۱-کُرِنتھِیوں 5:11 - پنجابی نواں عہد نامہ نظرثانی شدہ چھپائی

¹¹ پر تُہانوں مَیں ایہہ لِکھیا سی۔ پئی جے کوئی بھرا اکھوا کے حرامکار یا لالچی یا بُت پرست یا گالی کڈھن والا یا شرابی یا ظالم ہوئے تے اوہدے نال صُحبت نا رکھو سگوں اجیہے نال روٹی وی نا کھاؤ۔

۱-کُرِنتھِیوں 5:11 ပူးပေါင်းရင်းမြစ်များ

متّی 18:17

تے جے کر اوہ اوہناں دی گلّ نا مَنّے تے کلِیسیا نُوں آکھ۔ پر جے کلِیسیا دی وی نا مَنّے تے اوہ تیرے لئی اجیہا ہوئے جِہیا کوئی غیر قوم یا محصُولیا۔

متّی 23:25

ہائے افسوس تُہاڈے اُتّے فقِیہو تے فرِیسیو مکّارو۔ تُسی کٹورے تے تھالی نُوں باہروں صاف کر دے ہو پر اوہ اندروں لُٹ تے بدپرہیزی نال بھرے ہوئے نیں۔

لُوقا 18:11

فریسی کھلو کے اپنے جی وِچ ایویں دُعا منگن لگّا۔ اَے خُدا مَیں تیرا شُکر کرنا آں پئی مَیں ہورناں لوکاں وانگُوں لُٹیرا ظالم زانی یا ایس محصُولئے جِہیا نئیں آں۔

لُوقا 21:34

پر ہُشیار رہو۔ کِتے تُہاڈے دِل بوہتا کھان پِین تے نشئی ہون تے زِندگی دی فِکراں نال بھارے نا ہو جان۔ تے اوہ دِہاڑا تُہاڈے اُتّے پھاہی وانگُوں جھٹ پَٹ آ پَوے۔

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

اعمال 9:17

تَد حننیاہ گیا۔ تے اوس گھر وِچ وڑیا تے اپنے ہتّھ اوہدے اُتّے رکھّے تے آکھیا۔ اَے بھرا ساؤُل! خُداوند یعنی یِسُوع جیہڑا تیرے اُتّے اوس راہ وِچ جیہڑے راہ تُوں آیا ایں۔ ظاہر ہویا مَینُوں گھلّیا اے پئی تُوں فیر سُجاکھا ہوویں۔ تے پاک رُوح نال بھر جاویں۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

۱-کُرِنتھِیوں 10:14

ایس لئی میرے بھراؤ۔ بُتاں دی پُوجا توں بچو۔

۱-کُرِنتھِیوں 11:21

کیوں جو کھان دے ویلے ہر کوئی دُوجے نالوں پہلے اپنا عِشاء کھالَیندا اے۔ تے کوئی بُھکھا رہ جاندا اے تے کِسے نُوں نشہ ہو جاندا اے۔

۱-کُرِنتھِیوں 5:13

پر باہر والیاں اُتّے خُدا حُکم کر دا اے۔ سو اوس شریر بندے نُوں اپنے وِچوں کڈھ دیو۔

۱-کُرِنتھِیوں 6:10

نا چور نا لالچی نا شرابی نا گالاں کڈھن والے نا ظالم۔

۱-کُرِنتھِیوں 6:6

سگوں بھراواں بھراواں وِچ مُقدّمہ ہوندا اے۔ سو اوہ وی بیدیناں اگّے۔

۱-کُرِنتھِیوں 6:9

تُسی نئیں جان دے۔ پئی بدکار خُدا دی بادشاہی دے وارث نا ہون گے؟ فریب نا کھاؤ۔ نا حرامکار خُدا دی بادشاہی دے وارث ہون گے۔ نا بُت پرست نا زناہی۔ نا لُچّے۔ نا مُنڈے باز۔

