۱-کُرِنتھِیوں 8:4 - پنجابی نواں عہد نامہ نظرثانی شدہ چھپائی

⁴ سو بُتاں دی قُربانی دا ماس کھان دی بابت اسی جاننے آں۔ پئی بُت دُنیا وِچ کوئی شے نئیں۔ تے بِناں اِک دے ہور کوئی خُدا نئیں۔

۱-کُرِنتھِیوں 8:4 ပူးပေါင်းရင်းမြစ်များ

مرقس 12:29

یِسُوع اوہنوں جواب دِتّا پہلا ایہہ اے۔ پئی سُن اِسرائیل۔ خُداوند ساڈا خُدا اِک ای خُداوند اے۔

اعمال 14:15

اَے بندیو! تُسی ایہہ کِیہ کر دے ہو؟ اسی وی تُہاڈے جیہے دُکھ سُکھ سہن والے بندے آں تے تُہانوں خُوشخبری دینے آں پئی ایہناں واہیات گلّاں توں لانبھے ہو کے زِندہ خُدا ولّ پِھرو۔ اوسے ای اسمان تے زمین۔ تے سمُندر نُوں۔ تے سبھ کُجھ جو اوہناں دے وِچ اے بنایا اے؟

اعمال 15:20

پر اوہناں نُوں لِکھئے۔ پئی بُتاں دِیاں پلِیتیاں توں تے حرامکاری توں تے گل گُھٹّیاں ہویاں شیواں توں تے لہو توں بچے رہن۔

اعمال 19:26

تے تُسی ویکھدے تے سُندے ہو۔ پئی نِرا اِفِسُس وِچ نئیں سگوں سارے آسِیہ وِچ۔ ایس پَولُس ایہہ آکھ کے پئی جیہڑے ہتّھاں نال بنائے جاندے نیں۔ اوہ خُدا نئیں۔ بڑی خلقت نُوں سمجھا کے ورغلا یا اے۔

۱-کُرِنتھِیوں 8:1

ہُن بُتاں دی قُربانی دی بابت ایہہ گلّ اے اسی جاننے آں پئی اسی سارے عِلم رکھنے آں۔ عِلم مان پَیدا کر دا اے پر مُحبّت ترقی دا سبّب اے۔

۱-کُرِنتھِیوں 8:10

کیوں جو جے کوئی تینُوں عِلم والے نُوں بُت خانے وِچ کھانا کھاندیاں ہویاں ویکھے تے اوہ کمزور بندہ ہوئے۔ تے اوہدا دِل بُتاں دی قُربانی کھان لئی دلیر نا ہو جائے گا؟

۱-کُرِنتھِیوں 8:11

سو تیرے عِلم دے سببّوں اوہ کمزور بندہ یعنی اوہ بھرا جِہدی خاطر مسِیح مویا ہلاک ہو جائے گا۔

گلتِیوں 4:8

پر اوس ویلے تُسی خُدا نُوں نئیں سو جان دے۔ تے تُسی اوہناں بُتاں دی غلامی وِچ سو جیہڑے اصلوں خُدا نئیں۔

اِفسِیوں 4:6

تے ساریاں دا اِکّو ای خُدا تے باپ اے۔ جیہڑا ساریاں اُتّے تے ساریاں وِچ تے ساریاں دے اندر اے۔

۱-تِیمُتِھیُس 1:17

ہُن جُگّاں دے بادشاہ سدا حیات۔ اَن ڈِٹھ۔ اِکّو خُدا دی عِزّت تے ٹھاٹھ باٹھ سدا دے لئی ہوئے۔ آمِین۔

۱-تِیمُتِھیُس 2:5

کیوں جو خُدا اِکّو ای اے تے خُدا تے بندیاں وِچ وچولا وی اِکّو ای اے۔ یعنی یِسُوع مسِیح جیہڑا اِنسان اے۔

یہُوداہ 1:25

اوس اِکّو خُدا دا جیہڑا ساڈا نجات دین والا اے۔ ساڈے خُداوند یِسُوع مسِیح دی راہِیں جلال تے عِزّت تے حکُومت تے قُدرت مُڈھوں وی اے تے ہُن تے اوڑک تِیکر ہوئے۔ آمِین۔