۱-کُرِنتھِیوں 8:13 - پنجابی نواں عہد نامہ نظرثانی شدہ چھپائی

¹³ ایس لئی جے کھانا میرے بھرا نُوں ٹھوکر کھواوے تے مَیں کدی وی ماس نا کھاں گا۔ تاں جو اپنے بھرا دے ٹھوکر کھان دا سبّب نا ہوواں۔

۱-کُرِنتھِیوں 8:13 ပူးပေါင်းရင်းမြစ်များ

متّی 17:27

پر ایس کر کے پئی ساڈے توں اوہناں نُوں ٹھوکر نا لگّے تُوں جا کے سمُندر وِچ کُنڈی سُٹ تے جیہڑی مچّھی پہلاں نِکلے تُوں پَھڑلَے۔ تے اوہدا مُنھ کھول تے تینُوں اِک مِثقال لَبھّے گا۔ اوہنوں لے کے میرے تے اپنے واسطے اوہناں نُوں دے۔

اعمال 15:20

پر اوہناں نُوں لِکھئے۔ پئی بُتاں دِیاں پلِیتیاں توں تے حرامکاری توں تے گل گُھٹّیاں ہویاں شیواں توں تے لہو توں بچے رہن۔

رُومِیوں 14:13

ایس لئی اسی اگّے نُوں اِک دُوجے اُتّے عیب نا لایئے۔ سگوں تُسی اپنے مَن وِچ ایہہ ٹھہراؤ۔ پئی اسی اپنے بھرا دے اگّے کوئی ٹھوکر نا رکھیے۔

رُومِیوں 14:21

چنگی گلّ ایہہ اے نا تُوں گوشت کھائیں نا شراب پِیویں۔ نا کوئی اجیہا کمّ کریں۔ جِہدے توں تیرا بھرا ٹھوکر کھاوے۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 10:33

سو مَیں وی سبھناں گلّاں وِچ سبھناں نُوں خُوش کرنا آں۔ تے اپنا نئیں پر بتھیریاں دا فائدہ لبّھنا آں۔ پئی بچ جان۔

۱-کُرِنتھِیوں 13:5

کوچَجّے کمّ نئیں کر دی۔ اپنی بھلیائی نئیں چاہندی غُصّے نئیں ہوندی بدگمانی نئیں کر دی۔

۱-کُرِنتھِیوں 6:12

سارِیاں شیواں میرے واسطے روا تے نیں پر سارِیاں شیواں فائدے والیاں نئیں۔ سارِیاں شیواں میرے لئی روا تے نیں۔ پر مَیں کِسے شے دے قابُو وِچ نا ہوواں گا۔

۱-کُرِنتھِیوں 9:12

جے ہورناں دا تُہاڈے اُتّے ایہہ اختیار اے تے ساڈا اوہدے نالوں وَدّھ نا ہوئے گا؟ پر اساں اختیار نال کمّ نا لیا۔ سگوں ہر شے دی برداشت کرنے آں۔ تاں جو ساڈے سبّبوں یِسُوع مسِیح دی خُوشخبری وِچ اڑِکا نا ہوئے۔

۲-کُرِنتھِیوں 11:29

کِہدی کمزوری توں مَیں کمزور نئیں ہوندا؟ کِہدے ٹھوکر کھان توں میرا دِل نئیں دُکھدا؟

۲-کُرِنتھِیوں 6:3

اسی کِسے گلّ وِچ ٹھوکر کھان دا کوئی موقع نئیں دیندے تاں جو ساڈی خِدمت اُتّے حرف نا آوے۔