۱-کُرِنتھِیوں 3:13 - پنجابی نواں عہد نامہ نظرثانی شدہ چھپائی
13 تے ہر کِسے دا کمّ دِس پووے گا۔ کیوں جو جیہڑا دِن اَگ نال ظاہر ہوئے گا۔ اوہ اوس کمّ نُوں دس دے گا۔ تے اوہ اَگ ہر اِک دا کمّ آپی پرکھ لَئے گی۔ پئی کیہو جِہیا اے۔
سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔
ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔
اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔
تے اکٹّھے ہون توں نا مُڑیئے۔ جیویں کئیاں لوکاں دی عادت اے۔ سگوں آپو وِچ نصِیحت کریئے تے جِنّاں اوس دِن نُوں نیڑے ہوندیاں ویکھدے ہو۔ اوناں ای ایہہ گلّاں وَدّھ کریا کرو۔
تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔
سگوں ایس ویلے دے اسمان تے زمین اوسے کلام دی راہِیں ایس لئی رکھّے ہوئے نیں پئی ساڑے جان تے اوہ بے دِین بندیاں دی عدالت تے ہلاکت دے دِن تِیکر سانبھے رہن گے۔
فیر مَیں سارے نِکّے وڈّے مُردے اوس تخت دے اگّے کھلوتے ہوئے ویکھے۔ تے کِتاباں کھولِیاں گِئیاں۔ فیر اِک ہور کتاب کھولی گئی یعنی حیاتی دی کتاب۔ جیویں اوہناں کِتاباں وِچ لِکھیا ہویا سی۔ اوہناں دیاں کمّاں دے سببّوں مُردیاں دا انصاف کِیتا گیا۔