۱-کُرِنتھِیوں 4:10 - پنجابی نواں عہد نامہ نظرثانی شدہ چھپائی

¹⁰ اسی مسِیح دی خاطر مُورکھ آں۔ پر تُسی مسِیح وِچ عقل والے ہو اسی ماڑے آں تے تُسی زور والے۔ تُسی عِزّت والے اسی بے عِزّت آں۔

۱-کُرِنتھِیوں 4:10 ပူးပေါင်းရင်းမြစ်များ

متّی 24:9

تَد اوہ تُہانوں دُکھ دین لئی پھڑوا دین گے تے تُہانوں مار سُٹّن گے تے میرے ناں دے سبّب سارِیاں قوماں تُہاڈے نال وَیر رکھن گِیاں۔

متّی 5:11

دھنّ ہو تُسی جد میری خاطر تُہانوں ملامت کرن گے تے ستان گے تے جُھوٹھ مُوٹھ ہر طرح دِیاں بُریائِیاں تُہاڈے اُتّے بکن گے۔

لُوقا 10:16

جیہڑا تُہاڈی سُندا اے۔ میری سُندا اے۔ جیہڑا تُہانوں رَدّ کر دا اے اوہ مَینُوں رَدّ کر دا اے۔ تے جیہڑا مَینُوں رَدّ کر دا اے اوہ میرے گھلّن والے نُوں رَدّ کر دا اے۔

لُوقا 18:9

فیر اوس کئیاں نُوں۔ جیہڑے اپنے اُتّے بھروسا رکھدے سن۔ پئی اسی نیک آں تے جیہڑے ہورناں نُوں ماڑیاں جاندے سن۔ ایہہ تمثِیل سُنائی۔

لُوقا 6:22

دھنّ ہو تُسی جد اِبنِ آدم دے سبّب بندے تُہاڈے نال وَیر رکھن گے تے تُہانوں باہر کڈھ دین گے تے ملامت کرن گے تے تُہاڈا ناں بُرا جانن گے۔

اعمال 17:18

تے بعضے اِپِکُوری تے ستوئِیکی سِیانے اوہدے نال مُقابلہ کرن لگّے۔ تے بعضیاں نیں آکھیا۔ پئی ایہہ گپّی کِیہ آکھنا چاہندا اے؟ تے ہورناں نیں آکھیا۔ پئی ایہہ بندہ اوپرے دیوتیاں دی خبر دسن والا معلُوم ہوندا اے۔ ایس لئی پئی اوہ یِسُوع دی تے قیامت دی خُوشخبری دیندا سی۔

اعمال 17:32

تے جد اوہناں مُردیاں وِچوں جی اُٹھن دی گلّ سُنی تَد کئی مخَول کرن لگّے۔ تے ہورناں آکھیا۔ پئی اسی ایہہ گلّ تَیتھوں فیر سُناں گے۔

اعمال 26:24

تے جد اوہ اینج اجے اپنا جواب پیا دیندا سی فیستُس اُچّی اواز نال آکھن لگّا۔ پَولُس تُوں تے پاگل ایں۔ بُہتے عِلم تیری عقل مار چھڈی اے۔

اعمال 9:16

کیوں جو مَیں اوہنوں دس دیاں گا۔ پئی میرے ناں دے بدلے اوہنوں کیڈے کیڈے دُکھ جَھلّنے پَین گے۔

۱-کُرِنتھِیوں 1:21

ایس لئی پئی جد خُدا دی دنائی دے سببّوں دُنیا اپنی دنائی نال خُدا نُوں نا سہاتا۔ تَد خُدا نُوں ایہہ چَنگا لگّا۔ پئی ایس منادی دی مُورکھ دی راہِیں اِیمان لیاؤن والیاں نُوں نجات دیوے۔

۱-کُرِنتھِیوں 1:23

پر اسی اوس صلِیب دِتّے ہوئے مسِیح دی منادی کرنے آں۔ جیہڑا یہُودِیاں لئی ٹھوکر تے غیر قوماں بھانے مُورکھ اے۔

