۱-کُرِنتھِیوں 2:14 - پنجابی نواں عہد نامہ نظرثانی شدہ چھپائی

¹⁴ پر نفس دا بندہ خُدا دے رُوح دِیاں گلّاں نئیں مَندا کیوں جو اوہ اوہدے بھانیں مُورکھ دِیاں گلّاں نیں۔ تے اوہ اوہناں نُوں سمجھ نئیں سکدا اے۔ کیوں جو اوہ رُوحانی طرح پرکھیاں جاندِیاں نیں۔

۱-کُرِنتھِیوں 2:14 ပူးပေါင်းရင်းမြစ်များ

متّی 16:23

اوس پرت کے پطرس نُوں آکھیا اوہ شیطاناں پِچّھے ہَٹ تُوں میرے لئی ٹھوکر ایں کیوں جو تُوں خُدا دی نئیں پر بندیاں دِیاں گلّاں دا دھیان رکھنا ایں۔

یُوحنّا 10:20

تے اوہناں وِچوں بتھیریاں آکھیا اوہدے وِچ بد رُوح اے۔ ایہہ کملا اے۔ کیوں اوہدی سُندے ہو؟

یُوحنّا 12:37

پر بھانویں اوس اینِیاں کراماتاں اوہناں دے سامھنے وکھائیاں سن تَد وی اوہ اوہدے اُتّے اِیمان نا لیائے۔

یُوحنّا 14:17

یعنی سچیائی دا رُوح جِہنُوں دُنیا نئیں پا سکدی کیوں جو اوہ نا اوہنوں ویکھدی اے تے نا اوہنوں جاندی اے۔ تُسی اوہنوں جان دے ہو کیوں جو اوہ تُہاڈے نال رہندا اے تے تُہاڈے وِچ ہوئے گا۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 15:26

پر جدوں اوہ مددگار آوے گا جِہنُوں مَیں باپ ولّوں تُہاڈے کول گھلاں گا۔ یعنی سچیائی دا رُوح جیہڑا باپ ولّوں نِکلدا اے تے اوہ میری بابت گواہی دے گا۔

یُوحنّا 5:44

تُسی کِیویں اِیمان لیا سکدے ہو جیہڑے اِک دُوجے توں وڈیائی لَیندے ہو تے اوس وڈیائی نُوں جیہڑی اکلّے خُدا ولّوں آؤندی اے نئیں لبّھدے۔

یُوحنّا 8:43

تُسی میرِیاں گلّاں کیوں نئیں سمجھدے؟ ایس لئی پئی تُسی میرے کلام نُوں نئیں سُن سکدے۔

اعمال 16:14

تے تھواتِیرہ شہر دی اِک زنانی۔ خُدا دی عبادت کرن والی لُدِیہ کر کے جامنو رنگ ویچن والی وی سُندی سی۔ اوہدا دِل خُداوند کھو لیا پئی پَولُس دِیاں گلّاں اُتّے دِل لاوے۔

اعمال 17:18

تے بعضے اِپِکُوری تے ستوئِیکی سِیانے اوہدے نال مُقابلہ کرن لگّے۔ تے بعضیاں نیں آکھیا۔ پئی ایہہ گپّی کِیہ آکھنا چاہندا اے؟ تے ہورناں نیں آکھیا۔ پئی ایہہ بندہ اوپرے دیوتیاں دی خبر دسن والا معلُوم ہوندا اے۔ ایس لئی پئی اوہ یِسُوع دی تے قیامت دی خُوشخبری دیندا سی۔

اعمال 17:32

تے جد اوہناں مُردیاں وِچوں جی اُٹھن دی گلّ سُنی تَد کئی مخَول کرن لگّے۔ تے ہورناں آکھیا۔ پئی اسی ایہہ گلّ تَیتھوں فیر سُناں گے۔

اعمال 18:15

پر جے نِرے لفظاں تے نانواں تے تُہاڈی شریعت دِیاں گلّاں نیں۔ تے تُسی جانو۔ میری نئیں صلاح پئی ایہناں گلّاں دا مُنصف ہوواں۔

اعمال 25:19

پر اپنے دِین دی بابت بحث کر دے سن۔ تے کِسے بندے یِسُوع دی بابت جیہڑا مر گیا سی تے پَولُس اوہنوں جِیوندیاں آکھدا اے۔

۱-کُرِنتھِیوں 1:18

کیوں جو صلِیب دی منادی ناس ہون والیاں واسطے تے مُورکھ اے۔ پر ساڈے نجات لین والیاں واسطے خُدا دی قُدرت اے۔

۱-کُرِنتھِیوں 1:21

ایس لئی پئی جد خُدا دی دنائی دے سببّوں دُنیا اپنی دنائی نال خُدا نُوں نا سہاتا۔ تَد خُدا نُوں ایہہ چَنگا لگّا۔ پئی ایس منادی دی مُورکھ دی راہِیں اِیمان لیاؤن والیاں نُوں نجات دیوے۔

۱-کُرِنتھِیوں 1:23

پر اسی اوس صلِیب دِتّے ہوئے مسِیح دی منادی کرنے آں۔ جیہڑا یہُودِیاں لئی ٹھوکر تے غیر قوماں بھانے مُورکھ اے۔

۱-کُرِنتھِیوں 1:25

کیوں جو خُدا دی مُورکھ بندیاں دی حِکمت نالوں چنگی اے تے خُدا دی کمزوری بندیاں دے زور نالوں زور والی اے۔

۱-کُرِنتھِیوں 15:44

نفسانی جِسم بِیجیا جاندا اے۔ تے رُوحانی جِسم جی اُٹھدا اے۔ جے اِنسانی جِسم اے تے رُوحانی جِسم وی اے۔

۱-کُرِنتھِیوں 15:46

پر رُوحانی پہلاں نئیں سی سگوں نفسانی سی۔ پِچّھوں رُوحانی ہویا۔

۱-کُرِنتھِیوں 2:12

پر سانُوں دُنیا دی رُوح نئیں۔ سگوں اوہ رُوح مِلیا اے جیہڑا خُدا ولّوں اے۔ تاں جو اوہناں گلّاں نُوں جانئے جیہڑیاں خُدا سانُوں دان کِیتیاں نیں۔

۱-کُرِنتھِیوں 3:1

تے بھراؤ! مَیں تُہاڈے نال ایس طرح کلام نا کر سکیا جیویں رُوحانِیاں نال سگوں جیویں جسمانِیاں نال تے اوہناں نال جیہڑے مسِیح وِچ نِیانے نیں۔

یعقُوب 3:15

ایہہ دانائی اوہ نئیں جیہڑی اُتّوں آؤندی اے سگوں دُنیاوی تے نفسانی تے شیطانی اے۔

۱-یُوحنّا 2:20

پر تُسی اوس قُدُّوس ولّوں مسَح کِیتے گئے ہو۔ تے تُسی سبھو کُجھ جان دے ہو۔

۱-یُوحنّا 2:27

تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

یہُوداہ 1:19

ایہہ اوہ بندے نیں جیہڑے وِچھوڑا پاندے نیں تے نفسی بندے نیں تے رُوح نئیں رکھدے۔