۱-کُرِنتھِیوں 4:17 - پنجابی نواں عہد نامہ نظرثانی شدہ چھپائی

¹⁷ ایس لئی مَیں تِیمُتِھیُس نُوں تُہاڈے کول گھلّیا۔ اوہ خُداوند وِچ میرا پیارا تے دیانتدار پُتر اے۔ تے میرے اوہناں مسِیحی طریقیاں دا تُہانوں چیتا کراوے گا۔ جِنہاں دی مَیں ہر تھاں دی کلِیسیا وِچ تعلِیم دینا آں۔

۱-کُرِنتھِیوں 4:17 ပူးပေါင်းရင်းမြစ်များ

متّی 24:45

فیر اوہ وفادار تے سیانا نوکر کیہڑا اے پئی جِہنُوں اوہدے مالک اپنے سارے سیوا کرن والیاں اُتّے مُختِیار کِیتا پئی ویلے سر اوہناں نُوں رست دیوے؟

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 25:23

اوہدے مالک اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیوں۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

اعمال 16:1

تے اوہ دِربے تے لُسترہ وی اَپڑیا۔ تے ویکھو اوتھے تِیمُتِھیُس کر کے اِک شاگِرد سی۔ اوہ اِک اِیمان دار یہُودن دا پُتر سی۔ پر اوہدا پئیو یُونانی سی۔

۱-کُرِنتھِیوں 11:16

پر جے کوئی حُجتّاں کرن والا ہوئے تے ایہہ جان چھڈو۔ پئی نا ساڈا اجیہا کوئی دستُور اے نا خُداوند دِیاں کلِیسیاواں دا۔

۱-کُرِنتھِیوں 11:2

مَیں تُہاڈی وڈیائی کرنا آں۔ پئی تُسی سبھناں گلّاں وِچ مَینُوں یاد رکھدے ہو۔ تے جیویں مَیں تُہانوں روائِتاں اپڑائیاں۔ تُسی اوسے طرح اوہناں نُوں برقرار رکھدے اوہ۔

۱-کُرِنتھِیوں 11:34

جے کوئی بُھکھا ہوئے تے اپنے گھر وِچ کھائے۔ تاں جو تُہاڈا اکٹّھا ہونا سزا دا سبّب نا ہوئے۔ تے باقی گلّاں مَیں آ کے ٹھیک کراں گا۔

۱-کُرِنتھِیوں 14:33

کیوں جو خُدا گڑبڑی دا نئیں سگوں امن دا بانی اے۔ جیویں پاک لوکاں دِیاں سارِیاں کلِیسیاواں وِچ اے۔

۱-کُرِنتھِیوں 16:1

ہُن اوس چندے دی بابت جیہڑا پاک لوکاں لئی کِیتا جاندا اے۔ جیویں مَیں گلِتیہ دی کلِیسیاواں نُوں حُکم دِتّا اے۔ اوسے طرح تُسی وی کرو۔

۱-کُرِنتھِیوں 16:10

جے تِیمُتِھیُس آ جائے تے خیال رکھنا۔ پئی اوہ تُہاڈے کول بے فِکر رہے کیوں جو اوہ میرے وانگُوں خُدا دا کمّ کر دا اے۔

۱-کُرِنتھِیوں 4:14

مَیں تُہانوں شرمندیاں کرن لئی ایہہ گلّاں نئیں لِکھدا سگوں پیارے پُتر جان کے مَت دینا آں۔

۱-کُرِنتھِیوں 4:15

کیوں جو جے مسِیح وِچ تُہاڈے اُستاد دَس ہزار وی ہون۔ تَد وی تُہاڈے رُوحانی پئیو بتھیرے نئیں۔ ایس لئی پئی مَیں ای اِنجِیل دی راہِیں مسِیح یِسُوع وِچ تُہاڈا پئیو بنیا۔

