۱-کُرِنتھِیوں 6:10 - پنجابی نواں عہد نامہ نظرثانی شدہ چھپائی

¹⁰ نا چور نا لالچی نا شرابی نا گالاں کڈھن والے نا ظالم۔

۱-کُرِنتھِیوں 6:10 ပူးပေါင်းရင်းမြစ်များ

متّی 21:19

تے راہ دے کنڈھے اِک ہنجیر دا بُوٹا دیکھ کے اوہدے کول گیا تے اوہدے وِچ بِناں پَتّراں دے ہور کُجھ نا مِلیا تے اوہنوں آکھیا ہُن توں لے کے تیرے اُتّے کدی وی پَھل نا ہوئے تے اوسے ویلے ہنجیر دا بُوٹا سُک گیا۔

متّی 23:13

پر ہائے افسوس تُہاڈے اُتّے فقِیہو تے فرِیسیو مکّارو۔ ایس لئی پئی تُسی اسمان دی بادشاہی نُوں لوکاں اُتّے بند کر دے اوہ۔ تُسی تے نا آپ وِچ وڑدے تے نا وڑن والیاں نُوں وڑن دیندے اوہ۔

متّی 23:33

اَے سپّو۔ سپّاں دے بچّیو۔ تُسی جہنّم دی سزا توں کِس طرح بھجو گے؟

یُوحنّا 12:6

ایہہ گلّ اوس ایس کر کے نئیں سی آکھی پئی اوہنوں مَسکِیناں دا فِکر سی پر ایس لئی پئی اوہ چور سی تے بٹوا کول رکھ کے جو کُجھ اوہدے وِچ ہوندا سی اوہ لے لَیندا سی۔

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

۱-کُرِنتھِیوں 15:50

بھراؤ! مَیں ایہہ آکھنا آں۔ پئی ماس تے لہو خُدا دی بادشاہی دے وارث نئیں ہوسکدے نا ناس ہون والا بقا دا وارث ہوسکدا اے۔

۱-کُرِنتھِیوں 5:11

پر تُہانوں مَیں ایہہ لِکھیا سی۔ پئی جے کوئی بھرا اکھوا کے حرامکار یا لالچی یا بُت پرست یا گالی کڈھن والا یا شرابی یا ظالم ہوئے تے اوہدے نال صُحبت نا رکھو سگوں اجیہے نال روٹی وی نا کھاؤ۔

گلتِیوں 5:21

بُغض۔ نشے بازی۔ ناچ رنگ تے ہور ایہو جیہے۔ ایہناں دی بابت تُہانوں اگیترا دس دیناں آں جیویں پہلاں وی دسیا سی۔ پئی اجیہے کمّ کرن والے خُدا دی بادشاہی دے وارث نا ہون گے۔

اِفسِیوں 4:28

چوری کرن والا فیر چوری نا کرے سگوں چَنگا پیشہ مَل کے ہتّھاں نال کمّ کرے۔ تاں جو غرِیب نُوں کُجھ دے سکے۔

اِفسِیوں 5:5

کیوں جو تُسی چنگی طرح جان دے ہو۔ پئی کِسے زنائی یا گندے بندے یا لالچی دی جیہڑا بُت پرست دے برابر اے۔ مسِیح تے خُدا دی بادشاہی وِچ کوئی وِرثہ نئیں۔

۱-تھِسّلُنِیکوں 4:6

تے کوئی بندہ اپنے بھرا نال ایس گلّ وِچ وادھا تے دَغا نا کرے۔ کیوں جو خُدا ایہناں ساریاں کمّاں دا بدلہ دین والا اے۔ جیویں اساں پہلاں تُہانوں صاف صاف دس چھڈیا۔

۱-پطرس 4:15

تُہاڈے وِچوں کوئی جَنا خُونی یا چور یا بدکار یا ہورناں دے کمّ وِچ دخل دین والا ہو کے دُکھ نا پائے۔