۱-کُرِنتھِیوں 2:13 - پنجابی نواں عہد نامہ نظرثانی شدہ چھپائی

¹³ تے اسی ایہناں گلّاں نُوں اوہناں لفظاں وِچ نئیں بیان کر دے۔ جیہڑے اِنسانی حِکمت نال سانُوں سِکھائے گئے ہون۔ سگوں اوہناں لفظاں وِچ جیہڑے رُوح سِکھائے نیں۔ تے رُوحانی گلّاں نُوں رُوحانی گلّاں نال جاچنے آں۔

۱-کُرِنتھِیوں 2:13 ပူးပေါင်းရင်းမြစ်များ

لُوقا 12:12

کیوں جو پاک رُوح اوسے گھڑی تُہانوں سکھالے گا۔ پئی کِیہ آکھنا چاہیدا اے۔

اعمال 2:4

تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔

۱-کُرِنتھِیوں 1:17

کیوں جو مسِیح مَینُوں بپتِسمے لئی نئیں سگوں خُوشخبری سُنان لئی گھلّیا اے تے اوہ وی کلام دی دنائی نال نئیں۔ تاں جو مسِیح دی صلِیب بے اثر نا ہو جائے۔

۱-کُرِنتھِیوں 14:2

کیوں جو جیہڑا اوپری زبان وِچ گلّ کر دا اے۔ اوہ بندیاں نال گلّاں نئیں کر دا سگوں خُدا نال۔ ایس لئی پئی اوہدی کوئی نئیں سمجھدا بھانویں اوہ اپنی رُوح دی راہِیں بھیت دِیاں گلّاں آکھدا اے۔

۱-کُرِنتھِیوں 2:1

تے بھراؤ! جد مَیں خُدا دے بھیت دی منادی کر دا ہویا تُہاڈے کول آیا۔ تے اُچّے درجے دے کلام یا دنائی نال نئیں آیا

۱-کُرِنتھِیوں 2:14

پر نفس دا بندہ خُدا دے رُوح دِیاں گلّاں نئیں مَندا کیوں جو اوہ اوہدے بھانیں مُورکھ دِیاں گلّاں نیں۔ تے اوہ اوہناں نُوں سمجھ نئیں سکدا اے۔ کیوں جو اوہ رُوحانی طرح پرکھیاں جاندِیاں نیں۔

۱-کُرِنتھِیوں 2:4

تے میرے کلام تے میری منادی وِچ دنائی دِیاں پَرچا لین والِیاں گلّاں نئیں سن سگوں اوہ رُوح تے قُدرت نال ثابت ہوندیاں سن۔

۱-کُرِنتھِیوں 9:11

سو اساں تُہاڈے لئی رُوحانی شیواں بِیجیاں۔ تے ایہہ کوئی وڈّی گلّ اے۔ پئی اسی تُہاڈیاں جِسمانی شیواں دی فصل وَڈّھئے؟

اِفسِیوں 5:19

تے آپو وِچ زبُور تے گِیت تے رُوحانی غزلاں گایا کرو۔ تے دِل وِچ خُداوند لئی گاؤندے وجاؤندے رہیا کرو۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۲-پطرس 1:16

کیوں جو جد اساں تُہانوں اپنے خُداوند یِسُوع مسِیح دی قُدرت تے آؤن توں واقف کِیتا سی۔ تاں دھوکھے بازی دِیاں بنائِیاں ہویاں کہانِیاں دی پَیروی نئیں سی کِیتی سگوں آپ ای اوہدی مَہما نُوں ویکھیاں سی۔