۱-کُرِنتھِیوں 3:5 - پنجابی نواں عہد نامہ نظرثانی شدہ چھپائی

⁵ اُپلّوس کِیہ شے اے؟ تے پَولُس کِیہ اے؟ سیوائے جِنہاں دی راہِیں تُساں اِیمان لیاندا۔ تے ہر اِک دا اوناں ای درجہ اے۔ جِنّاں خُداوند دِتّا اے

۱-کُرِنتھِیوں 3:5 ပူးပေါင်းရင်းမြစ်များ

متّی 25:15

تے اِک نُوں اوس پنج توڑے دِتّے۔ دُوجے نُوں دو۔ تے ترِیجے نُوں اِک۔ ہر اِک نُوں اوہدی اپنی لیاقت سیتی۔ تے پردیس ٹُرگیا۔

لُوقا 1:2

جیویں اوہناں بندیاں ساڈے تِیکر اپڑائیاں جیہڑے شُروع توں لے کے اَکھّیں ویکھن والے گواہ تے کلام دی خِدمت کرن والے سن۔

یُوحنّا 3:27

یُوحنّا آکھیا بندہ کُجھ نئیں کر سکدا جِنّاں چِر اوہنوں اسمانوں دِتّا نا جاوے۔

اعمال 18:24

تے اِک یہُودی اُپلّوس کر کے جِہدا جنم اِسکندریہ دا سی۔ اِک عالِم بندہ اِفِسُس وِچ آیا۔ تے اوہ پاک کتاب وِچ بڑا سُگھڑ سی۔

اعمال 19:1

تے اینج ہویا جدوں اُپلّوس کُرِنتِھس وِچ سی۔ تَد پَولُس اُپرلے علاقیاں وِچوں دی ہو کے اِفِسُس نُوں آیا۔ تے اوتھے کئی شاگِرد مِلے۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

۱-کُرِنتھِیوں 12:28

تے خُدا نے کلِیسیا وِچ وَکھو وَکھ بندے مُقرّر کِیتے۔ پہلے رسُول دُوجے نبی ترِیجے اُستاد فیر کراماتاں وکھان والے۔ فیر بیماریاں ولّ کرن والے۔ مدد کرن والے۔ انتظام کرن والے۔ وَن سَووَنِیاں زباناں بولن والے۔

۱-کُرِنتھِیوں 16:12

تے بھرا اُپلّوس دے مَیں بڑے تَرلے کِیتے۔ پئی بھراواں نال تُہاڈے کول جائے پر اجے تے اوہ جان نُوں بالکل راضی نئیں ہویا۔ پر جد اوہنوں موقع مِلے گا۔ تے جائے گا۔

۱-کُرِنتھِیوں 3:10

مَیں اوس توفِیق دے سببّوں جیہڑی خُدا مَینُوں بخشی۔ عقلمند راج وانگر نِینّھ رکھی تے دُوجا اوہدے اُتّے عمارت اُسار دا اے۔ سو ہر اِک خبردار رہے۔ پئی کہیو جِہی عمارت اُسار دا اے۔

۱-کُرِنتھِیوں 3:22

بھانویں پَولُس ہوئے بھانویں اُپلّوس بھانویں کیفا بھانویں دُنیا بھانویں زِندگی بھانویں مَوت بھانویں ہُن دِیاں شیواں تے بھانویں آؤن والِیاں۔

۱-کُرِنتھِیوں 3:7

سو نا تے لان والا کُجھ شے اے۔ نا پیان والا پر خُدا جیہڑا وَدھان والا اے۔

۱-کُرِنتھِیوں 9:17

کیوں جو جے اپنی مرضی نال ایہہ کرنا آں۔ تے میرے لئی بدلہ اے تے جے اپنی مرضی نال نئیں کر دا۔ تے مُختیاری میرے سپُرد ہوئی اے۔

۲-کُرِنتھِیوں 11:23

اوہ مسِیح دے خادم نیں؟ (میرا ایہہ آکھنا نادانی اے) مَیں وَدّھ آں۔ محِنتاں وِچ وَدّھ کے۔ قید وِچ وَدّھ کے کولڑے کھان وِچ حدّوں وَدّھ۔ کئی واری مَوت دے خطریاں وِچ رہیا آں۔

۲-کُرِنتھِیوں 3:3

ظاہر اے پئی تُسی مسِیح دا اوہ خط اوہ جیہڑا اساں خادماں دے طَور اُتّے لِکھیا۔ سیاہی نال نئیں سگوں زِندہ خُدا دے رُوح نال پتّھر دِیاں تختِیاں اُتّے نئیں سگوں گوشت دی یعنی دِل دِیاں تختِیاں اُتّے۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

۲-کُرِنتھِیوں 4:5

کیوں جو اسی اپنی نئیں سگوں مسِیح یِسُوع دی منادی کرنے آں۔ پئی اوہ خُداوند اے۔ تے اپنی بابت ایہہ آکھنے آں۔ پئی یِسُوع دی خاطر تُہاڈے نوکر آں۔

۲-کُرِنتھِیوں 4:7

پر ساڈے کول ایہہ خزانہ مِٹّی دیاں بھانڈیاں وِچ رکھیا ہویا اے۔ تاں جو اوہ حدّوں وَدّھ قُدرت ساڈے ولّوں نئیں سگوں خُدا ولّوں معلُوم ہوئے۔

۲-کُرِنتھِیوں 5:18

تے سارِیاں شیواں خُدا ولّوں نیں۔ جِس مسِیح دی راہِیں اپنے نال ساڈا میل کر لیا تے میل دی خِدمت ساڈے سپُرد کِیتی۔

۲-کُرِنتھِیوں 6:1

تے اسی جیہڑے اوہدے نال کمّ وِچ سِیری آں ایہہ عرض وی کرنے آں۔ پئی خُدا دا فضل جیہڑا تُہاڈے اُتّے ہویا بے فائدہ نا رہن دیو۔

۲-کُرِنتھِیوں 6:4

سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

اِفسِیوں 3:7

تے خُدا دے فضل دی بخشِش نال جیہڑا قُدرت دے اثر نال میرے اُتّے ہویا مَیں ایس خُوشخبری دا نوکر بنیا۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:25

جِہدا مَیں خُدا دے اوس بندوبست دے سببّوں نوکر بنیاں۔ جیہڑا تُہاڈے لئی میرے سپُرد ہویا۔ تاں جو مَیں خُدا دے کلام دی پُوری پُوری منادی کراں۔

۱-تِیمُتِھیُس 1:12

مَیں اپنے طاقت دِین والے مسِیح یِسُوع دا ایس لئی شُکر کرنا آں۔ پئی اوس مَینُوں دیانتدار جان کے اپنی سیوا لئی مُقرّر کِیتا۔

۱-پطرس 4:10

جِنّی نِعمت کِسے نُوں مِلی اے اوہ اوہنوں خُدا دِیاں سارِیاں نِعمتاں دے چنگے نَوکراں وانگر دُوجے دی سیوا واسطے ورتیا کرے۔