۱-یُوحنّا 2:1 - پنجابی نواں عہد نامہ نظرثانی شدہ چھپائی

¹ بچّیو! ایہہ گلّاں مَیں تُہانوں ایس لئی لِکھنا آں۔ پئی تُسی گُناہ نا کرو۔ تے جے کوئی گُناہ کرے تے باپ دے کول ساڈا اِک مددگار رہندا اے۔ تے اوہ یِسُوع مسِیح اے جیہڑا راستباز اے۔

۱-یُوحنّا 2:1 ပူးပေါင်းရင်းမြစ်များ

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 10:15

جیویں باپ مَینُوں جان دا اے تے مَیں باپ نُوں جاننا آں۔ تے بھیڈاں لئی مَیں اپنی جان دینا آں۔

یُوحنّا 13:33

اَے بچّیو اجے تھوڑا چِر مَیں تُہاڈے نال آں۔ تُسی مَینُوں لَبّھو گے تے جیویں مَیں یہُودِیاں نُوں آکھیا سی پئی جِتّھے مَیں جاناں آں تُسی نئیں آسکدے ہُن تُہانوں وی آکھنا آں۔

یُوحنّا 14:16

تے مَیں باپ کول عرض کراں گا تے اوہ تُہانوں دُوجا مددگار بخشے گا پئی اوہ سدا تُہاڈے نال ہوئے۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 21:5

تَد یِسُوع اوہناں نُوں آکھیا اَے بچّیو! تُہاڈے کول کُجھ کھان نُوں اے؟ اوہناں اوہنوں جواب دِتّا پئی نئیں۔

یُوحنّا 5:14

اوہدے بعدوں یِسُوع اوہنوں ہیکل وِچ ویکھ کے اوہنوں آکھیا ویکھ تُوں چَنگا ہوگیا ایں مُڑ گُناہ نا کریں۔ متے تیرے اُتّے ایدوں وی بُہتی خرابی آ پَوے۔

یُوحنّا 5:36

پر میرے کول جیہڑی گواہی اے اوہ یُوحنّا دی گواہی توں وڈّی اے کیوں جو جیہڑے کمّ باپ میرے سپُرد کِیتے پئی مَیں اوہناں نُوں پُوریاں کراں یعنی ایہو کمّ جیہڑے مَیں کرنا آں اوہ میرے حق وِچ گواہی دیندے نیں پئی باپ مَینُوں گھلّیا اے۔

یُوحنّا 6:27

فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

یُوحنّا 8:11

تے اوس آکھیا اَے خُداوند کِسے وی نئیں۔ تَد یِسُوع اوہنوں آکھیا مَیں وی تیرے اُتّے فتویٰ نئیں دیندا۔ ٹُر جا تے ایدوں اگّے مُڑ کدی گُناہ نا کریں۔]

اعمال 7:52

نبیاں وِچوں تُہاڈے وڈّیاں کِنوں نئیں ستایا؟ ہاں اوہناں اوہناں نُوں مار وی چھڈیا جِنہاں اوس راستباز دے آؤن دی خبر اگّوں دِتّی۔ اوہدے ہُن تُسی پھڑان والے تے قتل کرن والے وی بنے ہو۔

رُومِیوں 5:10

کیوں جو جے اسی وَیری ہو کے خُدا نال اوہدے پُتر دی مَوت دی راہِیں مِلائے گئے تے ہُن جد میل ہوگیا اسی اوہدی زِندگی وِچ ضرُور ای بچائے جاواں گے۔

رُومِیوں 6:15

فیر کِیہ ہویا ایس کر کے پئی اسی شریعت ہیٹھ نئیں سگوں فضل ہیٹھ آں۔ اسی گُناہ کریئے؟ خُدا نا کرے۔

رُومِیوں 8:34

کیہڑا اے جیہڑا ڈنڈ لاندا اے؟ ایہہ مسِیح یِسُوع اے جیہڑا مر گیا۔ آہو سگوں اوہی جیہڑا مُردیاں وِچوں جوالیا گیا تے خُدا دے سَجّے پاسے اے۔ تے ساڈی سفارِش وی کر دا اے۔

