۱-کُرِنتھِیوں 8:3 - پنجابی نواں عہد نامہ نظرثانی شدہ چھپائی

³ پر جیہڑا خُدا نال مُحبّت رکھدا اے خُدا اوہنوں پچھاندا اے۔

۱-کُرِنتھِیوں 8:3 ပူးပေါင်းရင်းမြစ်များ

متّی 7:23

تے مَیں اوہناں نُوں تَد صاف آکھاں گا پئی مَیں کدی تُہانوں نئیں جانیا۔ اَے شریعت توڑن والیو مَیتھوں دُراڈے ہو جاؤ۔

یُوحنّا 10:14

چَنگا ایّالی مَیں آں تے مَیں اپنیاں نُوں جاننا آں تے میرِیاں مَینُوں جاندِیاں نیں۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

رُومِیوں 11:2

خُدا اپنی قوم نُوں جِہنُوں اوس پہلے توں جانیا رَدّ نئیں کِیتا۔ تُسی نئیں جان دے پئی ایلیّاہ دے بیان وِچ پاک کتاب کِیہ آکھدی اے؟ پئی اوہ خُدا دے اگّے اِسرائیل دے لئی کِس طرح فریاد کر دا اے۔

۱-کُرِنتھِیوں 13:12

ہُن سانُوں شیشے وِچوں دُھندلا جیہا وکھائی دیندا اے پر اوس ویلے آہمنوں سامھنے ویکھاں گے۔ ایس ویلے میرا عِلم اُدھورا اے پر اوس ویلے اجیہا پُوری طرح نال پچھاناں گا۔ جیویں مَیں پچھانیاں گیا۔

۱-کُرِنتھِیوں 2:9

سگوں جیویں لِکھیا اے۔ اوسے طرح ہویا پئی جیہڑیاں شیواں نا اَکھّیاں ویکھیاں نا کنّاں سُنیاں نا بندیاں دے دِلاں وِچ آئِیاں۔ جِنّیاں شیواں خُدا نے اپنے پیار کرن والیاں لئی تیار کر دِتّیاں۔

گلتِیوں 4:9

پر ہُن جو تُساں خُدا نُوں پِچھانیا۔ سگوں خُدا تُہانوں پِچھانیا تے اوہناں کمزوراں تے نکمّیاں مُڈھ والِیاں گلّاں ولّ کیوں پِھردے ہو۔ جِنہاں دی دُوجی وار غلامی کرنی چاہندے ہو۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

یعقُوب 2:5

میرے پیارے بھراؤ! سُنو۔ خُدا ایس جہان دیاں غرِیباں نُوں اِیمان وِچ دَولتمند ہون لئی نئیں چُنیا؟ تے اپنے پیار کرن والیاں نال بادشاہی دا وارث ہون دا وعدہ نئیں کِیتا؟

۱-پطرس 1:8

اوہدے نال تُسی بِن ویکھیاں مُحبّت رکھدے ہو تے بھانویں اوہنوں ایس ویلے نئیں ویکھدے فیر وی اوہدے اُتّے اِیمان لیا کے اجیہی خُوشی کر دے ہو۔ تے جِہدا بیان نئیں ہو سکدا تے جیہڑی جلال نال بھری ہوئی اے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔

۱-یُوحنّا 4:7

پیاریو! اسی اِک دُوجے نُوں مُحبّت کریئے۔ کیوں جو مُحبّت خُدا ولّوں اے تے جیہڑا مُحبّت کر دا اے اوہ خُدا توں جمّیا اے تے خُدا نُوں جان دا اے۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔

مُکاشفہ 2:19

مَیں تیرے کمّاں تے مُحبّت تے اِیمان تے خِدمت تے صبر نُوں تے جاننا آں۔ تے ایہہ وی پئی تیرے پِچّھلے کمّ پہلے کمّاں نالوں وَدّھ نیں۔

مُکاشفہ 2:9

پئی مَیں تیری مُصِیبت تے غرِیبی نُوں جاننا آں (پر تُوں دَولتمند ایں) تے جیہڑے اپنے آپ نُوں یہُودی آکھدے نیں تے اوہ ہَین نئیں سگوں شیطان دی جماعت نیں اوہناں دِیاں طعنیاں مہِنیاں نُوں وی جاننا آں۔