۱-کُرِنتھِیوں 15:52 - پنجابی نواں عہد نامہ نظرثانی شدہ چھپائی

⁵² تے اِک دم وِچ اِک پَل وِچ پِچّھلی تُرہی پُھوکدیاں ای ہو جائے گا۔ کیوں جو تُرہی پُھوکی جائے گی تے مُردے بقا دی حالت وِچ اُٹھن گے۔ تے اسی بدل جاواں گے۔

۱-کُرِنتھِیوں 15:52 ပူးပေါင်းရင်းမြစ်များ

متّی 24:31

تے تُرہی دی بڑی اواز نال اوہ اپنے فرِشتیاں نُوں گھلّے گا تے اوہ اوہدیاں چُنیاں ہویاں نُوں اسمان دے ایس سِرے توں لے کے اوس سِرے تِیکر چَوہاں گُٹّھاں توں اکٹّھے کرن گے۔

یُوحنّا 5:25

مَیں تُہانوں سَچ سَچ آکھنا آں پئی اوہ گھڑی آؤندی اے تے ہُن ای اے جدوں مُردے خُدا دے پُتر دی اواز سُنن گے تے جیہڑے سُنن گے جِیو پَین گے۔

یُوحنّا 5:28

ایس گلّوں حَیران نا اوہ۔ کیوں جو اوہ گھڑی آؤندی اے جدوں سارے جیہڑے قبراں وِچ نیں اوہدی اواز سُنن گے۔

۱-کُرِنتھِیوں 15:23

پر ہر اِک اپنی اپنی واری سِر پہلا پَھل مسِیح فیر مسِیح دے آؤن اُتّے سارے لوک۔

۱-کُرِنتھِیوں 15:42

مُردیاں دی قیامت وی ایہو جیہی اے۔ جِسم ناس ہو جان والی حالت وِچ بِیجیا جاندا اے۔ سدا رہن والی حالت وِچ جی اُٹھدا اے۔

۱-کُرِنتھِیوں 15:50

بھراؤ! مَیں ایہہ آکھنا آں۔ پئی ماس تے لہو خُدا دی بادشاہی دے وارث نئیں ہوسکدے نا ناس ہون والا بقا دا وارث ہوسکدا اے۔

۱-تھِسّلُنِیکوں 4:15

سگوں اسی تُہانوں خُدا دے کلام دے سببّوں آکھنے آں پئی اسی جیہڑے جیونے آں تے خُداوند دے آؤن توڑی باقی رہاں گے سُتّیاں ہویاں توں کِسے طرح اگّے نا وَدھاں گے۔

۲-پطرس 3:10

پر خُداوند دا دِن چور وانگر آوے گا۔ اوس دِن اسمان بڑے شور نال برباد ہو جان گے۔ تے عناصر ڈاہڈی گرمی نال پِگھر جان گے۔ تے زمین تے اوہدے کمّ سڑ جان گے۔

مُکاشفہ 8:13

تے جد مَیں فیر دھیان کِیتا تے اسمان دے وِچ اِک عُقاب نُوں اُڈدیاں ہویاں تے اُچّی اُچّی ایہہ آکھدیاں سُنیاں پئی اوہناں تریہوں فرِشتیاں دِیاں تُرہیاں دِیاں اَوازاں دے سبّب جیہڑیاں اجے پُھوکن والیاں نیں زمین دے رہن والِیاں اُتّے افسوس افسوس افسوس۔

مُکاشفہ 8:2

تے مَیں اوہناں ستّاں فرِشتیاں نُوں ویکھیا۔ جیہڑے خُدا دے سامھنے کھلوتے رہندے نیں۔ تے اوہناں نُوں سَتّ تُرہیاں دِتّیاں گِئیاں۔