۱-کُرِنتھِیوں 9:20 - پنجابی نواں عہد نامہ نظرثانی شدہ چھپائی

²⁰ مَیں یہُودِیاں لئی یہُودی بنیا تاں جو یہُودِیاں نُوں کھِچّ لیاواں۔ جیہڑے لوک شریعت دے وَس وِچ نیں اوہناں لئی مَیں شریعت دے ہیٹھ ہویا۔ تاں جو اوہناں نُوں جیہڑے شریعت دے وَس وِچ نیں کھِچّ لیاواں۔ بھانویں آپ شریعت دے وَس وِچ نئیں۔

۱-کُرِنتھِیوں 9:20 ပူးပေါင်းရင်းမြစ်များ

اعمال 16:3

پَولُس دی مرضی سی پئی ایہہ میرے نال چلّے۔ تے اوس علاقہ دے یہُودِیاں دے سبّب اوہنوں لے کے اوہنوں سُنتی بہایا۔ کیوں جو اوہ سبھ جان دے سن پئی اوہدا پئیو یُونانی سی۔

اعمال 18:18

تے پَولُس اجے ہور بتھیرے دِن اوتھے رہ کے بھراواں توں وِداع ہویا۔ تے اوس کِنخریہ دے وِچ سِر مُنایا سی کیوں جو اوس مَنّت مَنّی سی۔ تے جہاز اُتّے چڑھ کے سُوریہ نُوں ٹُر پیا۔ تے پرسِکّلہ تے اَکوِلہ اوہدے نال سن۔

رُومِیوں 11:14

پئی مَیں کِسے طرح اپنی قوم والیاں نُوں غیرت دواکے اوہناں وِچوں کئیاں نُوں بچاواں۔

رُومِیوں 3:19

ہُن اسی جاننے آں پئی شریعت جو کُجھ آکھدی اے شریعت والیاں ای نُوں آکھدی اے تاں جو ہر اِک دا مُنھ بند ہو جائے۔ تے ساری دُنیا خُدا دی عدالت دے ہیٹھ آ جائے۔

گلتِیوں 2:19

ایس کر کے پئی مَیں شریعت دی راہِیں شریعت ولّوں مر گیا تاں جو خُدا ولّوں جِیُوپَواں۔

گلتِیوں 4:21

مَینُوں دَسّو کھاں تُسی جیہڑے شریعت دے ہٹھارُو ہونا چاہندے ہو۔ تُسی شریعت دی گلّ نُوں نئیں سُندے؟

گلتِیوں 4:5

ایس کر کے پئی شریعت دِیاں ہٹھارُواں نُوں مُل لے کے چھڈا لَئے۔ تے سانُوں پُتر ہون دا درجہ مِلے۔

گلتِیوں 5:18

تے جے تُسی رُوح دے طَور نال ٹُردے ہو۔ تے شریعت دے ہیٹھ نئیں رہے۔