۱-کُرِنتھِیوں 8:9 - پنجابی نواں عہد نامہ نظرثانی شدہ چھپائی

⁹ پر خبردار رہو۔ اجیہا نا ہوئے پئی تُہاڈی ایہہ کُھل کمزوراں دی ٹھوکر دا سبّب بن جائے۔

۱-کُرِنتھِیوں 8:9 ပူးပေါင်းရင်းမြစ်များ

متّی 18:10

خبردار ایہناں نِکّیاں وِچوں کِسے نُوں ماڑا نا جانو۔ کیوں جو مَیں تُہانوں آکھنا آں۔ پئی اوہناں دے فرِشتے اسماناں وِچ ہمیشہ میرے باپ دا مُنھ جیہڑا اسماناں وِچ اے ویکھدے نیں۔

رُومِیوں 15:1

ہُن سانُوں جیہڑے تگڑے آں چاہیدا اے۔ پئی ماڑیاں دِیاں کمزوریاں دی برداشت کریئے۔ تے اپنی خُوشی نا کریئے۔

۱-کُرِنتھِیوں 10:24

کوئی اپنا فائدہ نا لَبھّے سگوں دُوجے دا۔

۱-کُرِنتھِیوں 10:28

پر جے کوئی تُہانوں آکھے۔ پئی ایہہ قُربانی دا گوشت اے۔ تے اوہدے سببّوں جِس تُہانوں دسیا تے دِین دے خیال دے سبّب نا کھاؤ۔

۱-کُرِنتھِیوں 10:29

دِینی خیال توں میرا مطلب تیرا خیال نئیں۔ سگوں اوس دُوجے دا اے۔ میری اَزادی دُوجے بندے دے خیال نال کیوں ویکھی جائے۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 8:10

کیوں جو جے کوئی تینُوں عِلم والے نُوں بُت خانے وِچ کھانا کھاندیاں ہویاں ویکھے تے اوہ کمزور بندہ ہوئے۔ تے اوہدا دِل بُتاں دی قُربانی کھان لئی دلیر نا ہو جائے گا؟

۱-کُرِنتھِیوں 8:12

تے تُسی ایس طرح بھراواں دے گُنہگار ہو کے تے اوہناں کمزور دِلاں نُوں زخمی کر کے مسِیح دے گُنہگار ہوندے ہو۔

۱-کُرِنتھِیوں 9:22

کمزوراں لئی مَیں کمزور بنیا۔ تاں جو کمزوراں نُوں کھِچّ لیاواں۔ مَیں ساریاں بندیاں لئی سبھ کُجھ بنیا ہویا آں۔ تاں جو کِسے طرح نال بعضیاں نُوں بچاواں۔

۲-کُرِنتھِیوں 11:21

میرا ایہہ آکھنا بے عِزّتی دے طَور اُتّے ای سہی۔ پئی اسی ماڑے جیہے ساں۔ پر جِس کِسے گلّ وِچ کوئی دلیر اے (بھانویں ایہہ آکھنا کملی گلّ اے) مَیں وی دلیر آں۔

۲-کُرِنتھِیوں 11:29

کِہدی کمزوری توں مَیں کمزور نئیں ہوندا؟ کِہدے ٹھوکر کھان توں میرا دِل نئیں دُکھدا؟

۲-کُرِنتھِیوں 6:3

اسی کِسے گلّ وِچ ٹھوکر کھان دا کوئی موقع نئیں دیندے تاں جو ساڈی خِدمت اُتّے حرف نا آوے۔

گلتِیوں 5:13

بھراؤ! تُسی اَزادی لئی سَدّے گئے سو پر اجیہا نا ہوئے پئی اوہ اَزادی جِسم دِیاں گلّاں دا موقع بنے۔ سگوں پیار نال اِک دُوجے دی سیوا کرو۔

کُلُسِّیوں 2:8

خبردار تُہانوں کوئی بندہ اوس فلسفی تے بے فائدہ فریب نال لُٹ نا لَئے۔ جیہڑے بندیاں دِیاں روائِتاں تے دُنیا دِیاں مُڈھ والِیاں گلّاں وانگر نیں۔ پر مسِیح وانگر نئیں۔

۱-پطرس 2:16

تے اپنے آپ نُوں اَزاد سمجھو۔ پر ایس اَزادی نُوں بدی دا پردہ نا بناؤ۔ سگوں اپنے آپ نُوں خُدا دے غلام سمجھو۔

۲-پطرس 2:19

اوہ اوہناں نال تے اَزادی دا وعدہ کر دے نیں تے آپی خرابی دے غلام بنے ہوئے نیں۔ ایس لئی پئی بندے اُتّے جِہدا دابا اے اوہ اوہدا غلام اے۔

مُکاشفہ 2:14

پر مَینُوں کُجھ گلّاں دی تیرے اُتّے شکایت اے ایس لئی پئی تیرے اوتھے کُجھ لوک بِلعام دی تعلِیم مَنّن والے نیں جِس بلق نُوں بنی اِسرائیل اگّے ٹھوکر رکھن دی تعلِیم دِتّی یعنی ایہہ پئی اوہ بُتاں دِیاں قُربانِیاں کھان تے حرامکاری کرن۔