۱-یُوحنّا 1:8 - پنجابی نواں عہد نامہ نظرثانی شدہ چھپائی

⁸ جے اسی آکھیئے پئی ساڈے وِچ گُناہ نئیں تے اسی اپنے آپ نُوں دھوکھا دینے آں تے ساڈے وِچ سچیائی نئیں۔

۱-یُوحنّا 1:8 ပူးပေါင်းရင်းမြစ်များ

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

رُومِیوں 3:10

جیویں لِکھیا ہویا اے۔ پئی کوئی راستباز نئیں اِک وی نئیں۔

رُومِیوں 3:23

ایس لئی پئی سبھناں گُناہ کِیتا تے خُدا دے جلال توں رَیہہ جاندے نیں۔

۱-کُرِنتھِیوں 3:18

کوئی اپنے آپ نُوں دھوکھا نا دے۔ جیہڑا تُہاڈے وِچوں اپنے آپ نُوں ایس جہان دا سیانا سمجھے اوہ مُورکھ بنے تاں جو سیانا ہو جائے۔

گلتِیوں 6:3

کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

۲-تِیمُتِھیُس 3:13

تے بُرے تے دھوکھے باز بندے فریب دیندے تے فریب کھاندے وِگڑدے لگے جان گے۔

یعقُوب 1:22

پر کلام اُتّے عمل کرن والے بنو نا نِرے سُنن والے جیہڑے اپنے آپ نُوں دھوکھا دیندے نیں۔

یعقُوب 1:26

جے کوئی اپنے آپ نُوں دِیندار سمجھے تے اپنی جِیبھ نُوں لگام نا چاہڑے سگوں اپنے دِل نُوں دھوکھا دے تے اوہدی دِینداری کِسے کمّ دی نئیں۔

یعقُوب 3:2

ایس واسطے پئی اسی سارے دے سارے قصور کرنے آں۔ کامِل بندہ اوہ اے جیہڑا گلّاں وِچ قصور نا کرے اوہ سارے بدن نُوں وی قابُو وِچ رکھ سکدا اے۔

۲-پطرس 2:13

دُوجیاں دا بُرا کرن دے بدلے ایہناں ای دا بُرا ہوئے گا۔ ایہناں نُوں دِن دِہاڑے عیاشی کرن وِچ سواد آؤندا اے۔ ایہہ داغ تے عیب نیں۔ جدوں تُہاڈے نال کھاندے پِیندے نیں تے اپنے ولّوں مُحبّت دی ضیافت کر کے عَیش تے عشرت کر دے نیں۔

۱-یُوحنّا 1:10

جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں۔

۱-یُوحنّا 1:6

جے اسی آکھنے آں پئی ساڈی اوہدے نال سنگت اے تے فیر ہنیرے وِچ ٹُر نیں آں تے اسی جُھوٹھے آں تے سچیائی اُتّے عمل نئیں کر دے۔

۱-یُوحنّا 2:4

جیہڑا ایہہ آکھدا اے پئی مَیں اوہنوں جاننا آں تے اوہدے حُکماں نُوں نئیں مَندا اوہ جُھوٹھا اے تے اوہدے وِچ سچیائی نئیں۔

۱-یُوحنّا 4:20

جے کوئی آکھے پئی مَیں خُدا نال مُحبّت کرنا آں تے اوہ اپنے بھرا نال وَیر رکھّے اوہ جُھوٹھا اے کیوں جو جیہڑا اپنے بھرا نال جِہنُوں اوس ویکھیا اے مُحبّت نئیں کر دا اوہ خُدا نال وی جِہنُوں اوس نئیں ویکھیا مُحبّت نئیں کر سکدا۔

۲یُوحنّا 1:2

تے اِکّو مَیں ای نئیں سگوں اوہ سارے لوک وی مُحبّت کر دے نیں جیہڑے سچیائی نُوں جان دے نیں۔

۳-یُوحنّا 1:3

کیوں جو جدوں بھراواں آ کے تیری اوس سچیائی دی گواہی دِتّی جِہدے اُتّے تُوں ٹھیک ٹھیک چلنا ایں تے مَیں بُہت ای خُوش ہویا۔