۱-کُرِنتھِیوں 7:12

باقِیاں نُوں مَیں ای آکھنا آں نا خُداوند۔ پئی جے کِسے بھرا دی بیوی بے اِیمان ہوئے تے اوہدے نال رہن نُوں راضی ہوئے۔ تے اوہ اوہنوں نا چھڈے۔

۱-کُرِنتھِیوں 7:15

پر بندہ جیہڑا بے اِیمان ہوئے۔ جے اوہ وَکھ ہوئے۔ تے ہون دیو۔ اجیہے حال وِچ کوئی بھرا یا بھین بَدّھی ہوئی نئیں۔ تے خُدا سانُوں وی میل ملاپ لئی سدّیا اے۔

۱-کُرِنتھِیوں 8:11

سو تیرے عِلم دے سببّوں اوہ کمزور بندہ یعنی اوہ بھرا جِہدی خاطر مسِیح مویا ہلاک ہو جائے گا۔

گلتِیوں 2:12

ایس لئی پئی یعقُوب ولّوں کُجھ جِنّیاں دے آؤن توں پہلاں تے اوہ غیر قوماں نال کھاندا ہوندا سی۔ پر جدوں اوہ آ گئے تے سُنتِیاں توں ڈر دا مارا ہَٹ گیا۔ تے وکھرا ہوگیا۔

اِفسِیوں 5:18

تے شراب پی کے مست نا ہوؤ۔ کیوں جو ایہدے وِچ بدچلنی ہوندی اے۔ سگوں رُوح نال بھر دے جاؤ۔

اِفسِیوں 5:5

کیوں جو تُسی چنگی طرح جان دے ہو۔ پئی کِسے زنائی یا گندے بندے یا لالچی دی جیہڑا بُت پرست دے برابر اے۔ مسِیح تے خُدا دی بادشاہی وِچ کوئی وِرثہ نئیں۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

۲-تھِسّلُنِیکوں 3:14

تے جیہڑا ساڈے ایس خط دی گلّ نا مَنّے اوہدے ولّ خیال رکھو۔ اوہدے نال نا بَہو نا کھلو۔ تاں جو اوہ شرمندہ ہوئے۔

۲-تھِسّلُنِیکوں 3:6

ہُن بھراؤ! اسی اپنے خُداوند یِسُوع مسِیح دے ناں وِچ تُہانوں حُکم دینے آں پئی اجیہے ہر اِک بھرا توں بچے رہو۔ جیہڑا بے قاعدہ ٹُردا اے تے اوس روائت اُتّے عمل نئیں کر دا جیہڑی اوہنوں ساڈے ولّوں مِلی اے۔

۱-تِیمُتِھیُس 3:3

تے نا نشے وِچ ڈنڈ پان والا تے نا مارن کُٹّن والا ہوئے سگوں حلِیم ہوئے۔ تے جھگڑا کرن والا تے پَیسے دا پیارا نا ہوئے۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

۲یُوحنّا 1:10

جے کوئی تُہاڈے کول آوے تے ایہہ تعلِیم نا دیوے۔ اوہنوں گھر وِچ نا وڑن دیو تے نا سلام کرو۔

مُکاشفہ 2:14

پر مَینُوں کُجھ گلّاں دی تیرے اُتّے شکایت اے ایس لئی پئی تیرے اوتھے کُجھ لوک بِلعام دی تعلِیم مَنّن والے نیں جِس بلق نُوں بنی اِسرائیل اگّے ٹھوکر رکھن دی تعلِیم دِتّی یعنی ایہہ پئی اوہ بُتاں دِیاں قُربانِیاں کھان تے حرامکاری کرن۔

مُکاشفہ 2:20

پر مَینُوں تیرے اُتّے ایہہ شکایت اے۔ پئی تُوں اوس عورت اِیزبِل نُوں رہن دِتّا اے۔ جیہڑی اپنے آپ نُوں نَبِیہ آکھدی اے۔ تے میرے بندیاں نُوں حرامکاری کرن تے بُتاں دِیاں قُربانِیاں کھان دی تعلِیم دے کے بد راہ کر دی اے۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