۱-کُرِنتھِیوں 9:3 - پنجابی نواں عہد نامہ نظرثانی شدہ چھپائی

³ جیہڑے مَینُوں ازماندے نیں۔ اوہناں لئی میرا ایہو ای جواب اے۔

۱-کُرِنتھِیوں 9:3 ပူးပေါင်းရင်းမြစ်များ

لُوقا 12:11

تے جد اوہ تُہانوں عبادت خانیاں وِچ تے حاکماں تے اختیار والیاں دے اگّے لے جان تے فِکر نا کرو۔ پئی اسی کِس طرح دا یا کِیہ عُذر کریئے۔ یا کِیہ آکھیئے۔

اعمال 22:1

میرے بھراؤ تے بزُرگو! میرا عُذر سُنو۔ جیہڑا ایس ویلے مَیں تُہاڈے اگّے کرنا آں۔

اعمال 25:16

مَیں اوہناں نُوں ایہہ جواب دِتّا۔ پئی رُومِیاں دا دستُور نئیں اے۔ پئی کِسے بندے نُوں رَئی نال سزا واسطے دے چھڈن۔ جِنّاں چِر مُلزم نُوں اپنے الزام دین والیاں دے آمھے سامھنے دعویٰ دے جواب دین دا موقع نا مِلے۔

۱-کُرِنتھِیوں 14:37

جے کوئی اپنے آپ نُوں نبی یا رُوحانی سمجھے تے ایہہ جان لَئے پئی جیہڑیاں گلّاں مَیں تُہانوں لِکھنا آں اوہ خُداوند دے حُکم نے۔

۱-کُرِنتھِیوں 9:2

جے مَیں ہورناں دا رسُول نئیں۔ پر تُہاڈے لئی تے ضرُور آں۔ کیوں جو تُسی آپ ای خُداوند وِچ میرے رسُول ہون اُتّے موہر ہو۔

۱-کُرِنتھِیوں 9:4

پئی سانُوں کھان پِین دا اختیار نئیں؟

۲-کُرِنتھِیوں 13:10

ایس لئی مَیں غیر حاضری وِچ ایہہ گلّاں لِکھنا آں۔ تاں جو حاضر ہو کے مَینُوں اوس اختیار دے سببّوں سختی نا کرنی پَوے۔ جیہڑا خُداوند مَینُوں بنان لئی دِتّا اے نا وگاڑن لئی۔

۲-کُرِنتھِیوں 13:3

کیوں جو تُسی ایہدی دلیل چاہندے اوہ۔ پئی مسِیح میرے وِچ بولدا اے۔ تے اوہ ساڈے لئی کمزور نئیں۔ سگوں تُہاڈے وِچ زوراور اے۔

۲-کُرِنتھِیوں 13:5

تُسی اپنے آپ نُوں ازماؤ پئی اِیمان وِچ ہویا نئیں۔ اپنے آپ نُوں پرکھو تُسی اپنی بابت ایہہ نئیں جان دے پئی یِسُوع مسِیح تُہاڈے وِچ اے؟ نئیں تے تُسی نامقبُول اوہ۔

فِلِپّیوں 1:17

پر دُوجے دھڑے صدقہ صاف دِل نال نئیں سگوں ایس خیال نال پئی میری قید وِچ میرے لئی دُکھ پَیدا کرن۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

۲-تِیمُتِھیُس 4:16

میری پہلی پیشی میرے نال کوئی نئیں سی۔ سگوں مَینُوں ساریاں چھڈ دِتّا۔ اوہناں نُوں ایہدا حِساب نا دینا پَوے۔