۱-کُرِنتھِیوں 3:16 - پنجابی نواں عہد نامہ نظرثانی شدہ چھپائی

¹⁶ تُسی نئیں جان دے ہو۔ پئی تُسی خُدا دی ہیکل ہو تے خُدا دا رُوح تُہاڈے وِچ وَسدا اے؟

۱-کُرِنتھِیوں 3:16 ပူးပေါင်းရင်းမြစ်များ

یُوحنّا 14:17

یعنی سچیائی دا رُوح جِہنُوں دُنیا نئیں پا سکدی کیوں جو اوہ نا اوہنوں ویکھدی اے تے نا اوہنوں جاندی اے۔ تُسی اوہنوں جان دے ہو کیوں جو اوہ تُہاڈے نال رہندا اے تے تُہاڈے وِچ ہوئے گا۔

رُومِیوں 6:16

تُسی نئیں جان دے پئی جِہدے تُسی اپنے آپ نُوں تابعداری لئی غلام کر کے حوالے کر دے ہو اوسے دے تُسی غلام ہو جِہدے تابعیاں اوہ۔ بھانویں مَوت لئی گُناہ دے بھانویں راستبازی لئی تابعداری دے؟

رُومِیوں 6:3

یا تُسی بے خبر ہو پئی اساں جِنّیاں مسِیح یِسُوع دا بپتِسمہ لیا اوہدی مَوت دا بپتِسمہ لیا؟

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

رُومِیوں 8:9

پر تُسی جِسمانی نئیں سگوں رُوحانی ہو۔ جے خُدا دا رُوح تُہاڈے وِچ وَسدا ہوئے۔ پر جِہدے وِچ مسِیح دا رُوح نئیں اوہ اوہدا نئیں اے۔

۱-کُرِنتھِیوں 3:17

جے کوئی خُدا دی ہیکل نُوں برباد کرے گا۔ خُدا اوہنوں برباد کرے گا۔ کیوں جو خُدا دی ہیکل پاک اے۔ تے اوہ تُسی ہو۔

۱-کُرِنتھِیوں 3:9

کیوں جو اسی خُدا دے نال کمّ کرن والے آں۔ تے تُسی خُدا دی پَیلی اوہ۔ تے خُدا دی عمارت۔

۱-کُرِنتھِیوں 5:6

تُہاڈا فخر کرنا چَنگا نئیں۔ تُسی نئیں جان دے ہو۔ پئی تھوڑا جیہا خمیر ساری تَون نُوں خمیرا کر دیندا اے؟

۱-کُرِنتھِیوں 6:16

تُسی نئیں جان دے پئی جیہڑا کسبی نال رلیا ہویا اے اوہدے نال اِک تَن ہو جاندا اے؟ کیوں جو اوہ آکھدا اے پئی اوہ دونویں اِک تَن ہون گے۔

۱-کُرِنتھِیوں 6:19

تُسی نئیں جان دے پئی تُہاڈا بدن پاک رُوح دی ہیکل اے جیہڑا تُہاڈے وِچ وَسدا اے۔ تے تُہانوں خُدا ولّوں مِلیا اے۔ تے تُسی اپنے نئیں۔

۱-کُرِنتھِیوں 6:9

تُسی نئیں جان دے۔ پئی بدکار خُدا دی بادشاہی دے وارث نا ہون گے؟ فریب نا کھاؤ۔ نا حرامکار خُدا دی بادشاہی دے وارث ہون گے۔ نا بُت پرست نا زناہی۔ نا لُچّے۔ نا مُنڈے باز۔

۱-کُرِنتھِیوں 9:13

تُسی نئیں جان دے۔ پئی جیہڑے پاک شیواں دی سیوا کر دے نیں۔ اوہ ہیکل وِچوں کھاندے نیں؟ تے جیہڑے قُربان گاہ دی سیوا کر دے نیں۔ اوہ قُربان گاہ دے نال حِصّہ لَیندے نیں۔

۱-کُرِنتھِیوں 9:24

تُسی نئیں جان دے پئی میدان دے دَوڑن والے دَوڑ دے تے سارے ای نیں۔ پر اِنعام اِکّوئی لے جاندا اے۔ تُسی وی اجیہے دَوڑو پئی جِت لوؤ۔

۲-کُرِنتھِیوں 6:16

تے خُدا دے مَقدِس نُوں بُتاں نال کِیہ تعلق اے؟ کیوں جو اسی زِندہ خُدا دا مَقدِس آں۔ جیویں خُدا آکھیا اے پئی مَیں اوہناں وِچ وَسّاں گا تے اوہناں وِچ ٹُراں پھراں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

۱-تِیمُتِھیُس 3:15

تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

۲-تِیمُتِھیُس 1:14

اوس پاک رُوح دی راہِیں جیہڑا ساڈے وِچ وسّیا ہویا اے۔ اوس چنگی امانت دی حفاظت کر۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

یعقُوب 4:4

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-یُوحنّا 4:12

خُدا نُوں کَدے کِسے نئیں ویکھیا۔ جے اسی اِک دُوجے نُوں مُحبّت کرنے آں۔ تے خُدا ساڈے وِچ رہندا اے۔ تے اوہدی مُحبّت ساڈیاں دِلاں وِچ پُوری ہوندی اے۔