۱-کُرِنتھِیوں 4:2

تے ایتھے مُختِیار وِچ ایہہ گلّ ویکھی جاندی اے۔ پئی دیانتدار ہوئے۔

۱-کُرِنتھِیوں 7:17

پر جیہا خُدا ہر اِک نُوں حِصّہ دِتّا اے تے جیویں خُدا ہر اِک نُوں سدّیا اے۔ اوہ اوسے طرح ٹُرے۔ تے مَیں ساریاں کلِیسیاواں وِچ ایسے طرح حُکم دینا آں۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۲-کُرِنتھِیوں 8:18

تے اساں اوہدے نال اوس بھرا نُوں گھلّیا۔ جِہدی وڈیائی خُوشخبری دے سبّب سارِیاں کلِیسیاواں وِچ ہوندی اے۔

اِفسِیوں 6:21

تے تُخِکس جیہڑا پیارا بھرا تے خُداوند دا دیانتدار نوکر اے تُہانوں میرِیاں سارِیاں گلّاں دسے گا۔ تاں جو تُسی جانو پئی مَیں کِیہ کرنا آں۔

فِلِپّیوں 2:19

پر مَینُوں خُداوند یِسُوع وِچ آس اے۔ پئی تِیمُتِھیُس نُوں تُہاڈے کول چھیتی گھلاں گا۔ تاں جو تُہاڈا حال معلُوم کر کے تے میرے دِل نُوں وی ارمان ہوئے۔

فِلِپّیوں 2:22

پر تُسی اوہدی پکیائی نُوں جان دے ہو۔ پئی جیویں پُتر پئیو دی سیوا کر دا اے اونویں ای اوس میرے نال خُوشخبری سُنان وِچ خِدمت کِیتی۔

کُلُسِّیوں 1:7

جیویں تُساں ساڈے پیارے ساتھی اِپَفراس کولوں سُنیا اے۔ جیہڑا ساڈے ولّوں مسِیح دا دیانتدار نوکر اے۔

کُلُسِّیوں 4:9

تے اوہدے نال اُنیسِمُس نُوں وی گھلّیا اے۔ جیہڑا دیانتدار تے پیارا بھرا تے تُہاڈے وِچوں اے۔ ایہہ تُہانوں ایتھوں دِیاں سارِیاں گلّاں دسن گے۔

۱-تِیمُتِھیُس 1:18

میرے پُتر تِیمُتِھیُس۔ اوہناں پیشِینگوئِیاں دے سببّوں جِنہاں تینُوں راہ پایا۔ مَیں ایہہ حُکم کرنا آں۔ پئی تُوں اوہناں دی راہِیں چنگی لڑائی لڑیں۔

۱-تِیمُتِھیُس 1:2

تِیمُتِھیُس دے ناں جیہڑا اِیمان وِچ میرا سَچّا پُتر اے خُدا باپ تے ساڈے خُداوند مسِیح یِسُوع ولّوں فضل رَحم تے تسلّی ہوئے۔

۲-تِیمُتِھیُس 1:2

پیارے پُتر تِیمُتِھیُس دے ناں۔ خُدا باپ تے ساڈے خُداوند مسِیح یِسُوع ولّوں فضل تے رَحم تے تسلّی ہوئے۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

۲-تِیمُتِھیُس 3:10

پر تُوں تعلِیم۔ چال چَلّن۔ اِرادے۔ اِیمان۔ صبر۔ مُحبّت۔ برداشت۔ ستائے جان۔ تے دُکھ دَرد سہن وِچ میری پَیروی کِیتی۔

طِطُس 1:5

مَیں کریتے وِچ تینُوں ایس لئی چھڈیا سی پئی تُوں جِنہاں گلّاں وِچ کسر رہ گئی سی ٹھیک کریں۔ تے جیویں مَیں حُکم دِتّا ساریاں شہراں وِچ اجیہے بزُرگ نامزد کر۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