۱-کُرِنتھِیوں 2:10 - پنجابی نواں عہد نامہ نظرثانی شدہ چھپائی

¹⁰ پر ساڈے اُتّے خُدا اوہناں نُوں رُوح دی راہِیں ظاہر کِیتا۔ کیوں جو رُوح سارِیاں گلّاں سگوں خُدا دِیاں ڈُوہنِگیاں گلّاں وی بھال کر لَیندا اے۔

۱-کُرِنتھِیوں 2:10 ပူးပေါင်းရင်းမြစ်များ

متّی 13:11

اوس اوہناں نُوں جواب دِتّا تے آکھیا۔ اسمان دی بادشاہی دے بھیتاں نُوں جان لینا تُہانوں بخشیا گیا اے۔ پر ایہناں نُوں ایہہ بخشیا نئیں گیا۔

متّی 16:17

یِسُوع اوہنوں جواب دے کے آکھیا دھنّ ایں تُوں شمعُون یُوناہ دے پُتر کیوں جو جِسم تے لہو ایہہ گلّ تینُوں نئیں دسی پر میرے باپ جیہٹرا اسماناں وِچ اے۔

لُوقا 10:21

اوسے گھڑی اوس پاک رُوح وِچ خُوش ہو کے آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں عقل والیاں سیانیاں توں لُکایا۔ تے نیانیاں اُتّے اوہناں نُوں ظاہر کِیتا۔ ہاں اَے باپ ایسے طرح ای تینُوں چَنگا لگّا۔

لُوقا 2:26

اوہدے اُتّے رُوحُ القُدس نے ظاہر کِیتا ہویا سی۔ پئی جد تِیکر تُوں خُداوند دے مسِیح نُوں ویکھ نا لَویں۔ تُوں مَوت نُوں نئیں ویکھیں گا۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 16:13

پر جد اوہ آوے گا جیہڑا سچیائی دا رُوح اے تَد اوہ تُہانوں ساری سچیائی دے راہ پائے گا کیوں جو اوہ اپنے ولّوں نئیں آکھے گا۔ پر جو کُجھ سُنے گا سو ای آکھے گا تے آؤن والِیاں گلّاں دی خبر تُہانوں دے گا۔

۱-کُرِنتھِیوں 14:30

پر جے دُوجے کولدے بَیٹھے ہوئے اُتّے وحی اُترے تے پہلا چُپ کر جائے۔

۱-کُرِنتھِیوں 2:11

کیوں جو بندیاں وِچوں کون کِسے بندے دا حال جان دا اے۔ اوس بندے دی رُوح دے بِناں جیہڑی اوہدے وِچ اے۔ ایس طرح خُدا دے رُوح بِناں کوئی خُدا دا حال نئیں جان دا۔

گلتِیوں 1:12

کیوں جو نا تے اوہ مَینُوں بندیاں ولّوں اَپڑی تے نا مَینُوں کِسے سِکھائی۔ پر یِسُوع مسِیح ولّوں مَینُوں اوہدا اِلہام ہویا۔

اِفسِیوں 3:3

یعنی ایہہ پئی اوہ بھیت مَینُوں اِلہام نال معلُوم ہویا تے نالے مَیں پہلاں اوہدا تھوڑا جیہا حال لِکھیا سی۔

اِفسِیوں 3:5

جیہڑا ہورناں زمانیاں وِچ بنی آدم نُوں ایس طرح معلُوم نئیں سی ہویا۔ جیویں اوہدے پاک رسُولاں تے نبیاں اُتّے رُوح نال ہُن ظاہر ہویا اے۔

۱-تِیمُتِھیُس 4:1

پر رُوح صاف آکھدا اے۔ پئی آؤن والیاں زمانیاں وِچ کُجھ اِیمان نُوں چھڈ جان گے بُھلان والِیاں رُوحاں تے شیطان دِیاں تعلِیماں ولّ گَوہ کرن گے۔ تے اِیمان نُوں بُھل جان گئے۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-یُوحنّا 2:20

پر تُسی اوس قُدُّوس ولّوں مسَح کِیتے گئے ہو۔ تے تُسی سبھو کُجھ جان دے ہو۔

۱-یُوحنّا 2:27

تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 2:24

پر تُہانوں تھواتِیرہ دے لوکاں نُوں جیہڑے اوس تعلِیم نُوں نئیں مَن دے تے اوہناں گلّاں توں جِنہاں نُوں لوک شیطان دِیاں ڈونگھیاں گلّاں آکھدے نیں ناواقِف ہو۔ ایہہ آکھنا آں۔ پئی تُہاڈے اُتّے ہور بھار نا پاواں گا۔