر تُسی دُنیا دے جو نئیں ہو ایس لئی پئی مَیں تُہانوں دُنیا وِچوں چُنیا دُنیا تُہاڈے نال وَیر رکھدی اے۔

رُومِیوں 12:2

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

گلتِیوں 1:10

ہُن مَیں بندیاں نُوں سجن بنانا آں یا خُدا نُوں؟ مَیں بندیاں نُوں راضی کرنا چاہناں آں؟ جے مَیں ہُن تِیکر بندیاں نُوں خُوش کر دا رہندا تے مسِیح دا بندہ نا ہوندا۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

۱-تِیمُتِھیُس 6:10

کیوں جو پَیسے دی مُحبّت سارِیاں بُرائیاں دی اِک جڑ اے۔ جِہدی تانگھ وِچ بتھیریاں اِیمان ولّوں پرت کے اپنے دِلاں نُوں وَن سَونّے روگاں نال وِنّھ لیا اے۔

یعقُوب 1:27

ساڈے خُدا تے باپ دے اگّے پاک تے بے نُقص دِینداری ایہہ اے پئی دُکھ دے ویلے یتِیماں تے رَنڈِیاں دی خبر لئیے۔ تے اپنے آپ نُوں دُنیا وِچ بے نُقص رکھیے۔

یعقُوب 4:4

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔

۱-یُوحنّا 3:17

پر جِہدے کول دُنیا دا مال اے تے اوہ اپنے بھرا نُوں کنگال ویکھ کے اوہدے اُتّے ترس نئیں کر دا۔ تے اوہدے وِچ خُدا دی مُحبّت کِتّھے رہندی اے؟

۱-یُوحنّا 4:5

اوہ دُنیا وِچوں نیں ایس واسطے دُنیا وانگر بولدے نیں۔ تے دُنیا اوہناں دی سُندی اے۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