۱-کُرِنتھِیوں 15:34

اِیماندار ہون لئی ہوش وِچ آؤ۔ تے گُناہ نا کرو۔ کیوں جو کئیاں وِچ خُدا دی پچھان نئیں۔ مَیں تُہانوں شرمندیاں کرن لئی ایہہ آکھنا آں۔

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

گلتِیوں 4:19

میرے بالو! تُہاڈے ولّوں مَینُوں نَوِیں سِریوں جمّن دِیاں پِیڑاں لگِیاں نیں۔ جدوں تِیکر مسِیح تُہاڈے وِچ صُورت نا پھڑ لَئے۔

اِفسِیوں 2:18

کیوں جو اوسے دی راہِیں ساڈی دوہاں دی اِکّو جِہی رُوح وِچ باپ کول ڈھوئی اے۔

اِفسِیوں 4:26

غُصّے تے ہوؤ پر گُناہ نا کرو۔ دِن ڈُبن تِیکر تُہاڈی خفگی نا رہے۔

۱-تِیمُتِھیُس 2:5

کیوں جو خُدا اِکّو ای اے تے خُدا تے بندیاں وِچ وچولا وی اِکّو ای اے۔ یعنی یِسُوع مسِیح جیہڑا اِنسان اے۔

۱-تِیمُتِھیُس 3:14

تیرے کول چھیتی آؤن دی آس کر کے مَیں ایہہ گلّاں تینُوں لِکھنا آں۔

عِبرانیوں 9:24

کیوں جو مسِیح اوس ہتّھاں نال بنائے ہوئے پاک مکان وِچ نئیں وڑیا۔ جیہڑا اصلی مکان دی نقل اے پر اصلی اسمان وِچ وڑیا تاں جو خُدا دے اگّے ساڈے لئی حاضر ہوئے۔

یعقُوب 1:27

ساڈے خُدا تے باپ دے اگّے پاک تے بے نُقص دِینداری ایہہ اے پئی دُکھ دے ویلے یتِیماں تے رَنڈِیاں دی خبر لئیے۔ تے اپنے آپ نُوں دُنیا وِچ بے نُقص رکھیے۔

یعقُوب 3:9

ایسے نال اسی خُداوند تے باپ دی وڈیائی کرنے آں تے ایسے نال ای اسی بندیاں نُوں جیہڑے خُدا دی صُورت اُتّے بنائے گئے نیں بد دُعا دینے آں۔

۱-پطرس 2:22

نا اوس گُناہ کِیتا۔ تے نا ای اوہدے مُنھ توں مکر دی کوئی گلّ نِکلی۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-یُوحنّا 3:18

بچّیو! اسی گلّاں دی تے زبان دی مُحبّت نا کریئے۔ سگوں عمل تے سچیائی دی مُحبّت کریئے۔

۱-یُوحنّا 3:5

تے تُسی جان دے ہو۔ پئی اوہ ایس لئی ظاہر ہویا پئی گُناہ نُوں چُک لے جائے تے اوہدی ذات وِچ گُناہ نئیں۔

۱-یُوحنّا 3:7

بچّیو۔ کوئی تُہانوں فریب نا دے۔ جیہڑا نیکی دے کمّ کر دا اے اوہ ای اوہدے وانگُوں راستباز اے۔

۱-یُوحنّا 4:4

بچّیو! تُسی خُدا ولّوں ہو تے تُساں اوہناں نُوں جِت لیا اے کیوں جو جیہڑا تُہاڈے وِچ اے اوہ اوہدے نالوں وَڈا اے جیہڑا دُنیا وِچ اے۔

۱-یُوحنّا 5:17

ہر طرح دی بُرائی گُناہ اے۔ پر اجیہا گُناہ وی اے۔ جِہدا انت مَوت نئیں۔

۱-یُوحنّا 5:21

بچّیو۔ بُتاں توں اپنی راکھی کرو۔

۳-یُوحنّا 1:4

میرے لئی ایس توں وَدّھ کے ہور کوئی خُوشی نئیں۔ پئی مَیں اپنے بچّیاں نُوں سچیائی اُتّے چلدیاں سُناں۔