۱-کُرِنتھِیوں 8:6 - پنجابی نواں عہد نامہ نظرثانی شدہ چھپائی

⁶ پر ساڈے بھانیں تے اِکّوئی خُدا اے۔ یعنی ربّ جِہدے ولّوں سارِیاں شیواں نیں۔ تے اسی اوہدے لئی آں۔ تے اِکّوئی خُداوند اے۔ یعنی یِسُوع مسِیح جِہدی راہِیں سارِیاں شیواں بنیاں نیں۔ تے اسی وی اوسے دی راہِیں آں۔

۱-کُرِنتھِیوں 8:6 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 28:18

تے یِسُوع کول آ کے اوہناں دے نال گلّ کِیتی۔ تے آکھیا پئی اسمان وِچ تے زمین اُتّے سارا اختیار مَینُوں دِتّا گیا اے۔

یُوحنّا 1:10

اوہ دُنیا وِچ سی تے دُنیا اوہدی راہِیں پَیدا ہوئی۔ تے دُنیا اوہنوں نا جانیا۔

یُوحنّا 1:3

سارِیاں شیواں اوہدی راہِیں پَیدا ہویاں۔ تے بِناں اوہدے اِک شے وی پَیدا نا ہوئی جیہڑی پَیدا ہوئی اے۔

یُوحنّا 10:30

مَیں تے باپ اِک آں۔

یُوحنّا 13:13

تُسی مَینُوں اُستاد تے خُداوند آکھدے ہو۔ چَنگا آکھدے ہو۔ کیوں جو مَیں آں وی۔

یُوحنّا 14:20

اوس دِن تُسی جانو گے پئی مَیں اپنے باپ وِچ آں تے تُسی میرے وِچ تے مَیں تُہاڈے وِچ۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

اعمال 17:28

کیوں جو اوہدے وِچ اسی جِیوندے تے ٹُردے پِھرے دے تے موجُود رہنے آں۔ جیویں بعضے تُہاڈے اپنے شاعِراں نیں وی آکھیا اے۔ پئی اسی تاں اوسے دی نسل آں۔

اعمال 2:36

سو اِسرائیل دا سارا گھرانا پَکّی طرح جانے پئی خُدا نے اوسے یِسُوع نُوں جِہنُوں تُساں صلِیب دِتّا۔ خُداوند تے مسِیح وی کِیتا۔

اعمال 5:31

اوسے نُوں خُدا مالک تے نجات دین والا مُقرّر کر کے اپنے سَجّے ہتّھ نال اُچیاں کِیتا پئی اِسرائیل نُوں تَوبہ تے گُناہاں دی مُعافی بخشے۔

رُومِیوں 11:36

کیوں جو اوسے توں تے اوسے دی راہِیں تے اوسے لئی سارِیاں شیواں ہویاں نیں۔ اوہدی وڈیائی سدا تِیکر ہوئے۔ آمِین۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 12:3

سو مَیں تُہانوں دسنا آں پئی جیہڑا خُدا دے رُوح دی ہدایت نال بولدا اے اوہ نئیں آکھدا پئی یِسُوع لعنتی اے۔ تے نا کوئی پاک رُوح بِناں آکھ سکدا ایہہ۔ پئی یِسُوع خُداوند اے۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

۱-کُرِنتھِیوں 8:4

سو بُتاں دی قُربانی دا ماس کھان دی بابت اسی جاننے آں۔ پئی بُت دُنیا وِچ کوئی شے نئیں۔ تے بِناں اِک دے ہور کوئی خُدا نئیں۔

اِفسِیوں 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس سانُوں مسِیح وِچ اسمانی تھانواں اُتّے ہر طرح دی رُوحانی برکت دِتّی۔

اِفسِیوں 3:14

ایس لئی مَیں باپ اگّے گوڈے نِیؤنا آں۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

مُکاشفہ 1:18

تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