۱-یُوحنّا 1:1 - پنجابی نواں عہد نامہ نظرثانی شدہ چھپائی

¹ اوس زِندگی دے کلام دی بابت جیہڑا مُڈھوں سی۔ تے جِہنُوں اساں سُنیا تے اپنیاں اَکھّیاں نال ویکھیا۔ سگوں چنگی طرح ویکھیا۔ تے اپنیاں ہتّھاں نال چُھوئیا۔

۱-یُوحنّا 1:1 ပူးပေါင်းရင်းမြစ်များ

لُوقا 1:2

جیویں اوہناں بندیاں ساڈے تِیکر اپڑائیاں جیہڑے شُروع توں لے کے اَکھّیں ویکھن والے گواہ تے کلام دی خِدمت کرن والے سن۔

لُوقا 24:39

ویکھو میرے ہتّھاں تے پیراں نُوں پئی مَیں ای آں۔ مَینُوں ہتّھ لاکے ویکھو۔ کیوں جو رُوح دا گوشت تے ہڈِّیاں نئیں ہوندیاں۔ جیویں میرے وِچ تُسی ویکھدے ہو۔

یُوحنّا 19:35

تے جِس ویکھیا ایہہ گواہی دِتّی اے۔ تے اوہدی گواہی سَچّی اے۔ تے اوہ جان دا اے پئی مَیں سَچ آکھنا آں۔ تاں جو تُسی وی اِیمان لیاؤ۔

یُوحنّا 20:27

تَد اوس تُوما نُوں آکھیا اپنی اُنگل اُراں کر تے میرے ہتّھاں نُوں ویکھ تے اپنا ہتّھ اُراں کر تے میری وَکھّی وِچ پا تے بےاعتبار نا ہو پر اعتبار کر۔

یُوحنّا 5:26

کیوں جو جیویں باپ اپنے وِچ زِندگی رکھدا اے اوسے طرح اوس پُتر نُوں وی دِتّا پئی اپنے وِچ زِندگی رکھّے۔

یُوحنّا 8:58

یِسُوع اوہناں نُوں آکھیا مَیں تُہانوں سَچ سَچ آکھنا آں۔ ایدوں پہلاں پئی ابرہام سی مَیں آں۔

اعمال 1:3

اوہناں نُوں اوس اپنے دُکھ سہن دے پِچّھوں بتھیریاں ثبُوتاں نال اپنے آپ نُوں جِیوندا وکھایا۔ چاھلیاں دِناں تِیکر اوہ اوہناں نُوں وکھالی دیندا تے خُدا دی بادشاہی دِیاں گلّاں دسدا رہیا۔

اعمال 4:20

کیوں جو ایہہ ساتھوں ہو نئیں سکدا اے۔ پئی جو کُجھ اساں ویکھیا تے سُنیا اے سو نا آکھیئے؟

عِبرانیوں 2:3

تے اینی وڈّی نجات توں بے پرواہ رہ کے اسی کِیویں بچ سکنے آں۔ جِہدا بیان پہلاں خُداوند دی راہِیں ہویا۔ تے سُنن والیاں توں سانُوں پَکّی طرح ثبُوت اَپڑیا۔

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔

۱-یُوحنّا 5:7

تے رُوح ای گواہی دین والا اے۔ کیوں جو رُوح سچیائی اے۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 1:8

خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔

مُکاشفہ 19:13

تے اوس ایہو جئے کپڑے پائے ہوئے نیں۔ جِنہاں اُتّے لہو چھِڑکیا ہویا اے۔ تے اوہدا ناں خُدا دا کلام اکھواؤندا اے۔

مُکاشفہ 2:8

تے سمُرنہ دی کلِیسیا دے فرِشتے نُوں ایہہ لِکھ پئی جیہڑا شُروع تے اخِیر اے تے جیہڑا مر گیا سی تے جِیوپیا۔ اوہ ایہہ آکھدا اے۔