۱-کُرِنتھِیوں 1:25

کیوں جو خُدا دی مُورکھ بندیاں دی حِکمت نالوں چنگی اے تے خُدا دی کمزوری بندیاں دے زور نالوں زور والی اے۔

۱-کُرِنتھِیوں 10:12

سو جیہڑا اپنے آپ نُوں پَکیّاں سمجھدا اے سو خبردار رہے پئی ڈِگّ نا پَوے۔

۱-کُرِنتھِیوں 2:14

پر نفس دا بندہ خُدا دے رُوح دِیاں گلّاں نئیں مَندا کیوں جو اوہ اوہدے بھانیں مُورکھ دِیاں گلّاں نیں۔ تے اوہ اوہناں نُوں سمجھ نئیں سکدا اے۔ کیوں جو اوہ رُوحانی طرح پرکھیاں جاندِیاں نیں۔

۱-کُرِنتھِیوں 2:3

تے مَیں کمزوری تے ڈر تے بڑے تَھر تَھر کمبن دی حالت وِچ تُہاڈے کول رہیا۔

۱-کُرِنتھِیوں 3:18

کوئی اپنے آپ نُوں دھوکھا نا دے۔ جیہڑا تُہاڈے وِچوں اپنے آپ نُوں ایس جہان دا سیانا سمجھے اوہ مُورکھ بنے تاں جو سیانا ہو جائے۔

۱-کُرِنتھِیوں 3:2

مَیں تُہانوں دُدّھ پیایا۔ تے روٹی نا کھوائی۔ کیوں جو تُسی اوہنوں پچا نئیں سو سکدے۔ سگوں اجے وی پچا نئیں سکدے ہو۔

۱-کُرِنتھِیوں 4:8

تُسی تے پہلاں توں ای رجّے ہوئے اوہ۔ تے پہلاں توں ای دَولت والے اوہ۔ تے تُساں ساڈے بِناں بادشاہی کِیتی تے چَنگا سی پئی تُسی بادشاہی کر دے تاں جو اسی وی تُہاڈے نال بادشاہی کر دے۔

۲-کُرِنتھِیوں 10:10

کیوں جو آکھدے نیں پئی اوہدے خط تے ضرُور تاثِیر کرن والے زبردست نیں پر جد آپی موجُود ہوندا اے۔ تے ماڑا جِہیا معلُوم ہوندا اے۔ تے اوہدا بولنا ایویں کوِیں ای اے۔

۲-کُرِنتھِیوں 11:19

کیوں جو تُسی تے سِیانے ہو کے خُوشی نال مُورکھاں دی برداشت کر دے ہو۔

۲-کُرِنتھِیوں 11:29

کِہدی کمزوری توں مَیں کمزور نئیں ہوندا؟ کِہدے ٹھوکر کھان توں میرا دِل نئیں دُکھدا؟

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

۲-کُرِنتھِیوں 4:12

سو مَوت تے ساڈے وِچ اثر کر دی اے تے زِندگی تُہاڈے وِچ۔

۲-کُرِنتھِیوں 6:8

عِزّت تے بے عِزّتی دی راہِیں۔ بدنامی تے نیک نامی دی راہِیں۔ بھانویں بد راہ کرن والے معلُوم ہُنے آں فیر وی سَچّے آں۔

۱-تھِسّلُنِیکوں 4:8

ایس واسطے جیہڑا نئیں مَندا اوہ بندے دی نئیں پر اوس خُدا دی گلّ نئیں مَندا جیہڑا تُہانوں اپنا پاک رُوح دیندا اے۔

۱-پطرس 4:14

جے مسِیح دے ناں دے سببّوں تُہانوں طعنے مِہنے مِلدے نیں تے تُسی مُبارک ہو۔ کیوں جو جلال دا یعنی خُدا دا رُوح تُہاڈے اُتّے رہندا اے۔