۱-یُوحنّا 2:13 - پنجابی نواں عہد نامہ نظرثانی شدہ چھپائی

¹³ بزُرگو۔ مَیں تُہانوں ایس کر کے لِکھنا آں۔ پئی جیہڑا مُڈھوں اے اوہنوں تُسی جان دے ہو۔ جوانو۔ مَیں تُہانوں ایس کر کے لِکھنا آں پئی تُساں شریر نُوں جِت لیا اے۔ مُنڈیو۔ مَیں تُہانوں ایس کر کے لِکھیا اے۔ پئی تُسی باپ نُوں جان دے ہو۔

۱-یُوحنّا 2:13 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 13:19

جد کوئی بادشاہی دا کلام سُندا اے تے سمجھدا نئیں تَد اوہدے مَن وِچوں جو کُجھ بِیجیا ہویا سی اوہ بُرا آ کے کھو لے جاندا اے۔ ایہہ اوہ اے جیہڑا راہ دے کنڈھے بِیجیا گیا سی۔

متّی 13:38

تے پَیلی دُنیا اے جیہڑا چَنگا بی اے اوہ بادشاہی دے پُتر نیں۔ تے کَوڑے بُوٹے بُرے دے پُتر نے۔

متّی 5:37

پر تُہاڈی گلّ ہاں دی ہاں تے ناں دی ناں ہوئے۔ تاں جو کُجھ ایہدے نالوں وَدّھ اے سو بُرے توں ہوندا اے۔

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 14:7

جے تُسی مَینُوں جان دے تے میرے باپ نُوں وی جان دے۔ تے ہُن توں تُسی اوہنوں جان دے ہو۔ تے اوہنوں ویکھ لیا اے۔

یُوحنّا 14:9

یِسُوع اوہنوں آکھیا اَے فِلپُّس مَیں اینے چِر دا تُہاڈے نال آں تے تُوں مَینُوں نئیں جان دا؟ جِس مَینُوں ویکھیا اے اوس باپ نُوں ویکھ لیا اے۔ تے تُوں کِیویں آکھنا ایں پئی باپ سانُوں وکھال؟

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 8:19

تَد اوہناں اوہنوں آکھیا کِتّھے اے تیرا باپ؟ یِسُوع جواب دِتّا نا تُسی مَینُوں جان دے ہو تے نا میرے باپ نُوں جے تُسی مَینُوں جان دے تے میرے باپ نُوں وی جان دے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۱-تِیمُتِھیُس 5:1

کِسے بُڈّھے نُوں نا جِھڑکیں۔ سگوں پئیو سمجھ کے نصِیحت کریں۔

طِطُس 2:6

جواناں نُوں وی ایسے طرح مَت دے۔ پئی پرہیزگار بنن۔

۱-یُوحنّا 1:1

اوس زِندگی دے کلام دی بابت جیہڑا مُڈھوں سی۔ تے جِہنُوں اساں سُنیا تے اپنیاں اَکھّیاں نال ویکھیا۔ سگوں چنگی طرح ویکھیا۔ تے اپنیاں ہتّھاں نال چُھوئیا۔

۱-یُوحنّا 2:1

بچّیو! ایہہ گلّاں مَیں تُہانوں ایس لئی لِکھنا آں۔ پئی تُسی گُناہ نا کرو۔ تے جے کوئی گُناہ کرے تے باپ دے کول ساڈا اِک مددگار رہندا اے۔ تے اوہ یِسُوع مسِیح اے جیہڑا راستباز اے۔

۱-یُوحنّا 2:12

بچّیو! مَیں تُہانوں ایس کر کے لِکھنا آں۔ پئی اوہدے ناں سببّوں تُہاڈے گُناہ مُعاف ہوئے ہوئے نیں۔

۱-یُوحنّا 2:14

بزُرگو۔ مَیں تُہانوں ایس کر کے لِکھیا اے۔ پئی جیہڑا مُڈھوں اے۔ اوہنوں تُسی جان گئے ہو۔ جوانو۔ مَیں تُہانوں ایس کر کے لِکھیا اے۔ پئی تُسی تگڑے ہو۔ تے خُدا دا کلام تُہاڈے وِچ رہندا اے۔ تے تُساں شریر نُوں جِت لیا اے۔

۱-یُوحنّا 3:12

تے قائن وانگر نا بنِئے۔ جیہڑا شریر ولّوں سی تے جِس اپنے بھرا نُوں مار چھڈیا سی تے اوس کِس کر کے اوہنوں مار چھڈیا سی؟ پئی اوہدے اپنے ای کمّ بَھیڑے سن تے بھرا دے کمّ راستباز سن۔

۱-یُوحنّا 4:4

بچّیو! تُسی خُدا ولّوں ہو تے تُساں اوہناں نُوں جِت لیا اے کیوں جو جیہڑا تُہاڈے وِچ اے اوہ اوہدے نالوں وَڈا اے جیہڑا دُنیا وِچ اے۔

۱-یُوحنّا 5:18

اسی جاننے آں پئی جیہڑا خُدا توں جمّیا اے اوہ گُناہ نئیں کر دا سگوں اوہدی راکھی اوہ کر دا اے۔ جیہڑا خُدا توں جمّیا اے۔ تے اوہ شریر اوہنوں نئیں چھوندا۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔

مُکاشفہ 2:7

جِہدے کنّ ہون اوہ سُن لَئے۔ پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں اوس زِندگی دے بُوٹے نالوں جیہڑا خُدا دی بہشت وِچ اے۔ پَھل کھان نُوں دیاں گا۔